புதிய சர்ச்சையில் இத்தாலி விளம்பரம்

by *சம்ஸ் Fri 18 Nov 2011 - 9:56

புதிய சர்ச்சையில் இத்தாலி விளம்பரம்
இத்தாலி நாட்டை சேர்ந்த தனியார் நிறுவனம் ஒன்று வெளியிட்டுள்ள விளம்பரம் புதிய சர்ச்சையை ஏற்படுத்தியுள்ளது.

இத்தாலி நாட்டை சேர்ந்த ஆடைகள் தயாரிக்கும் நிறுவனம் பெனிட்டன். இந்த நிறுவனம் உலகம் முழுவதும் தன்னுடைய வர்த்தகத்தை விளம்பரப்படுத்துவதற்காக கடந்த 1990ம் ஆண்டிலிருந்து பத்திரிகை மற்றும் தனது இணையதளத்தில் புதுமையான விளம்பரங்களை வெளியிட்டு வந்துள்ளது.

இந்த விளம்பரங்கள் தற்போது சர்ச்சையை ஏற்படுத்தியுள்ளது.

இஸ்ரேல் பிரதமர் பெஞ்சமின் நெதன்யாகு மற்றும் பாலஸ்தீன ஜனாதிபதி மஹ்மூத் அப்பாஸை உதட்டுடன் உதடு முத்தம் தரும் புகைப்படத்தை வெளியிட்டுள்ளது. மேலும் பிரான்ஸ் ஜனாதிபதி நிகோலஸ் சர்கோஸியும் ஜெர்மன் பிரதமர் ஏஞ்சலா மெர்கல் ஆகியோர் மேற்கண்டவாறு முத்தம் தரும்படியும் புகைப்படத்தை வெளியிட்டி ருந்தது.

சீன ஜனாதிபதி ஹு ஜிண்டாவ் மற்றும் அமெரிக்க ஜனாதிபதி ஒபாமாவும் உதடுடன் உதடு சேர்த்து முத்தம் தருவது போன்று படத்தை வெளியிட்டுள்ளது. நிறுவனத்தின் இத்தகைய விளம்பரத்தை நிறுத்த வேண்டுமென இத்தாலியின் கத்தோலிக்க தொலைக்காட்சி நிறுவனம் கண்டித்துள்ளமை குறிப்பிட த்தக்கது.