தேர்தலுக்கு முன்பு விலைவாசியை உயர்த்தியிருக்க வேண்டும்

மதுரையில் மாநில தேமுதிக தொழிற்சங்க பொருளாளர் முஜிபர் ரகுமான் இல்ல திருமண விழாவில், தேமுதிக தலைவர் விஜயகாந்த் கலந்து கொண்டார்.

திருமண விழாவில் கலந்து கொண்ட விஜயகாந்த் பேசியதாவது,


இந்த திருமண வீட்டில் மணமகள், மணமகன் வீட்டார்கள் கொஞ்சம் பொறுத்துக்கொள்ள வேண்டும். இந்த திருமணத்திற்கு எனது கட்சிக்காரர்கள் நிறைந்து இருப்பதால் சில விஷயங்களை பேசியாக வேண்டும்.
தற்போதைய அதிமுக அரசு பால் விலை, பஸ் கட்டணத்தையும், மின் கட்டணத்தையும் உயர்த்தியிருக்கிறது. மக்களை அழ வைத்திருக்கிறார்கள். இதற்கு மத்திய அரசை காரணம் காட்டுவது தவறு. ஆட்சிக்கு வரும்போது, என்ன கோரிக்கைகளையெல்லாம் மக்களிடம் சொன்னீர்களோ, அதையெல்லாம் ஒதுக்கிவிட்டு, விலைவாசியை ஏற்றியிருப்பது கண்டிக்கத்தக்கது.
ஆனால், அதிமுக கூட்டணியில் நானா விரும்பி கூட்டணி வைக்கவில்லை. மக்கள் விரும்பினார்கள் கூட்டணி வைத்தேன். ஆனால் கூட்டணி வைத்து ஜெயித்த பிறகு எங்களை ஏமாற்றியிருக்கிறது இந்த அரசு. மத்திய அரசு தான் விலைவாசி உயர்வுக்கு காரணம் என்பதை இந்த அரசு சொல்லுவதற்கு மத்திய அமைச்சர் ஜி.கே.வாசன் தெளிவாக பதில் சொல்லியிருக்கிறார்.
இந்த அம்மா கேட்பது சிறப்பு நிதி, எந்த கட்சி மாநிலத்தில் ஆட்சி செய்தாலும், அதற்கு சிறப்பு நிதியை வழக்கமாக மத்திய அரசு கொடுக்கிறது.
உண்மையிலேயே உள்ளாட்சித் தேர்தலுக்கு முன்பு இந்த விலைவாசி உயர்வை உயர்த்திவிட்டு தமிழக மக்களிடம் ஓட்டு கேட்க இந்த அரசு வந்திருக்க வேண்டும்.

நான் எதிர்க்கட்சித் தலைவரான பிறகு, சட்டமன்றத்திற்கு வரவில்லை என்று குற்றம் சாட்டுகிறார்கள். காரணம் அதுவல்ல. நான் இதற்கு முன்பு சட்டமன்றத்தில் எல்லா நிகழ்ச்சிகளிலும் கலந்து கொண்டிருக்கிறேன். கடந்த முறை எதிர்க்கட்சித் தலைவராக இருந்தவர் எத்தனை முறை சட்டமன்றத்திற்கு வந்திருக்கிறார்.
எனக்கு எம்ஜிஆரின் சினிமா பாடல் நினைவுக்கு வருகிறது. ஒரு காலக்கட்டத்தில் எம்ஜிஆர் படமும், சிவாஜி படமும் ஒரே நேரத்தில் ரிலீஸ் ஆகும். அதற்காக இரு தரப்பு ரசிகர்களும் மோதிக்கொண்டதில்லை. இரு தலைவர்களும் மோதிக்கொள்வதில்லை.
தேமுதிக வளராது என்று சிலர் நினைக்கிறார்கள். ஆனால் நாங்கள் நல்லாவே வளர்ந்திருக்கிறோம். எங்கள் கட்சி தொண்டர்கள் நல்லவர்கள். அவர்களை நல்லவர்களாகவே வளர்த்திருக்கிறேன். விரைவில் விலைவாசி உயர்வுக்கு எதிர்ப்பு தெரிவித்து தேமுதிக சார்பில் உண்ணாவிரதம் நடத்தப்படும். பால் மற்றும் பஸ் கட்டண உயர்வை எதிர்த்து விரைவில் உண்ணாவிரதம் இருக்கப்போகிறேன் என்று தெரிவித்த அவர், எப்போது என்பது குறித்து விரைவில் அறிவிக்க உள்ளதாக தெரிவித்தார்.

உண்ணா விரதம் உண்ணா விரதம் போங்கடா நீங்களும் உங்கள் அரசியல் லாபமும்