சென்னை மாநகராட்சி மன்ற முதல் கூட்டம் அடிதடியில் இனிதே துவங்கியது

by **நேசமுடன் ஹாசிம்** Thu 24 Nov 2011 - 10:06

சென்னை மாநகராட்சி மன்ற முதல் கூட்டம் அடிதடியில் துவங்கியது. திமுக கவுன்சிலர்கள் மீது அதிமுக கவுன்சிலர்கள் செருப்பு, தண்ணீர் பாட்டில் வீசி ரகளையில் ஈடுபட்டதால் பரபரப்பு ஏற்பட்டது. சென்னை மாநகராட்சி 200 வார்டுகளாக விரிவாக்கம் செய்யப்பட்டு தேர்தல் நடந்தது.
இதில் 168 வார்டுகளில் அதிமுக வெற்றி பெற்றது. 2 சுயேட்சைகளும் அதிமுகவில் இணைந்தனர். இதனால் அதிமுகவின் பலம் 170 ஆனது. திமுக 24, காங்கிரஸ் 2, பாமக, தேமுதிக, மதிமுக, விடுதலை சிறுத்தைகள் தலா ஒரு இடங்களை கைப்பற்றியது.

கடந்த சனி, ஞாயிற்றுகிழமைகளில் மண்டல குழு தலைவர், நிலைக்குழு தலைவர், நிலைக்குழு உறுப்பினர், நியமன குழு உறுப்பினர் தேர்தல் நடந்தது. மொத்தமுள்ள 15 மண்டலங்களில் 14 மண்டல குழு தலைவர் பதவியை அதிமுக கைப்பற்றியது. அம்பத்தூர் மண்டலத்தை திமுக கைப்பற்றியது. இது தவிர அனைத்து மாநகராட்சி பதவிகளையும் அதிமுகவே கைப்பற்றியது.

இந்த நிலையில், சென்னை மாநகராட்சியின் முதல் கூட்டம் நேற்று காலை 10.30 மணிக்கு ரிப்பன் மாளிகையில் நடந்தது. மேயர் சைதை துரைசாமி தலைமை வகித்தார். துணை மேயர் பெஞ்சமின், ஆணையாளர் கார்த்திகேயன் முன்னிலை வகித்தனர். கூட்டம் தொடங்கியதும், மேயர் சைதை துரைசாமி திருக்குறள் வாசித்து பொருள் கூறினார். அதைத் தொடர்ந்து தீண்டாமை உறுதி மொழியை வாசித்தார். கூட்டம் தொடங்கியதும் எதிர்க்கட்சி தலைவர் சுபாஷ் சந்திரபோஸ் (திமுக) எழுந்து பேச முயன்றார். அவரை பேச விடாமல் அதிமுக உறுப்பினர்கள் தடுத்து கடும் ரகளையில் ஈடுபட்டனர்.

இதற்கு திமுக கவுன்சிலர்கள் எழுந்து நின்று எதிர்ப்பு தெரிவித்தனர். அப¢போது திடீரென சுபாஷ் சந்திரபோஸ் மற்றும் திமுக கவுன்சிலர்கள் மீது தண்ணீர் பாட்டில் மற்றும் செருப்புகளை தூக்கி வீசி அதிமுகவினர் தாக்குதலில் ஈடுபட்டனர். இதனால் பெரும் பரபரப்பு ஏற்பட்டது. மேலும், 159&வது வார்டு திமுக கவுன்சிலர் ஜெயந்திக்கு முதுகில் குத்து விழுந்தது. அவர் நிலை தடுமாறினார். திமுக 7வது மண்டல குழு தலைவர் ஜோசப் சாமுவேலுக்கும் அடி விழுந்தது. இதையடுத்து, திமுக கவுன்சிலர்கள் கூட்டத்தில் கலந்து கொள்ளாமல் வெளிநடப்பு செய்தனர். இதை தொடர்ந்து கூட்டம் மதியம் 2 மணி வரை நடந்தது.

பேச விடவில்லை: மன்ற கூடத்திற்கு வெளியே வந்த சுபாஷ் சந்திரபோஸ்,‘சென்னையில் பெய்த மழையால் பாதிக்கப்பட்ட பொதுமக்களுக்கு எந்த நிவாரணமும் வழங்கப்படாதது குறித்தும் பேச இருந்தோம். ஆனால் எங்களை பேச விடாமல் தண்ணீர் பாட்டில், செருப்புகளை வீசி தாக்குதலில் ஈடுபட்டனர்’ என்றார். மேயர் விளக்கம்: மேயர் சைதை துரைசாமி கூறுகையில், Ôஇன்றைய கூட்டத்தில் திமுகவினர் அரசியல் நோக்கோடு நடந்து கொண்டனர். மன்ற கூட்டத்தில் பேச முதலில் மேயரிடம் பேச அனுமதி பெற வேண்டும். ஆனால், திமுகவினர் பேச அனுமதி பெறவில்லைÕ என்றார்.

தாமதமாக தொடங்கியது முதல் கூட்டம்

ச் மன்ற கூட்டம் காலை 10 மணிக்கு தொடங்கப்படும் என்று அறிவிக்கப்பட்டது. ஆனால், முதல் கூட்டம் தாமதமாக 10.30 மணிக்கு தொடங்கியது.
ச் மன்ற கூடத்தில் எதிர்கட்சி தலைவர்களுக்கு முதல் வரிசையில் இருக்கைகள் ஒதுக்கப்படும். ஆனால், நேற்றைய கூட்டத்தில் இந்த முறை கடைப்பிடிக்கப்படவில்லை. வார்டு வரிசைப்படி உறுப்பினர்கள் அமரவைக்கப்பட்டிருந்தனர்.
ச் இடநெருக்கடியால் கவுன்சிலர்கள் மற்றும் அவரது குடும்பத்தினர் மட்டுமே அனுமதிக்கப்பட்டனர். கட்சியினர் யாரும் அனுமதிக்கப்படவில்லை. இதனால், நுழைவு வாயிலில் அவர்கள் போலீசாருடன் கடும் வாக்குவாதத்தில் ஈடுபட்டனர்.
ச் மாநகராட்சியின் முதல் கூட்டத்திலேயே 61 தீர்மானங்கள் நிறைவேற்றப்பட்டன.
ச் விரிவாக்கப்பட்ட மாநகராட்சியில் 21 எம்எல்ஏக்கள் உள்ளனர். இவர்கள் கூட்டத்தில் கலந்து கொள்ள முறையாக அழைப்பிதழ் அனுப்பப்பட்டது. ஆனால், எம்எல்ஏ ஜே.சி.டி.பிரபாகரன் மட்டுமே சிறப்பு விருந்தினராக கூட்டத்தில் பங்கேற்றார்.

யு‘எந்நன்றி கொன்றார்க்கும் உய்வுண்டாம்...’ என்ற திருக்குறளுடன் கூட்டம் ஆரம்பித்தது.
யு அடுத்த சில நிமிடத்தில் கூச்சல் குழப்பம்..ரகளை.
யு பெண் கவுன்சிலர் உட்பட 3 பேருக்கு விழுந்தது அடி.