கவிதைப் போட்டி முடிவுகள்.

First topic message reminder :

முதலாம் இடம்
கவிஞர்:-puthuvaipraba


எட்டும்வரை. . .

உலகில்-
தமிழர்களின் எண்ணிக்கை
மிக மிகக் குறைவு.

வாக்கியம் தாக்கி
அதிர்ச்சியின் மடியில்
ஆச்சரியமாய் விழாதீர்!
தமிழர்தொகை
கணக்கெடுப்பு பட்டியிலை
சரி பார்க்க எழாதீர்!

என் கூற்றுபடி
உயிரோடு இருப்பவர்கள் எல்லாம்
தமிழர்கள் இல்லை.
உணர்வோடு இருப்பவர்கள் மட்டுமே
தமிழர்கள்.

ஆம்.
உலகில்-
தமிழர்களின் எண்ணிக்கை
மிக மிகக் குறைவு.

தமிழா..
தூங்கிக்கிடந்ததுபோதும்
எழு!
உன்னை புதுக்கிக்கொள்ள
உணர்வு குளத்தில்போய்
விழு!



"தமிழர்கள் இளிச்சவாயர்கள்"
என்று பேசுவதை
நீ முதலில் நிறுத்து.
"தமிழர்கள் ஒற்றுமையற்றவர்கள்"
என்று நிலவும் கருத்தை
உன் நடத்தையால் திருத்து.

உலகமொழிகள்
உன்னிடம்
கையேந்துமளவு
உயர் இலக்கியம் செதுக்கு
நம் இனமொழி வரலாற்றை
ஆர்வத்தோடு அறிந்துகொள்ள
உன் ஆயுளின்
ஒரு பங்கு ஒதுக்கு

மூடப்பழங்கதைகளை மற!
தினம்-
புத்தம் புதியதாய் பிற!

எழு!
உயர எழு!
நீ எழவேண்டியது
உலகப்பந்து
உன் கைக்கு
கிட்டும்வரையல்ல. . .
பிரபஞ்சத்தின்
பின்முதுகு
உன் கைக்கு
எட்டும்வரை.



இரண்டாம் இடம்
கவிஞர்:- jasmin


காதல்

காலையின் கதிரவன் ஒளிரட்டுமே

அதில் காலத்தின் விடியல்கள் உதிக்கட்டுமே

கருத்தினில் கவிஞர்கள் குளிக்கட்டுமே

அதில் காவியம் கவிதையாய் உளரட்டுமே

காமத்தின் காரியம் நடக்கட்டுமே

அதில் நாடகம் குழவியாய் பிறக்கட்டுமே

கண்களும் கண்களும் கலக்கட்டுமே

அதில் கலக்கமும் காதலாய் மலரட்டுமே


உயரத்தில் மேகங்கள் உரசட்டுமே

அதில் ஒளிகளில் மின்னல்கள் மிதக்கட்டுமே

உயிர்களில் உறவுகள் உலவட்டுமே

அதில் உதிரத்தின் உணர்வுகள் வடியட்டுமே

உண்மையை ஊமைகள் பேசட்டுமே

அதில் மறைத்திடும் மடமைகள் மறையட்டுமே

உள்ளத்தை உள்ளங்கள் உணரட்டுமே

அதில் உண்மையின் காதல் உதிரட்டுமே



வஞ்சகர் நெஞ்சங்கள் வதங்கட்டுமே

அதில் வன்மமும் வாதமும் வடியட்டுமே

பஞ்சுகள் இழைகலாய் திரியட்டுமே

அதில் பின்னிய ஆடைகள் அணியட்டுமே

கொஞ்சிடும் குழந்தைகள் அழுகட்டுமே

அதில் தாய்மையின் முத்தங்கள் முளைக்கட்டுமே

வஞ்சியர் கன்னங்கள் சிவக்கட்டுமே

அதில் வண்ணத்தின் காதல் மிளிரட்டுமே



பதவிகள் பட்டங்கள் கிடைக்கட்டுமே

அதில் பரிவுகள் பணிவுடன் இருக்கட்டுமே

பாலுடன் பழங்களைப் பருகட்டுமே

அதில் பல்சுவை இனிமைகள் கிடைக்கட்டுமே

பருவத்தின் பார்வைகள் படரட்டுமே

அதில் பாவையின் நளினங்கள் தெரியட்டுமே

பாசத்தின் அன்புகள் அழைக்கட்டுமே

அதில் காதலின் வெற்றி கனியட்டுமே




மூன்றாம் இடம்
கவிஞர்:-Parthi


ஆக்ரா அனாதையாகிறது

ஒரு சமாதியே இங்கு சமாதியாகக் காத்திருக்கிறது!
விருட்சம் ஒன்று விரகாகக் காத்திருக்கிறது!
சரித்திரம் ஒன்று சரியக் காத்திருக்கிறது!
அதிசயம் ஒன்று அஸ்தமிக்கக் காத்திருக்கிறது!

கல்லறையாய் நின்று காதல் சொன்ன மாளிகை
சில்லரைய்யை விழுந்து சிதறப் போகிறது!

கல்லறையில் எழுதப்படும் தோற்றம்-மறைவு - முதன்முறையாக
ஒரு கல்லறைக்காக எழுதப்படப் போகிறது!

காதலின் தூய்மையை இக்கல்லறை விளக்கும்!
காதலற்கெல்லாம் இது கலங்கரை விளக்கம்!
ஈடில்லாப் பெருமையை இனி ஆக்ரா இழக்கும்!
இந்தியர்க்கெல்லாம் இனி இதயம் வலிக்கும்!

யமுனை கேடிழைத்ததால்
காதல் தேவதை தன் வீடிழக்கிறாள்!

நதிக்கரை நகரம் - இனி
நாதியற்ற நரகம்!
தாஜ்மஹால் இல்லாத ஆக்ரா - இனி
இந்தியாவின் சஹாரா!

பொறியியல் சிற்பிகளுக்கோர் பொதுவான வேண்டுகோள்!
அந்த அற்புத மாளிகையை
அன்னாந்து பார்க்க மட்டுமே எங்களுக்கு சம்மதம்!
அதைக் குனிந்து பார்க்கும் கொடூரத்தை
குருதி சிந்தியேனும் தவிர்த்திடுங்கள்!

வில்விடுத்த அம்பாகச் செயல்படுங்கள் விறைந்து!
எங்கள் விசும்பலுக்கெல்லாம் உங்கள் விஞ்ஞானமே மருந்து!

Atchaya wrote:புதிய தலைமுறை இளங்கவிஞர்களைத் தேர்வு செய்த தேர்வாளர்களுக்கும், வெற்றியாளர்களான புதுவை பிரபா, ஜாஸ்மின், பார்த்தி ஆகிய மூவர்களுக்கும் எனது இதயங்கனிந்த வாழ்த்துக்களும் அன்பும்......
என்றும் எமது சேனையினை தனி நிகரில்லா செந்தமிழில் சேவை செய்து, சிறப்பாய் வழி நடத்த துணை நிற்க அன்பு வேண்டுகோளுடன் ......
உங்கள் அட்சயா!

வாருங்கள் அட்சயா நலமாக உள்ளீர்களா இணைந்திருங்கள் உங்கள் அன்பையும் ஆதரவையும் தொடர்ந்து தாருங்கள்

நண்பன் wrote:

puthuvaipraba wrote:அடடா. . .மகிழ்ச்சி. . மகிழ்ச்சி. மகிழ்ச்சி. .நேற்று மகாகவி பிறந்த எட்டையபுர வீட்டில் (அவன் பிறந்த நாளன்று) கால் பதித்து, ஆனந்த கண்ணீர் வடித்து, ஒருவித நெகிழ்வுணர்வினை அனுபவித்துவிட்டு இன்று வீடு திரும்பி. . .நம் தலத்தில் நுழைந்து பார்க்கையில். . .அடடா. . அடடா. .கவிதைப்போட்டியில் எனக்கு முதல் பரிசு. . .இது அந்த கவிராஜனின் வேலையேதான். . .மகிழ்ச்சிப்பெருங்கடலில். . .நான்.
உடன் வெற்றி பெற்ற மற்ற கவிஞர்களுக்கும், போட்டில் பங்கேற்ற படைப்பாளருக்கும், இப்போட்டியை மிகச்சிறப்பாக நடத்திய- பரிசுக்குரியனவற்றை தேர்ந்தெடுத்த அன்புள்ளங்களுக்கும். . .நன்றி. . நன்றி. . நன்றி. . .

பெரிய போராட்டத்தின் பின் உங்கள் கவிதை முலிடம் பிடித்தது கவிஞர் பார்த்தி அவர்களும் அருமையாக கவிதை எழுதி இருந்தார் உங்கள் இருவருக்கும் போட்டி அதிகமாக இருந்தது நடுவர்கள் தலையைப் பிச்சிக்கிட்டார்கள் இறுதியில் உங்களுக்கு முதலிடம் கிடைத்தது

அன்புள்ள சேனைத் தமிழுலா சொந்தங்களுக்கு,

மூன்றாவது பரிசு பெற்ற
செய்தி அறிந்து முழ மனதும் குளிர்ந்தது. தேர்வு செய்த நல்ல நெஞ்சங்களுக்கு
தேனில் துவைத்த நன்றிகள். முதல் பரிசோடு மோதி விளையாடி முடிவில் மூன்றாவது
பரிசைப் பெற்றேன் எனக் கேட்கும்போது உள்ளபடியே உள்ளம் மகிழ்ந்தேன். முதல்
மற்றும் இரண்டாம் பரிசுக்கான கவிதைகள் வாசித்து வியந்தேன். அருமையான
தேர்வு. பரிசுபெற்ற முன்னோடிகள் இருவருக்கும் என் பணிவான வாழ்த்துகள்.
ஜாஸ்மின் அவர்களின் ஈகைக்குத் தயக்கமின்றி தலை வணங்குகிறேன். வாழ்க உங்கள்
தொண்டு! வாழ்த்து சொன்ன நல்ல நெஞ்சங்களுக்கு என் இதயம் கனிந்த நன்றிகள்!
செழித்தோங்கட்டும் சேனையின் மேன்மை. போட்டியில் பங்கு பெற்ற அனைவருக்கும்
என் வாழ்த்துகள்!

இதயம் நிறைந்த அன்புடன்,
இர.பார்த்திபன்

அன்புத்தோழரின் வார்த்தையில் மகிழ்கிறது மனம் மிக்க நன்றிகள்
தொடர்ந்து அன்புடனும் இதே நட்புடனும் எமது இலக்கியப்பயணம் தொடரட்டும் மிக்க நன்றிகள்

வெற்றியாளர்களுக்கான காசோலைகள் தயாராகிவிட்டது அதன் நகல் நாளை பிரதி செய்து பிரசுரித்துவிடுகிறேன் உரியவர்களுக்கு நற்சான்றிதள்களுடன் பதிவுத்தபாலில் அனுப்பிவைக்கப்படும் நன்றி்கள்

எல்லாம் வல்ல இறைவனின் திருப்பெயரால், வழங்கப்படும் இச் சிறுதொகையினை பெரிய தொகையாக பாவித்து, மகிழ்வோடு ஏற்றுக்கொள்ளுங்கள் வெற்றியாளர்களே! ஜாஸ்மின் சகோதரி கூறியபடி, ஏழைகளுக்கு உதவிடும் உள்ளத்தினையும், அவர்களை கைதூக்கி விடும் செயலை இனி வரும் காலங்களில் சிந்தித்து செய்ய கேட்டுக்கொள்கிறேன் என் அன்பு உறவுகளை!.....

Parthi wrote:

நண்பன் wrote:

puthuvaipraba wrote:அடடா. . .மகிழ்ச்சி. . மகிழ்ச்சி. மகிழ்ச்சி. .நேற்று மகாகவி பிறந்த எட்டையபுர வீட்டில் (அவன் பிறந்த நாளன்று) கால் பதித்து, ஆனந்த கண்ணீர் வடித்து, ஒருவித நெகிழ்வுணர்வினை அனுபவித்துவிட்டு இன்று வீடு திரும்பி. . .நம் தலத்தில் நுழைந்து பார்க்கையில். . .அடடா. . அடடா. .கவிதைப்போட்டியில் எனக்கு முதல் பரிசு. . .இது அந்த கவிராஜனின் வேலையேதான். . .மகிழ்ச்சிப்பெருங்கடலில். . .நான்.
உடன் வெற்றி பெற்ற மற்ற கவிஞர்களுக்கும், போட்டில் பங்கேற்ற படைப்பாளருக்கும், இப்போட்டியை மிகச்சிறப்பாக நடத்திய- பரிசுக்குரியனவற்றை தேர்ந்தெடுத்த அன்புள்ளங்களுக்கும். . .நன்றி. . நன்றி. . நன்றி. . .

பெரிய போராட்டத்தின் பின் உங்கள் கவிதை முலிடம் பிடித்தது கவிஞர் பார்த்தி அவர்களும் அருமையாக கவிதை எழுதி இருந்தார் உங்கள் இருவருக்கும் போட்டி அதிகமாக இருந்தது நடுவர்கள் தலையைப் பிச்சிக்கிட்டார்கள் இறுதியில் உங்களுக்கு முதலிடம் கிடைத்தது

அன்புள்ள சேனைத் தமிழுலா சொந்தங்களுக்கு,

மூன்றாவது பரிசு பெற்ற
செய்தி அறிந்து முழ மனதும் குளிர்ந்தது. தேர்வு செய்த நல்ல நெஞ்சங்களுக்கு
தேனில் துவைத்த நன்றிகள். முதல் பரிசோடு மோதி விளையாடி முடிவில் மூன்றாவது
பரிசைப் பெற்றேன் எனக் கேட்கும்போது உள்ளபடியே உள்ளம் மகிழ்ந்தேன். முதல்
மற்றும் இரண்டாம் பரிசுக்கான கவிதைகள் வாசித்து வியந்தேன். அருமையான
தேர்வு. பரிசுபெற்ற முன்னோடிகள் இருவருக்கும் என் பணிவான வாழ்த்துகள்.
ஜாஸ்மின் அவர்களின் ஈகைக்குத் தயக்கமின்றி தலை வணங்குகிறேன். வாழ்க உங்கள்
தொண்டு! வாழ்த்து சொன்ன நல்ல நெஞ்சங்களுக்கு என் இதயம் கனிந்த நன்றிகள்!
செழித்தோங்கட்டும் சேனையின் மேன்மை. போட்டியில் பங்கு பெற்ற அனைவருக்கும்
என் வாழ்த்துகள்!

இதயம் நிறைந்த அன்புடன்,
இர.பார்த்திபன்

:”@: :”@: தொடர்ந்து எங்களுடன் இணைந்திருந்தால் இன்னும் மகிழ்ச்சியாக இருக்கும். :!@!:

Atchaya wrote:எல்லாம் வல்ல இறைவனின் திருப்பெயரால், வழங்கப்படும் இச் சிறுதொகையினை பெரிய தொகையாக பாவித்து, மகிழ்வோடு ஏற்றுக்கொள்ளுங்கள் வெற்றியாளர்களே! ஜாஸ்மின் சகோதரி கூறியபடி, ஏழைகளுக்கு உதவிடும் உள்ளத்தினையும், அவர்களை கைதூக்கி விடும் செயலை இனி வரும் காலங்களில் சிந்தித்து செய்ய கேட்டுக்கொள்கிறேன் என் அன்பு உறவுகளை!.....

நன்றி ஐயா :!+: :!+: :!+:

:!@!: அனைவருக்கும் எனது உளம் கனிந்த வாழ்த்துக்கள்...வாழ்க ..வழர்க .. #heart

வெற்றி பெற்ற அனைவருக்கும் வாழ்த்துக்கள் வாழ்த்துக்கள் வாழ்த்துக்கள் @.

என்ன இப்படி இவ்வளவு நாள் கழித்து வாழ்த்து என்று நினைக்கலாம்...
எல்லாம் ஒரு மகிழ்ச்சிதான்..
இனி இப்படி நடந்தால் எம்மக்கள் மகிழ்ச்சி குறைந்து இருக்க வாய்ப்பில்லை.

அச்சலா wrote:என்ன இப்படி இவ்வளவு நாள் கழித்து வாழ்த்து என்று நினைக்கலாம்...
எல்லாம் ஒரு மகிழ்ச்சிதான்..
இனி இப்படி நடந்தால் எம்மக்கள் மகிழ்ச்சி குறைந்து இருக்க வாய்ப்பில்லை.

இனி இப்படி நடந்தால் மகிழ்சிதான் நான்தான் கவிதை எழுத மாட்டேனே நீங்கள் எழுதுங்கள் நான் ரசிக்கிறேன் :.”: :.”: