உயர்கல்வியை தொடர்ந்த இளம் மனைவியின் வலது கரத்தை துண்டித்தார் கணவர்

தனது அனுமதியில்லாமல் தனது மனைவி உயர்கல்வியை தொடர்ந்தார் என்ற காரணத்தால் மனைவியின் வலது கரத்தை கணவர் துண்டித்துள்ளார். இச்சம்பவம் பங்களாதேஷ் நாட்டில் இடம் பெற்றுள்ளது. கல்லூரிக்கு படிக்க சென்ற மனைவியின் வலது கைவிரல்களை வெட்டிய கணவனை கைது செய்த காவல்துறையினர் விசாரித்து வருகின்றனர்
பங்களாதேஷ் நாட்டைச் சேர்ந்த 30வயதுடைய ரபிகுல் இஸ்லாம் என்பவர் 21வயதுடைய ஹவா அக்தர் ஜூய் என்பவரை திருமணம் செய்து கொண்ட பிறகு, ஐக்கிய அரபு நாட்டுக்கு வேலைக்கு சென்றார். கணவன் தன்னோடு இல்லாத நிலையில், ஹவா அக்தர் ஜூய் கல்லூரியில் சேர்ந்து படித்து உள்ளார்.

இது குறித்து ஹவா, கணவரிடம் தொலைபேசியில் பேசும் போது தெரிவித்து உள்ளார். மனைவி கல்லூரியில் படிப்பதை அறிந்த இஸ்லாம், கல்லூரி படிப்பை நிறுத்துமாறு எச்சரித்து உள்ளார். ஆனால் ஹவா இதனை கண்டுகொள்ளவில்லை.
இந்த நிலையில் சமீபத்தில் திடீரென நாடு திரும்பினார் ரபிகுல் இஸ்லாம். தனது மனைவி ஹவாவிடம் ஒரு ஆச்சரியமான பரிசு கொடுப்பதாக கூறி, கண்களை ஒரு துணியால் கட்டினார். பின்னர் ஹவாவின் கை, கால்களை ஒரு கயிற்றால் கட்டி, வாயில் துணியை திணித்தார். அதன் பிறகு ஹவாவின் வலது கையில் இருந்த 5 விரல்களையும் கொடூரமான முறையில் வெட்டினார் இஸ்லாம்.

வலியால் துடித்த ஹவாவிடம் கல்லூரிக்கு சென்று படித்த குற்றத்திற்காக இப்படி செய்ததாக கூறியுள்ளார் அவர். ஹவாவிற்கு இந்த தண்டனை அளிப்பதற்கு இஸ்லாமின் சில உறவினர்களும் ஆதரவாக செயல்பட்டு உள்ளனர்.
கையில் ரத்தம் அதிகளவில் வெளியேறியதால் மயக்கமடைந்த ஹவா மருத்துவமனையில் சேர்க்கப்பட்டார். அங்கு அவருக்கு சிகிச்சை அளித்த டாக்டர்கள், காலதாமதமாக கொண்டு வரப்பட்டதால் விரல்களை மீண்டும் இணைக்க முடியாது என்று கூறிவிட்டனர்.

கல்லூரிக்கு சென்று படிக்க வேண்டாம் என்ற கணவர் கூறினார். ஆனால் அவர் நாடு திரும்பிய மகிழ்ச்சியில் இருந்த போது, எந்த எதிர்ப்பும் காட்டவில்லை. பரிசளிப்பதாக கூறி எனது விரல்களை வெட்டிவிட்டார். கல்லூரி படிப்பிற்காக இவ்வளவு கொடூரமாக எனது கைவிரல்கள் வெட்டப்படும் என்று எனது கனவில் கூட நினைக்கவில்லை என ஹவா தெரிவித்தார்.

வெட்டப்பட்ட விரல்களை இஸ்லாமின் உறவினர் ஒருவர் குப்பை தொட்டியில் போட்டுவிட்டார். அந்த விரல்களை தேடி எடுத்து டாக்டர்களிடம் கொண்டு வருவதற்குள் காலதாமதம் ஏற்பட்டதால், எனது விரல்களை மீண்டும் இணைக்க முடியாது என்று டாக்டர்கள் கூறிவிட்டனர். தற்போது எனது தந்தையின் வீட்டில் உள்ள நான், மீண்டும் எனது கணவரோடு சேர்ந்து வாழ விரும்பவில்லை. எனது இடது கையால் எழுதி பழகி எனது கல்லூரி படிப்பை முடிப்பேன், என அவர் தெரிவித்துள்ளார்.

காவல்துறையினர் இஸ்லாமை கைது செய்து விசாரித்து வருகின்றனர். இந்த கொடூர செயலில் ஈடுபட்ட இஸ்லாமையும், அவருக்கு உடந்தையாக இருந்தவர்கள் மீதும் கடும் நடவடிக்கை எடுக்க வேண்டும் என்று பங்களாதேஷ் மனித உரிமைகள் அமைப்பினர் கோரிக்கை விடுத்துள்ளனர். சமீப மாதங்களில் படித்த பெண்கள் மீது இலக்கு வைத்து வன்முறைகள் இடம்பெற்று வருவதாகவும் அவற்றில் ஒன்றே இச்சம்பவம் என மனித உரிமை அமைப்புக்கள் தெரிவித்துள்ளன.

அவனுக்கும் துண்டித்து விட வேண்டியது தான்... காட்டு விலங்கின் பண்பில் மனித மிருகம்...

படுபாவி இப்படியா செய்வது பாவம் அந்தப்பெண் {))

முதலில் அந்த பெண் செய்தது தவறு கணவனின் அனுமதி இல்லாமல் கல்லூரியில் சேர்ந்து இருக்க கூடாது ....கணவனின் அனுமதி நிச்சயம் வேண்டும் அதை உதாசீணம் செய்து இருப்பது தவறு .ஆனால்

அந்த தவறுக்கு கணவன் கொடுத்த தண்டனை கொடியது மிருகத்தனமானது மிருகத்தனமுள்ள மனிதர்கள் கடுமையாக தண்டிக்கப்பட வேண்டும்

பாவி அனுடைய கையையும் துண்டிக்க வேண்டும் அப்பதான் அவனுக்கும் அதன் வேதனை புரியும்.

jasmin wrote:முதலில் அந்த பெண் செய்தது தவறு கணவனின் அனுமதி இல்லாமல் கல்லூரியில் சேர்ந்து இருக்க கூடாது ....கணவனின் அனுமதி நிச்சயம் வேண்டும் அதை உதாசீணம் செய்து இருப்பது தவறு .ஆனால்

அந்த தவறுக்கு கணவன் கொடுத்த தண்டனை கொடியது மிருகத்தனமானது மிருகத்தனமுள்ள மனிதர்கள் கடுமையாக தண்டிக்கப்பட வேண்டும்

மிகவும் சரியாகச்சொன்னீர்கள் ஜாஸ்மின் @.

அவனை