புயல் பாதிப்புகள் பற்றி பிரதமரிடம் விரிவாக விளக்குவேன்

புயல் பாதிப்புகள் பற்றி பிரதமரிடம் விரிவாக விளக்குவேன்
புயல் பாதிப்பு குறித்து பிரதமரை சந்தித்து விளக்குவேன் என்று மத்திய அமைச்சர் ஜி. கே. வாசன் தெரிவித்தார். தானே புயலால் தஞ்சை, திருவாரூர், நாகை மாவட்டங்களில் பாதிக்கப்பட்ட பகுதிகளை மத்திய கப்பல் போக்குவரத்துத் துறை அமைச்சர் ஜி. கே. வாசன் நேற்று முன்தினம் பார்வையிட்டார். திருவாரூர் அடுத்த திருக்கண்ணமங்கை, பெரும்புகழூர், வண்டாம்பாளையம் ஆகிய பகுதிகளில் புயலால் சாய்ந்த சம்பா பயிர்களை மத்திய அமைச்சர் பார்வையிட்டு, விவசாயிகளிடம் குறைகளை கேட்டறிந்தார்.

பின்னர், திருவாரூரில் நிருபர்களிடம் ஜி. கே. வாசன் கூறியதாவது :-

கடலூர், விழுப்புரம் மற்றும் புதுச்சேரி, திருவாரூர், நாகை, காவிரி டெல்டா பகுதிகளிலும் தானே புயலால் பாதிப்பு ஏற்பட்டுள்ளது. பாதிக்கப்பட்ட அனைத்து விவாயிகளுக்கும் நிவாரணம் வழங்கப்படும். இது தொடர்பாக மாநில அரசு கணக்கெடுத்து வருகிறது. தமிழக அரசு தரும் அறிக்கையின் படி மத்திய அரசு தேவையான உதவிகளை செய்யும். அதிகாரிகள் மீட்பு பணியை விரைந்து முடிக்க வேண்டும்.

கடலூர் புதுச்சேரியில் குடிநீர், மின்சாரம் உள்ளிட்ட அத்தியாவசிய பொருட்கள் கிடைக்க உடனடியாக தமிழக அரசு நடவடிக்கை எடுக்க வேண்டும். புயல் சேதம், பாதிப்புகள் குறித்து பிரதமரை சந்தித்து விரிவாக எடுத்துக் கூறுவேன். இவ்வாறு வாசன் கூறினார்.

தகவலுக்கு நன்றி.