2000 ஓட்டங்களை வேகமாகக் கடந்து தென்னாபிரிக்காவின் அம்லா சாதனை

by **நண்பன்** Mon 24 Jan 2011 - 13:42

சர்வதேச ஒருநாள் போட்டியில் 2 ஆயிரம் ஓட்டங்களை வேகமாகக் கடந்து தென்னாபிரிக்க வீரர் அம்லா சாதனை படைத்துள்ளார்.
போர்ட் எலிசபெத்தில் வெள்ளிக்கிழமை நடந்த இந்தியாவுக்கெதிரான 4 ஆவது ஒரு நாள் போட்டியில் தென்னாபிரிக்க வீரர் ஹஷிம் அம்லா 24 ஓட்டங்கள் எடுத்திருந்த போது ஒருநாள் போட்டியில் தனது 2 ஆயிரம் ஓட்டங்களைத் தொட்டார். இதன் மூலம் ஒருநாள் போட்டி வரலாற்றில் 2 ஆயிரம் ஓட்டங்களை அதிவேகமாக எடுத்த வீரர் என்ற சிறப்பை 27 வயதான அம்லா பெற்றார்.

அவர் தனது 40 ஆவது இனிங்ஸில் இந்த இலக்கை எட்டினார். இதற்கு முன் பாகிஸ்தான் முன்னாள் வீரர் சகீர் அப்பாஸ் தனது 45 ஆவது ஆட்டத்தில் 2 ஆயிரம் ஓட்டங்களை எட்டியதே இந்த வகையில் சாதனையாக இருந்தது. அவரது 28 ஆண்டு கால சாதனையை அம்லா முறியடித்துள்ளார்.

வெள்ளிக்கிழமை ஆட்டத்தில் 64 ஓட்டங்களில் ஆட்டமிழந்த அம்லா ஒருநாள் போட்டியில் இதுவரை 6 சதங்கள் உட்பட 2040 ஓட்டங்கள் பெற்றுள்ளார்