அற்புதம் என்ன விலை?

-

ஒரு சிறுமி தனது உண்டியலைத் திறந்து, அதனுள்
சேர்ந்திருந்த சில்லரைக்காசுகளை எண்ணிப்
பார்த்தாள். அவள் எதிர்பார்த்த அளவுக்கு அதில்
காசு இருந்ததாக மகிழ்ச்சியடைந்தாள்.
-
அவற்றை எடுத்துக் கொண்டு தனது வீட்டிற்கு
அருகாமையிலிருந்த ஒரு மருந்து கடைக்குச் சென்றாள்.
மற்ற வாடிக்கையாளர்களைக் கவனித்துவந்த
கடைக்காரனின் கவனத்தைத் தன்பக்கம் திருப்ப
எண்ணி, காசை எடுத்து மேஜை மேல் தட்டினாள்.
-
கடைக்காரனும் அச்சிறுமியைப் பார்த்து “என்ன
வேண்டும் குழந்தாய்?’ என்று கேட்டார்.
-
“எனக்கு ஓர் எதிர்பாராத அற்புதம் வேண்டும்’ என்று
கேட்டாள். கடைக்காரருக்கு ஒன்றும் புரியவில்லை.
“அது என்ன அம்மா எதிர்பாராத அற்புதம்? அதை
நான் கேள்விப்பட்டதே இல்லையே! அது மாதிரி
ஒரு பொருள் என் கடையில் கிடையாதே’ என்றார்
அவர்.
-
அச்சிறுமி உடனே, “ஐயா! என் அண்ணாவிற்கு
மூளையில் ஏதோ கட்டியாம்! அதைக் குணப்படுத்த
ஏதாவது எதிர்பாராத அற்புதம் வந்தாலன்றி அது
குணமாகாதாம். அதற்காகத்தான் நான் சேமித்து
வைத்திருந்த காசுகளை எடுத்துக் கொண்டு உங்கள்
கடைக்கு வந்தேன். நீங்கள் அதுபோல் ஒன்றும்
கிடையாது என்கிறீர்கள்! இப்போது என்
அண்ணனை எப்படிக் குணப்படுத்துவது?’ என்ற
விசனத்துடன் கேட்டாள்.
-
அப்போது அந்தக் கடைக்கு வந்திருந்த ஒருவர்
மிக நன்றாக நேர்த்தியான உடையணிந்திருந்தவர்
சிறுமியிடம் கேட்டார். “குழந்தாய்! உன்னிடம்
எவ்வளவு பணம் இருக்கிறது? உனது அண்ணனுக்கு
அப்படி என்னதான் வந்துவிட்டது?’
-
“ஐயா! எனக்கு தெரியாது. ஆனால் என் அண்ணனுக்கு
உண்மையிலேயே உடல்நிலை சரியில்லை. எனது
பெற்றோர் “ஏதாவது எதிர்பாராத அற்புதம்’
நிகழ்ந்தாலன்றி அவன் பிழைப்பது கஷ்டம்’ என்று
பேசிக் கொண்டிருந்தார்கள் என்று கண்களில்
கண்ணீர் ததும்பக் கூறினாள்.

மேலும் “என்னிடம் ஒரு டாலர் பதினோரு சென்ட்கள்
உள்ளன. தேவையானால் இன்னும் ஏதாவது காசு
சேர்த்துக் கொடுக்க முயற்சிக்கிறேன். என் அண்ணன்
உடல் நலம் பெறுவதுதான் இப்போது முக்கியம்’ என்றாள்.
-
அந்தக் கனவான், “ஆஹா! ஒரு டாலர் பதினோறு
சென்ட்களா? அதுதான் இந்த எதிர்பாராத
அற்புதத்திற்கான சரியான விலை. சரி, வா.. நாம்
உன் வீட்டிற்குச் சென்று உனது பெற்றோர்களையும்,
சகோதரனையும் பார்த்து விட்டு வரலாம்’ என்று
அவளுடன் புறப்பட்டார்.
-
அந்தக் கனவான் அந்நகரிலேயே மிகவும் புகழ்
பெற்ற நரம்பியல் அறுவை சிகிச்சை நிபுணரான
கார்ல் ஆர்ம்ஸ்ட்ராங் என்பவர்.
-
அவருடன் அச்சிறுமி தன் வீட்டிற்குச் சென்றாள்.
அந்த டாக்டர் அச்சிறுவனுக்குத் தேவையான அறுவை
சிகிச்சையை இலவசமாகவே செய்தார். அச்சிறுவனும்
பிழைத்தான்.
-
இதன் பின்புலத்தையறியாத அவர்களின் பெற்றோர்
“ஆஹா இது ஓர் எதிர்பாராத அற்புதமின்றி வேறென்ன?
இவ்வளவு பெரிய அறுவை சிகிச்சைக்கு தேவையான
அவ்வளவு பணம் நம்மிடம் இல்லையே! இது
கடவுளருளால் தானே நிகழ்ந்தது’ என்று பேசிக்
கொண்டார்கள்.
-
ஆனால் அச்சிறுமியோ இந்த எதிர்பாராத அற்புதத்தின்
விலை ஒரு டாலர் பதினோரு சென்ட்கள்தான் என்று
நம்பியிருந்தாள். அவளது ஆழந்த நம்பிக்கையின்
விலைதான் இந்த அற்புதம் என்பதை அவள் எப்படி
அறிவாள்?
-
=========================================
>சுமன்

அச்சிறுமியின் பாசம் விவரிக்க முடியாதது.

நன்றி மலர்