1000 ஆண்டு பழைமையான இளம் கருந்துளை அவதானிப்பு

by **நண்பன்** Fri 15 Feb 2013 - 6:55

1000 ஆண்டு பழைமையான இளம் கருந்துளை அவதானிப்பு
பால்வெளியில் வெறும் 1000 ஆண்டுகள் பழைமையான இளம் கருந்துளையை நாஸா விஞ்ஞானிகள் கண்டுபிடித்துள்ளனர். இந்த துளை பூமியிலிருந்து 26 ஆயிரம் ஒளி ஆண்டுகள் தொலைவில் இருப்பதாக அவர்கள் கூறியுள்ளனர்.

சந்திரா எக்ஸ்ரே அவதான தொலைநோக்கியூடே இந்த கருந்துளை குறித்து தகவல் திரட்டப்பட்டுள்ளது. இதில் ஒரு சுப்பர் நோவாவின் தடயங்களாக உள்ள பகுதியில் வினோதமான எரிவாயு மேகமூட்டங்கள் அவதானிக்கப்பட்டுள்ளன. அந்த பகுதியில் ஒரு இளம் கருந்துளை இருக்கலாம் என விஞ்ஞானிகள் நம்பிக்கை தெரிவித்துள்ளனர்.

டபிள்யு 49 பி என பெரிடப்பட்டிருக்கும் இந்த இளம் கருந்துளை 1000 ஆண்டு பழைமையானது என விஞ்ஞானிகள் குறிப்பிட்டனர். பிரபஞ்சத்தைப் பொறுத்தவரை 14 பில்லியன் ஆண்டுகள் ஒரு கண் சிமிட்டும் தருணம் என நம்பப்படுகிறது.

பிரபஞ்சத்தின் கண்டறியப்படாத புதிராக இருக்கும் கருந்துளைகளின் ஈர்ப்பு விசைக்குள் சிக்கும் ஒளியுட்பட அனைத்தும் அதற்குள் உள்வாங்கப் படுகிறது. எல்லையற்ற பிரபஞ்சத்தை அழிக்கும் சக்தி கொண்டதாக கருந்துளைகள் இருக்கும் என அஞ்சப்படுகிறது. பிரபஞ்சத்தில் காணப்படும் இந்த விநோத பொருள் பற்றிய மர்மங்களை விஞ்ஞானிகளால் விடுவிக்க முடியவில்லை. மிகப் பிரமாண்டமான நட்சத்திரங்கள் திடீரென தனித்தனியாக சுருங்கியதன் விளைவாக கருந்துளைகள் உருவானதாக விஞ்ஞானிகள் நம்புகின்றனர். அவற்றுள் காணப்படும் நிறையீர்ப்பு சக்தியின் காரணமாக ஒளி வெளியேற்றப் படுவதில்லை.

இதுவரை பிரபஞ்சத்தில் 1000 இல் ஒரு பங்கு பகுதியை கருந்துளைகள் விழுங்கி விட்டன. இந்நிலை தொடர்ந்தால் ஒருநாள் பிரபஞ்சத்திலுள்ள எல்லா பொருட்களும் கருந்துளைகளால் அழிக்கப்பட்டு விடும்.

தினகரன்.