உலகைச்சுற்றி.... வாய் விட்டு அழுத குழந்தை: வாயில் டேப் ஒட்டிய நர்ஸ்

by **Nisha** Thu 15 May 2014 - 9:59

அன்றாடம் உலகில் நடைபெறும் சம்பவங்களை இங்கே தொகுப்போம்.

by **Nisha** Thu 15 May 2014 - 10:01

துருக்கி நிலக்கரி சுரங்கத்தில் வெடிவிபத்து: 201 பேர் பலி, 200 பேர் சிக்கித்தவிப்பு

துருக்கியில் நிலக்கரி சுரங்கத்தில் ஏற்பட்ட வெடிவிபத்தில் 201 பேர் பலியாகியுள்ளனர்.
துருக்கி உள்ள சோமா நகரில் , இஸ்தான் புல்லில் இருந்து 250 கி. மீ தூரத்தில் இருக்கும் அந்த சுரங்கத்தில் 800–க்கும் மேற்பட்டோர் பணி புரிந்தனர்.

நேற்று ஒரு பிரிவினர் பணி முடிந்து 'ஷிப்ட்' மாறும் போது சுரங்கத்தின் மின்சாரம் சப்ளை செய்யும் பிரிவில் திடீரென தீப்பிடித்து வெடி விபத்து ஏற்பட்டது.

தகவல் அறிந்ததும் மீட்பு குழுவினர் விரைந்தனர். 420 மீற்றர் ஆழ சுரங்கத்தில் சிக்கி தவித்த தொழிலாளர்களை மீட்கும் நடவடிக்கையில் ஈடுபட்டனர். இருந்தும் தீயில் கருகி 201 பேர் பலியாகினர்.

மேலும் 360 பேரை மீட்டனர். அவர்களில் 80–க்கும் மேற்பட்டோர் காயம் அடைந்தனர். அவர்களில் பலரது நிலைமை கவலைக்கிடமாக உள்ளது. எனவே, பலி எண்ணிக்கை உயரும் என்று அஞ்சப்படுகிறது.

இதற்கிடையே சுரங்கத்துக்குள் மேலும் 200 பேர் சிக்கி தவிக்கின்றனர். அவர்களை மீட்கும் பணி தீவிரமாக நடைபெற்று வருகிறது.

இந்த விபத்துக்கு கார்பன் மோனாக்சைடு விஷ வாயுவே காரணம் என தெரிய வந்துள்ளது. இந்த வாயு கசிவினால்தான் தீப்பிடித்து வெடி விபத்து ஏற்பட்டுள்ளது கண்டறியப்பட்டுள்ளது.

http://www.newsonews.com/view.php?22eMC303lO44e2BnBcb280Cdd308Wbc2nBBe43Olx0236Ao3

by **Nisha** Thu 15 May 2014 - 10:03

வாய் விட்டு அழுத குழந்தை: வாயில் டேப் ஒட்டிய நர்ஸ்

உலகைச்சுற்றி.... வாய் விட்டு அழுத குழந்தை: வாயில் டேப் ஒட்டிய நர்ஸ் Child_tap_002

பிறந்து 5 நாட்களான குழந்தை தொடர்ந்து அழுததால், அதன் வாயில் செவிலியர் ஒருவர் டேப் ஒட்டியுள்ளார்.
பிலிப்பைன்ஸ் நாட்டை சேர்ந்த ரேயன் நாவல் என்பவருக்கு, செபு நகரில் உள்ள மருத்துவமனையில் குழந்தை பிறந்துள்ளது.

இந்நிலையில் இவர் தனது பேஸ் புக் பதிவில், அவரது பிறந்து 5 நாட்களான தனது குழந்தையின் மேல் உதட்டில் இருந்து கன்னம் வரை ஒரு டேப் ஒட்டப்பட்ட படத்தை வெளியிட்டு உள்ளார்.

மற்றொரு படத்தில் அந்த டேப் கன்னத்தில் உள்ளது. மேலும் தனது மனைவி அங்குள்ள செவிலியர்களிடம் குழந்தையின் வாயில் ஏன் டேப் ஒட்டபட்டு உள்லது என கேட்டதற்கு குழந்தை அதிகம் அழுததால் டேப் ஒட்டபட்டு உள்ள என கூறியதாக எழுதி உள்ளார்.

மேலும், அவர் எழுதி உள்ளதாவது, இவரது மனைவி, உடனடியாக அங்குள்ள செவிலியரிடம், எதற்காக வாயின் மேல் பகுதியில் டேப் ஒட்டபட்டு உள்ளது என்று விசாரித்துள்ளார். அதற்கு அங்குள்ள செவிலியர்கள் உங்கள் குழந்தை அதிகமாக சத்தமிடுகிறான்( அழுகிறான்) எனவேதான் வாயில் டேப் ஒட்டி உள்ளோம் என கூறியுள்ளனர்.

பின்னர் தாய் குழந்தையின், வாயில் உள்ள டேப்பை அப்புற படுத்த கேட்டு கொண்டு உள்ளார், ஆனால் அதற்கு செவிலியர் மறுத்து விட்டார். இதை தொடர்ந்து தாயே அப்புறபடுத்தி உள்ளார்.

பின்னர் இது குறித்து மருத்துவமனை நிர்வாகத்திடம் புகார் கூறி உள்ளார்.நிர்வாகம் இது தொடர்பாக விசாரணை நடத்துவதாக கூறி உள்ளது