60 நொடிகளில் உங்களால் என்ன எல்லாம் செய்யமுடியும்?

by **ராகவா** Tue 22 Jul 2014 - 14:07

60 நொடிகளில் உங்களால் என்ன எல்லாம் செய்யமுடியும்? சராசரியாக 100 மீட்டர் நடக்க முடியும். ஒரு வாழைப்பழத்தை உரித்து சாப்பிட முடியும். சரி தானே…? ஆனால், இதே 60 நொடிகளில் இணையத்தில் (Internet) என்னவெல்லாம் நடக்கிறது தெரியுமா...?

தற்போது இணையத்தில் கிட்டத்தட்ட 2.700.000.000 பேர்கள் இணைக்கப் பட்டிருக்கின்றனர். இந்த எண்ணிக்கை ஒவ்வொரு நிமிடமும் 150 பேர்களால் அதிகரித்துக்கொண்டிருக்கிறது. நீங்கள் எல்லோருமே Skype ஊடாக உங்கள் உறவுகளுடன் பேசியிருப்பீர்கள். இதில் 60 நொடிகளில் மட்டும் 1.400.000 உரையாடல்கள் நடைபெறுகின்றன. இதுவே ஜெர்மனியில் இருக்கும் மிகப் பெரிய நகரங்களில் ஒன்றான மியூனிக்கில் வாழும் அனைவருமே, ஒரே நெரத்தில் பேசுவது போல் இருக்கும்.

மேலும் 60 நொடிகளில் 204.000.000 மின்னஞ்சல்கள் அனுப்பப்படுகின்றன. ஒவ்வொரு அஞ்சலையும் தனித்தனியாக ஒவ்வொரு தாளில் அச்சடித்து ஒரு புத்தகமாகக் கோர்த்தால், அந்தப் புத்தகம் 700 km உயரத்தைக் கொண்டதாக இருக்கும். Twitter எடுத்துக்கொண்டால் ஒரே ஒரு நிமிடத்தில் மட்டுமே 280.000 செய்திகள் வெளியிடப்படுகின்றன. ஆச்சரியமாக இல்லையா…?

சரி, மேலும் பார்ப்போம்! Amazon எனப்படும் ஆன்லைன் வர்த்தகத் தளத்தில் ஒரு நிமிடத்தில் 130.000 டாலர்களுக்கு வியாபாரம் நடைபெறுகிறது. இதே நிமிடத்தில் இணையத்தில் 120.000 புகைப்படங்கள் பதிவேற்றி பகிர்ந்துகொள்ளப் படுகின்றன. Flickrஇல் மட்டுமே 20.000.000 புகைப்படங்கள் பார்க்கப்படுகின்றன. Facebookஇல் இதே நேரத்தில் 1.800.000 தடவை Like Button கிளிக் பண்ணப்பட்டு அதைவிட 41.000 comments எழுதப்படுகின்றன. உலகின் மிகப்பெரிய வீடியோ தளமான YouTube இல் மட்டும் ஒரே நிமிடத்தில் 100 மணிநேர வீடியோ பதிவேற்றப் படுகின்றது.

இதைவிட, 60 நொடிகளில் எல்லாத் தனிப்பட்ட இணையப் பயனர்களாலும் 1.000 TeraByte பதிவிறக்கி, பதிவேற்றப் படுகின்றது. இதுவே 550.000.000 புத்தகங்களுக்கு சமாமக உள்ளது. இது போதாது என்று ஒரு நிமிடத்தில் 2.000.000 தடவை Google ஊடாக இணையத்தளங்கள் தேடப்படுகின்றன.

இது எல்லாமே ஒரே ஒரு நிமிடத்தில் மட்டுமே நடக்கிறது, நண்பர்களே! நம்பவே முடியவில்லை அல்லவா…? ஏன், யோசித்துப்பார்த்தால் நீங்கள் இதை வாசித்த நேரத்தில் கூட மேலே குறிப்பிடப்பட்ட அனைத்துமே நடந்துவிட்டது! இது ஆச்சரியம் தானே?

நன்றி:முகநூல்