டுபாயில் தொழிலாளர்கள் வீதியை மறித்து ஆர்ப்பாட்டம்

by **நண்பன்** Thu 12 Mar 2015 - 10:32

டுபாயில் தொழிலாளர்கள் வீதியை மறித்து ஆர்ப்பாட்டம்

கட்டுமான நிறு வனத்துடன் ஏற்பட்ட சம்பளப் பிரச்சினை காரணமாக நூற்றுக்கணக்கான தெற்காசிய நாடுகளின் தொழிலாளர்கள் டுபாயில் ஆர்ப்பாட்டத்தில் ஈடுபட்டுள்ளனர். ஐக்கிய அரபு இராச்சியத்தில் ஆர்ப்பாட்டம் ஒன்று நிகழ்வது அரிதானதாகும்.

கட்டுமான தொழிலாளர்கள் கடந்த செவ் வாய்க்கிழமை டுபாயின் பரபரப்பான வீதி யோன்றை முடக்கி ஆர்ப்பாட்டத்தில் ஈடுபட்டுள்ளனர்.
ஐக்கிய அரபு இராச்சியத்தில் ஆர்ப்பாட்டம் நடத்துவதற்கு தடையிருக்கும் நிலையில் கலகம் அடக்கும் பொலிஸார் சம்பவ இடத்திற்கு விரைந்தனர். எந்த வன்முறையோ அல்லது கைதுகளோ இன்றி ஆர்ப்பாட்டக்காரர்கள் கலைந்து சென்றதாக ஐக்கிய அரபு இராச்சிய அரசு குறிப்பிட்டுள்ளது. பின்னர் ஆர்ப்பாட்டக்காரர்களின் பிரச்சினைக்கு திர்வுகாணப்பட்டதாகவும் அது குறிப்பிட்டுள்ளது.

டுபாயில் ஆயிரக்கணக்கான வெளிநாட்டுத் தொழிலாளர்கள் கட்டுமான பணிகளில் அமர்த்தப்பட்டுள்ளனர். இதில் பெரும்பாலானவர்கள் சரியான களிவறை இல்லாமல் குளியல் இல்லாமல் தங்குமிடமில்லாமல் ஒரு அறையில் பத்து இருபது பேரைப் போட்டு அடைத்து அடிப்படை உரிமைகள் இன்றியே பணியில் அமர்த்தப்பட்டிருப்பதாக குற்றச்சாட்டு உள்ளது. குறித்த கட்டுமான நிறுவனத்தில் தொழிலாளர்களுக்கான சம்பளம் குறைவாக வழங்கப்படும் நிலையில் மேலதிக வேலை நேரத்திற்கான கொடுப்பனவையும் நிறுத்தியதற்கு எதிராகவே தொழிலாளர்கள் ஆர்ப்பாட்டத்தில் ஈடுபட்டுள்ளனர்.

முக்கியமாக நாட்டிலிருந்து டுபாய்க்கு கட்டிட பணிக்காக செல்லும் தொழிலாளர்கள் சரியான சம்பள சான்றிதலுடன் எவ்வளவு நேரம் வேலை செய்யவேண்டும் என்ற சரியான தெளிவுடனும் செல்ல வேண்டும் என தெரிவிக்கிறோம்.

எஸ் எல் எம் முஸம்மில்