சிந்தித்துச் செயல்படு!

by **rammalar** Tue 28 Apr 2015 - 8:31

-

குல்லாய் விற்கும் வியாபாரி
கூடை தன்னை இறக்கியபின்
குளிர்ந்த மரத்தின் நிழலினிலே
குறட்டை விட்டுத் தூங்கிட்டான்!
–
அந்த மரத்தின் கிளைகளிலே
அமர்ந்து இருந்த குரங்கெல்லாம்
விந்தையான குல்லாயைக்
கண்டு கீழே வந்தனவாம்!
–
எல்லாக் குரங்கும் குல்லாயை
இளித்தவாறு அணிந்ததுவாம்;
“நல்லா இருக்கு’ என்றபடி
மரத்தின் மேலே ஏறினவாம்!
–
கண்ணைத் திறந்த வியாபாரி
காலிக் கூடையைக் கண்டானாம்;
எண்ணம் ஒன்றைக் கொண்டானாம்;
எறிந்தான் மேலே தன் குல்லாய்!
–
எல்லாக் குரங்கும் அதுபோல
எறிந்து விட்ட விளையாட்டால்
குல்லா யெல்லாம் கிடைத்ததனால்
கூடைக் குள்ளே சேர்த்திட்டான்.
–
இழந்த குல்லாய் ஒன்றாலே
இழந்ததெல்லாம் பெற்றிட்டான்;
பிழைக்கத் தெரிந்த மனிதர்க்கு
பெற்ற அறிவு கை கொடுக்கும்.
–
சிந்தனை செய்து செயல்பட்டால்
நமக்கு அதுவே பலமடங்காய்
என்றும் திரும்பி வருமென்று
இந்தக் கதையால் அறிந்திடு நீ!
–
—————————–
– கே.பத்மநாபன்
சிறுவர் மணி

by **கமாலுதீன்** Thu 30 Apr 2015 - 3:56

சிறுவயதில் பாடபுத்தகத்தில் கதைவடிவில் படித்து மிகிழ்ந்து. இப்போது கவிதை வடிவில் படிக்கும் போது அந்த இனிய நாட்கள் ஞாபகத்திற்கு வருகின்றன. பகிர்வுக்கு நன்றி ஐயா.

சிந்தித்துச் செயல்படு!

சிந்தித்துச் செயல்படு!

Re: சிந்தித்துச் செயல்படு!