அதிசயமான அருமையான கட்டுரைகள்

வாட்ஸ் அப்பால் ஆபத்தா… கிண்டல் பண்ணாதீங்க பாஸ்..
--------------------

பெண்கள் என்றில்லை, சில ஆண்களுக்கும் கூட ஏற்கனவே சமூக வலைதளங்கள் மூலமாக ஆபத்து வருவதும், வந்திருப்பதும் பரவலாக அறியப்பட்ட செய்திதான்.

தற்போது உடனடி தகவல் ஆப்ஸான வாட்ஸ்அப் மூலமாகவும் சில பிரச்னைகள் ஏற்படும் வாய்ப்பு உள்ளது.

‘வாட்ஸ்அப் என்பது தனிநபர் தன் செல்போனில் உபயோகிக்கும் ஆப்ஸ் தானே அதில் என்ன ஆகும் என்று யோசித்தால், தற்போதைய வளர்ந்த தொழில்நுட்பம் பல்வேறு ஆபத்துகளையும் கூடவே சுமந்து வருகிறது என்பதை அறியாதவராக நீங்கள் இருக்கலாம்.

பீடிகைகள் அதிகமாக இருக்கிறதே அப்படி என்ன ஆபத்து ஏற்படும் என்று கேட்டால் அதற்கான பட்டியல் நீள்கிறது.

முதலில், உங்கள் செல்போன் நம்பர் தெரியும் யாராக இருந்தாலும்,  நீங்கள் வாட்ஸ்அப்பில் இருந்தால் அவர்களால் உங்கள் வாட்ஸ்அப் கணக்கை பார்க்கவும், உங்கள் புகைப்படத்தை டவுன்லோடு செய்யவும் முடியும்.

உங்களுக்கு தெரியாத நபர்கள் கூட உங்கள் ஸ்டேட்டஸ் மூலம் உங்களுக்குத் தெரியாமலேயே உங்களை வாட்ஸ்அப்பில் தொடர முடியும்.

உங்களுக்கு எதிர்முனை நபர் யார் என்று உண்மையிலேயே தெரிந்து கொள்ள இயலாத நிலையில், அவர் தவறான பெயரில் உங்களை தொடர்பு கொண்டு உங்களது தகவல்களை பெற வாய்ப்பும் உள்ளது.

யாரென்று தெரியாத நபரால் இதுபோன்ற தொல்லைகள் ஏற்படுவதை விட, நமக்குத் தெரிந்த, நமக்குப் பிடிக்காத, நமக்கு தீமை செய்ய நினைக்கும் நபர்களால் வாட்ஸ்அப்பில் நமக்கு தீங்கினை ஏற்படுத்த முடியும் என்பதுதான் உண்மை.

மற்றொரு சிக்கல் என்னவென்றால், உங்களது நண்பர்களில் சிலர் வாட்ஸ்அப் குருப்களில் உங்கள் பெயரையும் இணைக்கும் போது உங்கள் எண் குரூப்பில் உள்ள அனைவருக்கும் பகிரப்பட வாய்ப்புள்ளது.

இதனை உங்களால் தவிர்க்க முடியும். அதாவது,

உங்கள் வாட்ஸ்அப் அமைப்பில் (செட்டிங்) உங்களது ப்ரைவஸி செட்டிங்கை மாற்றியமைப்பதன் மூலம்  இந்த பிரச்சனைகளை தவிர்க்கலாம்.

உங்களது பிரைவஸி செட்டிங்கிற்கு சென்று உங்கள் புகைப்படம், ஸ்டேட்டஸ், லாஸ்ட் சீன் ஆகியவற்றை My Contacts அல்லது Only me ஆப்ஷன்களை பயன்படுத்தி பாதுகாக்க முடியும்.

குரூப்களில் இணைவதையும், அதில் அதிதீவிரமாக செய்திகளை அனுப்புவதிலும் எச்சரிக்கையாக இருப்பது நல்லது.
எத்தனை இடையூறுகளை ஏற்படுத்தினாலும் அதில் இருந்து தப்புவிக்கும் வசதிகளையும் வாட்ஸ்அப் தன்னகத்தே கொண்டுள்ளது.smartphone

அதாவது, ப்ளாக் ஆப்ஷனை பயன்படுத்தி உங்களுக்கு தொல்லை தருபவரை உங்கள் கணக்கை தொடராமல் தடுக்கும் வசதியும் வாட்ஸ்அப்பில் உள்ளது.

முடிந்தவரை தெரிந்தவர்களோடு மட்டும் வாட்ஸ் அப்பில் பேசுவதும், புதிய எண்ணில் இருந்து தெரிந்தவர் போல உங்களிடம் பேசும் நபரிடம் உடனே பேசாமல், ஒரு முறை அந்த எண்ணை தொலைபேசியில் தொடர்பு கொண்டு பேசிவிட்டு பிறகு அவர் உங்களுக்குத் தெரிந்தவர் தான் என்பதை உறுதி செய்து கொண்ட பிறகு வாட்ஸ்அப் பேச்சைத் தொடர்வதும் பாதுகாப்பானது.

வாணிஸ்ரீ சிவகுமார் -

எளிய திருமணங்கள் நிறைவை தரவில்லையா?
----------------------

எளிய முறையில் நடக்கும் திருமணங்களை பார்த்து வெகு நாட்கள் ஆகிவிட்டன. ஆடம்பரமும், படோபகாரமும், எங்கும் பணத்தை வாரி இழைத்த திருமணங்கள் தான் பலரையும் கவர்கிறது.

திருமண அழைப்பிதழ் முதல், உணவு, உடை, மண்டபம், சீர்வரிசைகள் என அனைத்துமே ஒவ்வொருவரும் தங்களது சக்திக்கு மீறி செலவிட்டு ஆடம்பரமாக திருமணத்தை நடத்துகிறார்கள்.

ஏழை எளிய மக்களின் சாதாரண திருமணங்களுக்கு ஆகும் மொத்த செலவில், பிரம்மாண்டமான திருமணங்களில் பத்திரிகைகள் மட்டுமே அச்சிடப்படுகின்றன. ஒரு சிலர் அதற்கும் சில லகரங்களை செலவிட்டு, ஏழை குடும்பங்களின் வயிற்றெரிச்சலை கொட்டிக் கொள்கிறார்கள்.

பத்திரிகையைப் பிரித்தால் நறுமணம் வீசுமாம், இன்னிசையும் கேட்குமாம்! உண்மையில் செலவு செய்யும் குடும்பத் தலைவனின் மனதில் என்ன இசை கேட்கும்…! என்று தெரியவில்லை.

வயிறு எந்த வகையிலும் நிறையாமல், வாழை இலை நிறைந்தால் போதும் என்று ஏராளமான உணவு வகைகளை அடுக்குகின்றனர். அதிலும் சில திருமணங்களில் வாழை இலையை ஜெராக்ஸ் எடுத்து பரிமாறுகிறார்கள்.

இப்படி செலவுகளை அதிகரித்து தங்களது பகட்டை வெளிப்படுத்த பலரும் செய்யும் செலவுகள் பல.  பட்டியலில் விடுபட்டவை ஏராளமாக இருக்கலாம். எங்காவது சிக்கனம் பிடிக்கலாம் என்றால் எங்கே விடுகிறார்கள் உடனிருப்பவர்கள். இது கெளரவமாக இருக்காது, நிறைவை தராது, பார்ப்பவர்கள் வாய் பிளக்க  வேண்டாமா?’ என பல அஸ்திரங்களை ஏவுவார்கள்.

இப்படியாக நடைபெறும் திருமணங்கள் இப்போது அதிகரித்திருக்கின்றன. கொஞ்சமும் குறைந்தால் நிறைவாக இருக்காது என்கிறார்கள். நிறைவு யாருக்கு? என்பது தான் புரியவில்லை.

ஒரு நாள் திருமணத்துக்காக பல லட்சங்களை செலவிட்டு அதிலும் பல செலவுகள் பயனற்றுப் போகும் போக்கு நல்லதாகப்படவில்லை. இரு மனங்கள் இணைகின்றன. அதை உறவுகள் கொண்டாட வேண்டும். ஆனால், பெரும்பாலான திருமணங்கள் வட்டிக்கடைக்காரனின் தயவில்தான் நடக்கிறது. திருமணங்களை முறையாக கொண்டாடாமல் அதிகம் செலவிட்டால் பிறகு வாழ்க்கை திண்டாட்டமாகப் போய்விடும்.

திருமணக் கடனைக் கட்டுவதிலேயே பலருக்கும் வாழ்க்கை தொலைந்து விடுகிறது. பிறகு எங்கே, வாழ்க்கை எனும் படகைக் கரை சேர்ப்பது?

உண்மையில், ஒரு பெண்ணும் ஆணும் தங்களை வாழ்க்கையில் இணைத்துக் கொள்வதாக ஊருக்கும் உறவுக்கும் அறிவிப்பதே திருமணம்.

அந்த திருமணத்தை எளிமையாகவும் அதே சமயம் மகிழ்ச்சியாகவும் நடத்தி வாழ்க்கையில் வெற்றி பெறுவோம்.


வாணிஸ்ரீ சிவகுமார் -

இதற்கெல்லாம் லேப்-டாப் காரணமா?
-------------
தகவல் தொழில்நுட்பம் கொடுத்த பல வரங்களில் ஒன்று லேப்-டாப். அதிலும், அந்த வரத்தினைப் பெற்ற மனிதர்களின் எண்ணிக்கை தற்போது நாளுக்கு நாள் அதிகரித்துக் கொண்டே இருக்கிறது.

வேலை செய்ய வேண்டும் என்றால் அலுவலகத்துக்குத்தான் வர வேண்டும் என்று ஒரு முக்கிய அஸ்திவாரத்தை ஆட்டியதே இந்த லேப்டாப்தான்.

ஏன் வீடுகளில் கணினி வந்தபோதே அந்த அஸ்திவாரம் ஆட்டம் காணவில்லையா என்று கேட்கலாம். ஆனால், அலுவலக ஊழியர்களுக்கு டெஸ்க்டாப் வாங்கிக் கொடுத்த அலுவலகமோ, தன் சொந்த காசில் வாங்கிய டெஸ்க்டாப்பை அலுவலக வேலை செய்து கரியாக்கிய  ஊழியர்களோ அப்போது குறைவுதான்.

சரி விஷயத்துக்கு வரலாம்.

டேபிளில் வைத்து வேலை செய்ய வேண்டிய கணினியை, செல்லக் குழந்தைகளை வைத்து கொஞ்ச வேண்டிய மடியில் வைத்து பணியாற்றும் சூழ்நிலைக்கு கொண்டு வந்தது இந்த லேப் – டாப். அது மட்டுமா, நாங்க படுத்துக் கொண்டே பணியாற்றுவோம், ரயிலிலயும் போவோம், வேலையும் செய்வோம் என்ற ரேஞ்சுக்கு பலரையும் கொண்டு வந்தது இந்த லேப்டாப்.

ஆனால், அலுவலக வேலைகளை எளிதாக்கிய இந்த லேப்-டாப், உடல் நலத்துக்கு நல்லது செய்யவில்லையே.. இதுவரை வெளியான சில ஆய்வுகள் மட்டுமே இத்தனை நோய்களை லேப்டாப் கொடுக்கிறது என்று சொல்கின்றன என்றால், இன்னும் எத்தனையோ ஆய்வுகள் நடந்து கொண்டு இருக்கிறதே அதுவும் வெளியானால் அவ்ளோ தான் போல இருக்கு.
உண்மை என்ன சொல்லுதுன்னா.. லேப் டாப்பை தொடர்ந்து பயன்படுத்தும் நபர்களுக்கு குறிப்பாக 8 வியாதிகள் ஸ்பீட் போஸ்டில் டேரக்ட் டோர் டெலிவரியாம்.

வீட்டில் ஆள் இல்லைன்னாலும் சுவர் ஏறி குதித்து வருகிறதாம் இந்த வியாதிகள்..

அது இன்னான்னா..முதுகுவலி..

என்னாது.. முதுகுவலியா.. இது எல்லாருக்குமே வருதுப்பா.. ஏதோ லேப்டாப்பை பயன்படுத்தினா மட்டும் வர்ற மாதிரி சொல்றீங்களேன்னு கேட்காதீங்க.. விஷயத்தைக் கேளுங்கள். மற்றவர்களுக்கு வரும் முதுகுவலிக்கும், லேப்டாப் உபயோகிப்பாளர்களுக்கு வரும் முதுகுவலிக்கும் ஒரே ஒரு ஒற்றுமை வலி மட்டும்தான். ஆனா வேற்றுமை… தீராத, கடுமையான முதுகுவலி என்பதுதான்.

முதுகை வளைத்து வில் போல வைத்துக் கொண்டு, கழுத்தால் லேப்டாப்பை குறி பார்க்கும் போது, முதுகுதடத்துக்குள் இருக்கும் ஏராளமான நரம்புகள் மிக இறுக்கமான நிலைக்கு தள்ளப்படுகின்றன. இதே நிலை தொடர்ந்து நீடிக்கும் போது நரம்புகளின் செயல்பாடுகள் பாதிக்கப்பட்டு மிகக் கடுமையான வலி ஏற்படும்.

இதோடு விடவில்லை நாம் வாங்கிய லேப்டாப் வரம், கண் பார்வை மங்குதல், கழுத்து வலி, விரல்களில் வீக்கம், தோள்பட்டை வலி, தோல்களின் நிறம் மங்குதல், விந்தணு குறைதல், சரும நோய்கள் உள்ளிட்டவற்றையும் சேர்த்தே ஏற்படுத்துகின்றன.

ஒரு சிலருக்குத்தான் இந்த பிரச்னைகள் ஏற்படும் என்று நினைத்தால் அது தவறு. ஒரு சிலரை மட்டுமே இந்த பிரச்னைகள் தொடுவதில்லை என்கிறது மற்றொரு ஆய்வு.

லேப்டாப் டாப் தீய பத்தவச்சா, கணினியின் திரையில் இருந்து வரும் ரேடியேஷன் அதில் எண்ணைய் ஊற்றுகிறது என்றே செல்லலாம். அதாவது திரையில் இருந்து வெளியாகும் ரேடியேஷன், அதன் பங்குக்கு பல்வேறு சரும பாதிப்புகளையும், கண்களையும் பாதித்து மனிதனை நீண்ட நாள் நோயாளியாகவே ஆக்கி விடுகின்றன.

இப்படி லேப் டாப் பத்தி நீங்க எதச் சொன்னாலும் மனம் தளராமல் உழைப்போர் சங்கத்தினர் கூறுவது என்னன்னா..
இப்ப அதுக்கு என்ன?… நாங்க எங்க வேலைய வீட்டில் இருந்தே செய்றது உங்களுக்குப் புடிக்கலை. அதானே லேப் டாப் மேல புழுதி வாரி இறைக்கிறீங்கன்னு கேட்காதீங்க…

முடிந்த அளவுக்கு லேப் டாப் பயன்பாட்டைக் குறைத்து டெஸ்க்டாப் பயன்பாட்டை அதிகரித்துக் கொள்வது உங்களுக்கு நல்லது.. உங்கள் லேப்புக்கும்(தொடைக்கும்) நல்லது.

+
வாணிஸ்ரீ சிவகுமார்

காதோடு தான் நாம் பேசுவோம்…
-------------

காது.. பலருக்கும் சில சமயங்களில் இது கேக்காததாகிவிடுகிறது. காரணம் நாமாகவோ, வெளிச் சூழலாகவோ இருக்கலாம்.

காதுகளை பராமரிப்பது குறித்து சில ஐடியாக்கள் நம் கைவசம் உள்ளது. அதில் சிலவற்றை அவிழ்த்து விடுகிறோம்…

பிறந்து ஒரு சில மாதங்கள் ஆன குழந்தை சப்தம் எழுந்தால் அந்த பக்கத்தை திரும்பிப் பார்க்காமலோ, பேச அதிக காலம் எடுத்துக் கொண்டாலோ உடனடியாக காது, மூக்கு, தொண்டை நிபுணரை சந்தித்து ஆலோசனை பெற வேண்டும்.

சில குழந்தைகளுக்கு காதில் பிரச்னை இருக்கலாம். அவற்றை கவனிக்காமல் விட்டுவிட்டால் அவர்களுக்கு பேசுவதிலும் பிரச்னை ஏற்படலாம். எனவே, உடனடியாக கவனித்தால் பேச்சுக் குறை ஏற்படுவதை தவிர்க்கலாம்.

காதுகளை சுத்தம் செய்கிறேன் என்று பட்ஸ் உள்ளிட்டவற்றை காதுக்குள் திணித்து நீங்கள் எந்த ஆணியையும் புடுங்க வேண்டாம். காது தன்னைத் தானே பாதுகாத்துக் கொள்ளும் அனைத்துக் கலையையும் கற்று வைத்திருக்கிறது.
எனவே, எப்போதாவது காது குடைச்சல் எடுத்தால் பட்ஸை எடுத்து உங்களது காதின் சுவர் பகுதியை மட்டும் லேசாக துடைத்துவிட்டு விட்டுவிடுங்கள். போதும்.

அப்போதுதான் உங்கள் காது அப்பாடா உட்டான்டா என்னன்னு நிம்மதி பெரு மூச்சு விடும்.

ஆனால், இதில் ஒரு குறிப்பிடத்தக்க விஷயம் உள்ளது. என்னவென்றால், காதின் மடலில் ஏராளமான முக்கிய நரம்புகள் இணைக்கப்பட்டுள்ளது. மனித உடலின் உள்ளுறுப்புகளுடன் இணைக்கப்பட்ட ஏராளமான நரம்புகள் காதின் மடலில் இருப்பதால் நாம் காதை குடையும் போது ஒரு வித நல்ல உணர்வை அடைகிறோம். இது மூளைக்கும் நல்ல ரிலாக்சை தருவதாக காதை குடையோ குடை எந்து குடைந்தவர்கள் கூறுகின்றனர்.

அதற்காக காது குடையறதை நல்லதுன்னு சொல்ல முடியாது.

இப்போது காது குத்துவதைப் பற்றி பார்க்கலாம். காதின் மென்மையான பகுதியில் மட்டுமே காது குத்துவது சிறந்தது. அதை விடுத்து சாலையில் டிராபிக்கில் மாட்டிக் கொண்ட வாகனங்களைப் போல காது முழுவதும் வரிசையாக காது குத்தி விதவிதமாக கம்மல் போட்டுக் கொள்வது நகைக் கடைக்காரர்களுக்கு வேண்டுமானால் நல்லதாக இருக்கலாம்.. உங்களுக்கு நல்லதல்ல.

சிலருக்கு இதுபோன்று காதின் குருத்தெலும்பு பகுதியில் காது குத்தி அதன் மூலமாக தொற்று நோய் பரவி ஆபத்தை ஏற்படுத்தியிருப்பதை நினைவில் வைத்துக் கொள்ள வேண்டும். அப்புறம் காது கண்ணாடி மாட்டக் கூட பயன்படாமல் போய்விடும்.

காதுக்குள் பூச்சி ஏதேனும் போய்விட்டால், உடனே காதை தரையில் படும்படி வைத்துப் படுத்துக் கொண்டால் பூச்சி தானாகவே கீழே இறங்கி அவங்க வூட்டுக்குப் போய்விடும் என்று நினைத்து கொண்டிருக்காமல், உடனடியாக உப்பு கலந்த தண்ணீரை காதுக்குள் ஊற்றி காதுக்குள் இருக்கும் பூச்சியை வெளியேற்ற வேண்டும்.

எப்போதும் காதில் வாக் மேன் அல்லது மொபைலின் ஹேன்ட் ப்ரீ போட்டு பாட்டுக் கேட்பது பார்க்க வேண்டும் என்றால் பந்தாவாக இருக்கும். இப்படியே போனால் பந்தலில் அலறும் பாடல் கூட உங்கள் காது மடலுக்கு எட்டாமல் போய்விடும்.
பிறகு உங்கள் பாடு திண்டாட்டம் தான். உங்கள் எதிரிகளுக்கோ கொண்டாட்டம் தான்.

எனவே காதுகளை பாதுகாத்து, கேக்காத காதாக்காமல் பார்த்துக் கொள்ள வேண்டியது உங்கள் வசதி.

+
வாணிஸ்ரீ சிவகுமார் -

புற்றுநோய்க்கு பொதுவான சிகிச்சை முறைகள்
---------------

புற்றுநோயை ஆரம்ப நிலையிலேயே கண்டுபிடித்து முழுவதும் அகற்றுவதே சிறப்பான சிகிச்சை. இந்த வகையில் முன்பெல்லாம் அறுவைச் சிகிச்சை முறையே புற்றுநோய் சிகிச்சைக்குச் சிறந்ததாக இருந்தது.

தற்போது கீமோதெரபி என்ற முறையில் மருந்தை உள்செலுத்தி புற்றுநோய் செல்களை அழிக்கவும், புதிதாக புற்றுநோய் செல்கள் உருவாகாமல் தடுக்கவும் வாய்ப்புகள் அதிகரித்துள்ளன.

உணவுக் குழாய் புற்று, வாய்ப் புற்று போன்ற சில வகை புற்றுநோய்களுக்கு கதிரியக்க சிகிச்சை அளிக்கலாம். சில வகை புற்று நோய்களுக்கு ரேடியோதெரபி, ஹீமோதெரபி என கதிரியக்க முறையோடு மருந்துகள் கொடுத்து சிகிச்சை அளிக்க வேண்டியதிருக்கும்.

சில புற்றுநோய்க் கட்டிகளை அறுவைச் சிகிச்சை மூலம் அகற்றிவிட்டு தொடர்ந்து கதிரியக்க சிகிச்சை கொடுக்க வேண்டியதிருக்கும். பாலிஃபெக்டமி என்ற முறையால் எண்டாஸ்கோப்பி மூலம் பெருங்குடலில் ஏற்படும் சதை வளர்ச்சியை ஆரம்ப நிலையிலேயே கிள்ளி எறிய முடியும்.

கூட்டு சிகிச்சை:
பொதுவாக புற்றுநோய் உள்ளவர்களுக்கு எல்லா முறையும கலந்து செய்யக் கூடிய கூட்டு சிகிச்சைதான் சிறந்தது. எண்டாஸ்கோப்பி சிகிச்சை, அறுவைச் சிகிச்சை என எல்லா வழிகளையும் கடைப்பிடித்து புற்றுநோய் திசுக்களே இல்லை என்ற நிலையை ஏற்படுத்தவேண்டும்.

புற்றுநோயை ஆரம்ப நிலையில் கண்டுபிடித்துவிட்டால் சிகிச்சை அளித்து முற்றிலும் குணப்படுத்திவிடலாம். ஆனால் பலர் நோய் முற்றிய நிலையிலேயே சிகிச்சைக்கு வருகின்றனர். எனவே ஆரம்ப நிலையிலேயே கண்டுபிடிக்க பொதுமக்களிடையே விழிப்புணர்வு ஏற்படுத்தவேண்டும்.

வலி இல்லாமல் வாழ:
சரி புற்று நோய் முற்றிவிட்டது. இனி குணப்படுத்த முடியாது எனத் தீர்மானமாகத் தெரிந்துவிட்டது. சரி, அவர்களை அப்படியே விட்டுவிடலாமா. நிச்சயம் கூடாது. இருக்கும் நாள் வரை வலி இல்லாமல் மிகச் சிரமப்படாமல் கூடிய வகையில் வாழ்நாளைக் கூட்டிக் கொடுத்து நல்ல வாழ்க்கைச் சூழலை (Quality of life) ஏற்படுத்திக் கொடுப்பது டாக்டரின் கடமை. இதை ஆங்கிலத்தில் Palliative Treatment என்று கூறுகிறோம்.

எண்டோஸ்கோப்பி: ஆரம்ப நிலையில் உள்ள புற்று நோய் மற்றும் முற்றிய நிலையில் உள்ள புற்றுநோய்க்கும் சிகிச்சை அளிப்பதில் எண்டோஸ்கோப்பி பிரசித்து பெற்றது. வயிற்றைத் திறந்து சிகிச்சை அளிக்கத் தேவையில்லை. தீவிர மயக்க மருந்து தேவையில்லை. ஓரிரு மாதக் குழந்தை முதல் 100 வயது வரை எல்லா வயதினருக்கும் சிகிச்சை அளிக்கலாம்.
இதயம், நுரையீரல் நோய் உள்ளவர்களுக்கும் இத்தகைய சிகிச்சை முறைகளை எளிதாகக் கையாளலாம்.

உணவு, உமிழ் நீர் கூட விழுங்க முடியாத முற்றிய உணவுக் குழாய் புற்றுநோய்க்கு எண்டோஸ்கோப்பி சிகிச்சையே சிறந்தது. எண்டோஸ்கோப்பி கருவி கொண்டு பலூன் மூலம் உணவுக் குழாயை விரிவடையச் செய்து செயற்கைக் குழாய் பொருத்தி அடுத்த நாளே உணவு உட்கொள்ளும் நிலை ஏற்படுத்த முடிகிறது.

இரைப்பை, குடல் அடைப்பை நீக்கவும் எண்டோஸ்கோப்பி மூலமாக சிகிச்சை தர முடியும். பித்தக் குழாய் புற்றுநோயால் தீவிர மஞ்சள் காமாலை ஏற்பட்டவர்களுக்கு எண்டோஸ்கோப்பி மூலமாக புதிய செயற்கைக் குழாய் பொருத்தி மஞ்சள் காமாலையைக் குறைத்து சிகிச்சை அளிக்கலாம்.

பித்தக்குழாயில் புற்றுநோய் உள்ளவர்களுக்கு அரிப்பு, ரத்தக் கசிவு, சோர்வு, மஞ்சள் காமாலை ஏற்படுகிறது. செயற்கைக் குழாய் பொருத்தியவுடன் அரிப்பு நின்றுவிடுவதுடன் ரத்தக் கசிவு நின்றுவிடும், பசி ஏற்படும். மஞ்சள் காமாலை போய்விடும்.

கணையத்தில் புற்றுநோய் இருந்தாலும் தீராத வயிற்று வலி, மஞ்சள் காமாலை, பசியின்மை, சோர்வு ஏற்படும். கணையம் வழியாக பித்தக் குழாய் வருவதால் கணையத்தில் உள்ள புற்றுநோயால் பித்த நீர் செல்வது தடை படுகிறது.

எண்டோஸ்கோப்பி மூலம் செயற்கை குழாய் பொருத்தி பித்தநீர் செல்ல வழி செய்யப்படுகிறது.

* சோர்வு, பசியின்மை, எடை குறைதல், ரத்த சோகை ஆகியவை புற்று நோய்க்கான பொதுவான அறிகுறிகள்.

* உணவுக்குழாய் முதல் கணையம் வரை உடலில் இடத்துக்குத் தகுந்தவாறு புற்றுநோய் அறிகுறிகள் மாறுபடும்.

* உணவு விழுங்குவதில் சிரமம், மலத்தில் ரத்தம் ஆகிய அறிகுறிகள் இருந்தால் உடனடியாக டாக்டரிடம் செல்லுங்கள்.

+
வாணிஸ்ரீ சிவகுமார் -

இதற்கெல்லாம் லேப்-டாப் காரணமா?

--------------
தகவல் தொழில்நுட்பம் கொடுத்த பல வரங்களில் ஒன்று லேப்-டாப். அதிலும், அந்த வரத்தினைப் பெற்ற மனிதர்களின் எண்ணிக்கை தற்போது நாளுக்கு நாள் அதிகரித்துக் கொண்டே இருக்கிறது.

வேலை செய்ய வேண்டும் என்றால் அலுவலகத்துக்குத்தான் வர வேண்டும் என்று ஒரு முக்கிய அஸ்திவாரத்தை ஆட்டியதே இந்த லேப்டாப்தான்.

ஏன் வீடுகளில் கணினி வந்தபோதே அந்த அஸ்திவாரம் ஆட்டம் காணவில்லையா என்று கேட்கலாம். ஆனால், அலுவலக ஊழியர்களுக்கு டெஸ்க்டாப் வாங்கிக் கொடுத்த அலுவலகமோ, தன் சொந்த காசில் வாங்கிய டெஸ்க்டாப்பை அலுவலக வேலை செய்து கரியாக்கிய  ஊழியர்களோ அப்போது குறைவுதான்.

சரி விஷயத்துக்கு வரலாம்.

டேபிளில் வைத்து வேலை செய்ய வேண்டிய கணினியை, செல்லக் குழந்தைகளை வைத்து கொஞ்ச வேண்டிய மடியில் வைத்து பணியாற்றும் சூழ்நிலைக்கு கொண்டு வந்தது இந்த லேப் – டாப். அது மட்டுமா, நாங்க படுத்துக் கொண்டே பணியாற்றுவோம், ரயிலிலயும் போவோம், வேலையும் செய்வோம் என்ற ரேஞ்சுக்கு பலரையும் கொண்டு வந்தது இந்த லேப்டாப்.

ஆனால், அலுவலக வேலைகளை எளிதாக்கிய இந்த லேப்-டாப், உடல் நலத்துக்கு நல்லது செய்யவில்லையே.. இதுவரை வெளியான சில ஆய்வுகள் மட்டுமே இத்தனை நோய்களை லேப்டாப் கொடுக்கிறது என்று சொல்கின்றன என்றால், இன்னும் எத்தனையோ ஆய்வுகள் நடந்து கொண்டு இருக்கிறதே அதுவும் வெளியானால் அவ்ளோ தான் போல இருக்கு.
உண்மை என்ன சொல்லுதுன்னா.. லேப் டாப்பை தொடர்ந்து பயன்படுத்தும் நபர்களுக்கு குறிப்பாக 8 வியாதிகள் ஸ்பீட் போஸ்டில் டேரக்ட் டோர் டெலிவரியாம்.

வீட்டில் ஆள் இல்லைன்னாலும் சுவர் ஏறி குதித்து வருகிறதாம் இந்த வியாதிகள்..

அது இன்னான்னா..முதுகுவலி..

என்னாது.. முதுகுவலியா.. இது எல்லாருக்குமே வருதுப்பா.. ஏதோ லேப்டாப்பை பயன்படுத்தினா மட்டும் வர்ற மாதிரி சொல்றீங்களேன்னு கேட்காதீங்க.. விஷயத்தைக் கேளுங்கள். மற்றவர்களுக்கு வரும் முதுகுவலிக்கும், லேப்டாப் உபயோகிப்பாளர்களுக்கு வரும் முதுகுவலிக்கும் ஒரே ஒரு ஒற்றுமை வலி மட்டும்தான். ஆனா வேற்றுமை… தீராத, கடுமையான முதுகுவலி என்பதுதான்.

முதுகை வளைத்து வில் போல வைத்துக் கொண்டு, கழுத்தால் லேப்டாப்பை குறி பார்க்கும் போது, முதுகுதடத்துக்குள் இருக்கும் ஏராளமான நரம்புகள் மிக இறுக்கமான நிலைக்கு தள்ளப்படுகின்றன. இதே நிலை தொடர்ந்து நீடிக்கும் போது நரம்புகளின் செயல்பாடுகள் பாதிக்கப்பட்டு மிகக் கடுமையான வலி ஏற்படும்.

இதோடு விடவில்லை நாம் வாங்கிய லேப்டாப் வரம், கண் பார்வை மங்குதல், கழுத்து வலி, விரல்களில் வீக்கம், தோள்பட்டை வலி, தோல்களின் நிறம் மங்குதல், விந்தணு குறைதல், சரும நோய்கள் உள்ளிட்டவற்றையும் சேர்த்தே ஏற்படுத்துகின்றன.

ஒரு சிலருக்குத்தான் இந்த பிரச்னைகள் ஏற்படும் என்று நினைத்தால் அது தவறு. ஒரு சிலரை மட்டுமே இந்த பிரச்னைகள் தொடுவதில்லை என்கிறது மற்றொரு ஆய்வு.

லேப்டாப் டாப் தீய பத்தவச்சா, கணினியின் திரையில் இருந்து வரும் ரேடியேஷன் அதில் எண்ணைய் ஊற்றுகிறது என்றே செல்லலாம். அதாவது திரையில் இருந்து வெளியாகும் ரேடியேஷன், அதன் பங்குக்கு பல்வேறு சரும பாதிப்புகளையும், கண்களையும் பாதித்து மனிதனை நீண்ட நாள் நோயாளியாகவே ஆக்கி விடுகின்றன.

இப்படி லேப் டாப் பத்தி நீங்க எதச் சொன்னாலும் மனம் தளராமல் உழைப்போர் சங்கத்தினர் கூறுவது என்னன்னா..
இப்ப அதுக்கு என்ன?… நாங்க எங்க வேலைய வீட்டில் இருந்தே செய்றது உங்களுக்குப் புடிக்கலை. அதானே லேப் டாப் மேல புழுதி வாரி இறைக்கிறீங்கன்னு கேட்காதீங்க…

முடிந்த அளவுக்கு லேப் டாப் பயன்பாட்டைக் குறைத்து டெஸ்க்டாப் பயன்பாட்டை அதிகரித்துக் கொள்வது உங்களுக்கு நல்லது.. உங்கள் லேப்புக்கும்(தொடைக்கும்) நல்லது.


+
வாணிஸ்ரீ சிவகுமார்

பல மணி நேரம் உட்கார்ந்து பணியாற்றுபவரா நீங்கள்? இத படிக்காதீங்க…
-----------------------------

அலுவலகம்உட்கார்ந்து பணியாற்றுதல்வேலை அழுத்தம்
ஆபிஸ்ல வந்து உட்கார்ந்து வேலை செய்யாம… ஊர் சுத்திக்கிட்டேவா இருப்பாங்கன்னு கேட்பது சரியான கேள்விதான்..

ஆனால், அதற்காக வரும் போதே பக்கெட் பெவிகாலை எடுத்துக் கொண்டு சீட்டில் ஊற்றிவிட்டு சற்று காய்ந்ததும் ஹாயாக உட்கார்ந்து கொள்வதை போல பல மணி நேரம் சீட்டில் இருந்து எழுந்திருக்காமல் பணியாற்றுவதுதான் தவறு என்கிறோம்.

உண்மை தான் நீங்க சொல்றது.. ஆனா, எங்க டைம் இருக்கு. வந்து உட்கார்ந்தா அடுத்தடுத்த பைல், அடுத்தடுத்த போன் கால் என்று வந்து கொண்டே இருப்பதால் நகரக் கூட முடியவில்லை என்று புலம்பினால், இன்னும் சில வருடங்களில் உங்கள் வேலையை செய்ய மற்றொருவர் பணியமர்த்தப்படுவார் என்பது நிதர்சனமான உண்மை.

என்னா? ஒழுங்க வேலை செய்ற என்னைத் தூக்கிட்டு வேற ஒருத்தர வேலைல வச்சிடுவாங்களா.. இல்ல நான் தான் சும்மா விட்டுடுவேனா என்றால் உங்களால் நிச்சயம் எதுவும் செய்ய முடியாது.

ஏன் தெரியுமா.. பல மணி நேரம் உட்கார்ந்து கொண்டே பணியாற்றுபவர்களுக்கு வரக்கூடாத நோயெல்லாம் வருமாம். என்னடான்னு பயந்துடாதீங்க.. எந்த நோயுமே வரக்கூடாத நோய்தாங்க…

புற்றுநோய், நீரிழிவு, உடல் பருமன், வாதம், இதய நோய், மாரடைப்பு போன்றவை வருவதற்கு அதிக வாய்ப்புகள் உள்ளதாம்.

இப்படி ஏதேனும் ஒரு நோய் தாக்கி நாம் போய்விட்டால், நம் வேலைகளை பார்க்க வேறொரு ஆளைத்தானே நிர்வாகம் நியமித்துக் கொள்ளும். இல்லை நாம் ஆவியாக வந்து வேலை செய்கிறோம் என்று சொன்னால், சித்ரகுப்தன் கணக்கிலா சம்பளத்தைப் போடப் போகிறார்கள்.

அதிக நேரம் சீட்டிலேயே உட்கார்ந்திருந்தால், சீக்கிரம் மேல் உலகத்துக்கு டிக்கெட் கிடைத்துவிடும் என்கிறார்கள் ஆராய்ச்சியாளர்கள்.

இன்னும் ஒரு குண்டையும் அவர்கள் தூக்கி நம் தலையில் போடுகிறார்கள். என்னன்னா.. அரை மணி நேரத்துக்கு மேல சேர்ந்தாப்போல உட்கார்ந்து வேலை செய்தாலே இளமை காலத்திலேயே நரை உழுந்து மரணம் அடைய நிறைய வாய்ப்புகள் இருப்பதாகவும், இளமை கால மரணங்களுக்கு பெரும்பாலும் இதுவே காரணமாக அமைவதாகவும் நிரூபிக்கப்பட்டுள்ளதாம்.

8 மணி நேரம் உட்கார்ந்தே வேலை செய்தா என்னென்ன வரும்னு கொஞ்சம் லிஸ்ட் போடுங்க.. பாஸ்
இதில் கீழ்நிலை பணியாளர்களின் நிலை பரவாயில்லைங்க.. டீ குடிக்க, தம் அடிக்க, சாப்பிட, தண்ணீர் பிடிக்க அல்லது தண்ணீர் குடிக்கன்னு எழுந்து போயிடுவாங்க. ஆனா.. சில டீம் தலைங்க.. அவங்களுக்குன்னு ஒரு ரூம் போட்டு கொடுத்து இருப்பாங்கள்ள.. அங்கயே டீ வரும், தண்ணி வரும், சாப்பாடு வரும்… எல்லாவற்றையும் சேரில் இருந்தபடியே சாப்பிட்டு, குடித்து ஹாயாக வாழ்ந்து கொண்டிருப்பார்கள்.

இவர்கள் இனி ஒவ்வொன்றும் அவரது டேபிளுக்கு வரும் போது, கூடவே எமனும் எருமையில் வருவதை உணர்ந்து, சில விஷயங்களுக்காவது அடிக்கடி எழுந்து போய் நடந்து விட்டு வந்து அமர்ந்தால், எமன் அடுத்த கேபினுக்கு ஆள் தேட போய் விடுவார்.

சரிங்க.. காரணமே இல்லாம எப்படிங்க எழுந்து போறதுன்னு டியூப்லைட் போல கேள்வி கேட்பவர்களுக்காகவே இங்கே சில டிப்ஸ்….

பக்கத்து கேபினில் இருப்பவரிடம் தொலைபேசியில் சந்தேகங்களை கேட்காமல், நீங்களே எழுந்து போய் விலாவரியாகக் கேட்டுக் கொண்டு வரலாம்.

ஏதேனும் ஸ்னேக்ஸ் கொண்டு வந்து அதனை அனைவருக்கும் நீங்களே கொடுத்து பகிர்ந்துண்டு வாழலாம்.

உங்கள் சீட் பக்கத்திலேயே குப்பைத் தொட்டியை வைத்துக் கொள்ளாமல், ரூமுக்கு வெளியே வைத்துவிட்டு அங்கு சென்று போடலாம்.

சிறிய தண்ணீர் கேனை வாங்கி வந்து அதில் அடிக்கடி தண்ணீர் பிடித்துக் குடிக்கலாம்.

கொண்டு வந்த சாப்பாட்டை உங்கள் சீட்டிலேயே சாப்பிடாமல், அதற்கான இடத்துக்குச் சென்று சாப்பிடலாம்.

இப்படி உங்கள் வாழ்க்கையை நீண்ட ஆயுள் கொண்டதாக மாற்றிக் கொள்ள ஏராளமான ஐடியாக்கள் கைவசம் உள்ளன.

மேற்கூறியதை செய்துவிட்டு எங்களிடம் கேளுங்கள். மிச்சத்தை சொச்சம் இல்லாமல் சொல்கிறோம்.

ரொம்ப நேரம் உட்கார்ந்து இந்த கட்டுரையை அடிச்சிட்டேங்க.. எழுந்து போக வேண்டாமா.. இல்லைன்னா இதுபோன்ற விஷயங்களை உங்களுக்கு சொல்றதுக்கு ஆள் இல்லாம போயிடும் பாருங்க…



வாணிஸ்ரீ சிவகுமார் -

ஆபிஸ்ல இருந்து ஆன் டைமுக்கு கிளம்புங்கப்பா…

---------------

பலரும், அலுவலகத்தில் பல மணி நேரம் தேமேன்னு உட்கார்ந்து வேலை செய்வார்கள் இல்லைன்னா வேலை செய்ற மாதிரியே பாவ்லா பண்ணிக்கிட்டு இருப்பாங்க.

இன்னும் சிலர் இருக்கிறார்கள்.. அவங்க ஸ்டைலே தனி.. அலுவலக நேரத்தில் எல்லாம் காத்தாடி உட்டுட்டு, ஓவர் டைம்ல மட்டும்தான் ஒர்க்கே பண்ணுவாங்க…

என்னப்பா கிளம்பலையான்னு கேட்டா, இல்ல.. வேலை இருக்கு,  முடிக்கணும் பொறுப்பா பதில் சொல்லி மத்தவங்க காண்ட அண்டாவுல கொட்டிக்குவாங்க.

இதில், சிலர் காலை முதல் இரவு வரை அலுவலகத்திலேயே தவம் இருந்து பாஸிடம் வரம் வாங்க காத்திருப்பது போல இருப்பார்கள்.

ஒரு சிலர், அலுவலகத்தில் ரொம்ப நேரம் இருந்தா… இவன் ரொம்ப நல்லவன்டான்னு எல்லாரும் சொல்லுவாங்கன்னு தப்புத் தப்பா கணக்கு போட்டு வச்சிருப்பாங்க.

எது எப்படின்னாலும், அலுவலகத்தில் அதிக நேரம் வேலை செய்பவர்கள் செய்வது தப்புதான் தப்புதான்.

எப்படி அது தப்புன்னு சொல்ல முடியும்னு நீங்க ஆதங்கத்தோட கேக்குறது புரியுது… அதுக்கு எங்க கிட்ட விலாவரியா தகவல் இருக்குங்க…

வாங்க பாக்கலாம்,

வேலை என்பது முடிந்து விடும் விஷயமல்ல, எல்லா வேலையும் ஒரே நாளில் உங்களால் முடிக்க முடியாது. அதில்லாம.. எல்லா வேலையையும் இன்னிக்கே முடிச்சிட்டா நாளைக்கு வந்து என்னப் பண்ணுவீங்க பாவம்…

அப்புறம், உங்களது வேலையை விட உங்களது குடும்பத்தாரும், குடும்ப உறுப்பினர்களும்தான் முக்கியம். அவர்களுடன் நேரத்தை செலவிடுவது அவசியமும் கூட.

உங்களுக்கு வேலையில எதான பிரச்னைன்னா ஆறுதல் கூறவும், ஆதரவு தரவும் குடும்பம் இருக்கும். ஆனா, உங்க மனைவி கோச்சிக்கிட்டு போயிட்டா பாஸ் வந்து சமைச்சிப் போட மாட்டார்.

குடும்பமே இல்லை சார்.. நான் தனியா இருக்கேன்னு ஒருவர் அங்கிருந்து குரல் கொடுத்தா அவங்களுக்கும் தனியா நோட்ஸ் போட்டு வச்சிருக்கோம்.. வாங்க சொல்றோம்..

வாழ்கை என்பது வெறும் பணி மட்டும் அல்ல. வேலைக்கு போறதும், இரவில் கிளம்பி சாப்பிட்டுட்டுப் போயி ரூமில் படுத்துக் கொண்டு அறையில் இருக்கும் கொசுக்களுக்கு ரத்த தானம் செய்துவிட்டு, குறட்டை சத்தத்தால் இம்சையும் கொடுப்பதல்ல.

வாழ்க்கை வாழ்வதற்கு, குடும்பமே இல்லையே எப்படி வாழுறதுன்னு கேக்காதீங்க.. எத்தனையோ பேர் சமூக அக்கறையோடு வாழ்கிறார்கள். அதுபோல சமூகத்தில் உங்களின் தேவை தேவைப்படும் பலரும் இருக்கிறார்கள். அவர்களுக்குத் தேடிச் சென்று உதவுங்கள். இது அவர்களுக்கு நீங்கள் செய்யும் உதவியல்ல.. உங்களுக்கு நீங்களே செய்து கொள்ளும் பேருதவி.

எல்லாமே சரி..

நான் ஆபிஸ்ல ரொம்ப நேரம் உட்கார்ந்து டபுள் பிரமோஷன் வாங்கினேன் தெரியுமான்னு சொல்றவங்களுக்கு… சிம்பிள் லாஜிக் மேட்டர் ஒண்ணு.

என்னன்னா.. ஆபிஸ்ல ஒருத்தர் ரொம்ப நேரம் வேலை செய்றார்னா.. அவருக்கு கொடுத்த வேலையை, கொடுத்த  நேரத்தில் முடிக்க தெரியலைன்னு ஊரே பேசுமே அத பத்தி யோசிச்சீங்களா…

இல்ல, உங்க ஒருத்தருக்காக.. ஆபிஸ்ல இருக்குற ஏசி, லைட்,  டீ மெஷின்னு எல்லாமே இயங்கி தேவையில்லாம செலவு அதிகமாகிட்டு இருக்கே அதப்பத்திதான் யோசிச்சீங்களா…

எல்லாவற்றையும் விட மன்னிக்கவே முடியாத குற்றம் என்னன்னா.. பொறுப்பா ஒருவன் வேலை எல்லாம் செஞ்சிட்டு, குடும்ப பொறுப்பை சுமக்க சரியான டைமுக்குக் கிளம்புவான். அவனை டீம் லீடர் மொறைக்கிறதுக்கும் காரணமா இருந்துடுவாங்க.. இதனால, உங்க டீம்ல இருக்க எந்த செட்டுக்கும் உங்கள புடிக்காம போறதுக்கும் நிறைய வாய்ப்பு இருக்கு…

இப்படி எதையும் யோசிக்காம… கிணத்துல போட்ட கல்ல்ல்லு மாதிரி வேலை செய்றத விட்டுவிட்டு, வீட்டுக்குப் போனால், அம்மாவுக்கு காய்கறி வாங்கித் தரலாம், பிள்ளைகளுக்கு பாடம் சொல்லிக் கொடுக்கலாம். மனைவிக்கு காய்கறி நறுக்கித் தரலாம். இதெல்லாம் என்னால செய்யவே முடியாதுன்னு கையை தூக்குறவங்க.. வெட்டியா வீட்டிலே உட்கார்ந்து டிவியயாவது பார்த்து.. இவன் வீட்ல ஏன்டா இருக்கான்னு மத்தவங்க நிம்மதியையாவது பறிக்கலாம்.

என்ன நாங்க சொல்றது தப்பில்லையே…




வாணிஸ்ரீ சிவகுமார் -

புற்றுநோயை கண்டறியும் பரிசோதனைகள்

----------
புற்றுநோய்மருத்துவ பரிசோதனை

புற்றுநோய் இருப்பதை ஆரம்பத்திலேயே கண்டறிந்தால் அதனை உரிய சிகிச்சையின் மூலம் குணப்படுத்தி நீண்ட நாள் வாழலாம்.

முதலில் புற்றுநோய் இருப்பதையே ஒரு சில அறுவை சிகிச்சைகளின் மூலம் தான் கண்டுபிடிக்க முடியும். ஆனால் தற்போது ஒருவருக்கு சந்தேகம் ஏற்பட்டால், அவருக்கு சில மருத்துவப் பரிசோதனைகள் நடத்தப்படும்.

அவற்றில், ரத்தப் பரிசோதனை, அல்ட்ரா சவுண்ட் ஸ்கேன், எண்டாஸ்கோப்பி முறைகள், சி.டி.ஸ்கேன், எம்.ஆர்.ஐ. ஸ்கேன் மற்றும் “நிக்யூளியர் போன் ஸ்கேன்’ (Nuclear Bone Scan)   ஆகிய பரிசோதனைகள் மூலம் புற்றுநோயைக் கண்டறியலாம்.

எல்லா நோயாளிகளுக்கும் எல்லாப் பரிசோதனைகளும் செய்ய வேண்டியதில்லை. அவர்களது பிரச்சினைக்கு ஏற்ப தகுந்த பரிசோதனைகள் மூலம் புற்றுநோயைக் கண்டறிய முடியும்.

நவீன மாற்றங்கள்: இருபது ஆண்டுக்கு முன்பு புற்றுநோய் உள்ளது எனக் கண்டுபிடிப்பது மிகக் கடினம். சாதாரண எக்ஸ் ரே பரிசோதனை மற்றும் பேரியம் எக்ஸ்ரே பரிசோதனைகள் மூலம்தான் ஓரளவு கண்டுபிடிக்க முடிந்தது.

இதனால் புற்றுநோயை ஆரம்பத்திலேயே கண்டுபிடித்து சிகிச்சை அளிப்பது மிகவும் சிரமமாக இருந்தது. பலர் இறக்கும் தருவாயில்தான் நோய் இருப்பதையே கண்டுபிடிக்க முடியும். வியாதி என்ன என்று கண்டுபிடிப்பதற்கே அறுவைச் சிகிச்சை செய்யும் நிலை இருந்தது.

இதனால் புற்றுநோய்க்கு சிகிச்சையே இல்லை என்று பரவலாக நம்பப்பட்டது. ஆனால் மருத்துவ விஞ்ஞான வளர்ச்சி காரணமாக பரிசோதனைகள் மற்றும் சிகிச்சை முறைகளில் பெரும் புரட்சி ஏற்பட்டுள்ளது. இதனால் புற்று நோயை ஆரம்ப நிலையிலேயே கண்டுபிடிக்க முடிகிறது. எந்த புற்றுநோய்க்கு என்ன சிகிச்சை என துல்லியமாகத் தேர்வு செய்யமுடிகிறது.
எண்டோ அல்ட்ரா சோனோகிராபி: உணவுக் குழாய், மலக்குடல், பித்தப் பை, கணையம் ஆகிய உறுப்புகளில் உள்ள புற்று நோயைத் துல்லியமாக ஆரம்ப நிலையிலேயே கண்டறிய எண்டோ அல்ட்ரா சோனோகிராபி என்ற கருவி உள்ளது. இதில் ஸ்கேனும் எண்டாஸ்கோப்பியும் இணைந்து செயல்படும்.

புற்று நோய் எந்த அளவில் உள்ளது. பாதிக்கப்பட்ட நபர் அறுவைச் சிகிச்சைக்குத் தகுந்தவர்தானா எனத் தெரிந்துகொள்ளலாம்.

வீடியோ எண்ட்ராஸ்கோப்பி: சிறுகுடல் முழுவதும் நேரடியாகப் பார்த்து புற்று இருந்தால் அதை ஆரம்ப நிலையிலேயே கண்டுபிடித்து சிகிச்சை அளிக்க வீடியோ எண்ட்ராஸ்கோபி உதவுகிறது.

+

வாணிஸ்ரீ சிவகுமார் -

இருபதுகளில் அறிய வேண்டியவை
---------------

டீன் ஏஜ்ஜில் உள்ளவர்கள் அவர்களது இருபதாவது வயதில் சில விஷயங்களை அறிந்து கொள்ள வேண்டியது அவசியமாகிறது.

அதாவது, பள்ளி, கல்லூரியை முடித்து வெளி உலகத்தில் அடியெடுத்து வைக்கும் போது இதுவரை நாம் படித்த பாடங்களையும், நிகழ்பவற்றையும் ஒப்பீடு செய்து பார்க்கும் போது அப்போது தான் நிதர்சனம் புரிய வரும்.
இருபதுகளை சரியாக கடந்தவர்கள் பல சாதனைகளை படைப்பர்.
அவர்களுக்கு உதவும் வகையில் இங்கே சில குறிப்புகள்

நீங்கள் எதுவாக வேண்டும் என்று கனவு கண்டீர்களோ அதனை நிறைவேற்ற உங்கள் முன் உள்ள பாதைகளில் சரியாக பயணிக்க உங்களை தயார்படுத்திக் கொள்ளுங்கள். பாதையே இல்லை என்றால் பாதை அமைத்து பயணிக்க பொறுமையுடன் போராட வேண்டும்.

எனவே, உங்கள் கனவுக்கும், நிகழ்வுக்கும் உள்ள இடைவெளி என்ன என்பதை நீங்கள் அறிந்து கொள்ள வேண்டிய தருணம் இது.

பொய்யிலிருந்து விலகி இருங்கள்

பொய் கூறுவதையும், பொய் பேசுபவர்களையும் விட்டு விலகி இருப்பது மிகவும் முக்கியம். இளமை காலத்தை இனிமையாகக் கழிப்பதற்காக பெற்றோரிடமும், பாதுகாவலர்களிடமும் பொய் கூறுவதை தவிர்க்க வேண்டியது அவசியம் என்பதை உணருங்கள்.

மன்னிப்புக் கேளுங்கள்
ஒரு தவறை செய்து விட்டால், அதற்காக தலையை வாங்கி விட மாட்டார்கள். இது வாழ்க்கை, விளையாட்டு அல்ல. ஒரு தவறு செய்துவிட்டால் விளையாட்டை விட்டு வெளியேற்றிவிடுவது போல வாழ்க்கையில் வெளியேறிவிட மாட்டீர்கள். எனவே, தவறு செய்து விட்டேன். தெரியாமல் செய்து விட்டேன், மன்னித்துக் கொள்ளுங்கள் என்பது போன்ற வார்த்தைகளை தெரிந்து கொள்ளுங்கள்.

எதுவும் நிரந்தரமில்லை
இருபதுகளில் நாம் உற்சாகமாகத் தான் இருப்போம், நமது உடலும் ஆரோக்கியமாக இருக்கும். அதற்காக எப்போதும் விருந்து, கேளிக்கை என்று உணவையும், உறக்கத்தையும் கெடுத்துக் கொண்டால் உடல் நலம் அப்போது ஒன்றும் செய்யாது. வயதாகும் போது பல பிரச்னைகளை எதிர்கொள்ள வேண்டி வரும். எனவே, காற்றுள்ள போதே தூற்றிக் கொள் என்ற பழமொழியை, விருந்து கிடைக்கும் போதே கும்மாளம் போட்டுக் கொள்ள வேண்டும் என்று புரிந்து கொள்ளாமல், உடலை ஆரோக்கியமாக பேணும் வாய்ப்பு கிடைக்கும் போதே அதை சரியாக செய்து விட வேண்டும் என்று நினைவில் கொள்வோம்.

முக்கிய முடிவுகளை எடுக்கும் முன்
முக்கிய முடிவுகளை அதாவது காதலில் விழுவது அல்லது திருமணம் செய்து கொள்வது என்ற முடிவெடுக்கும் போது ஏதோ எளிதான விஷயம் என்று நினைத்து முடிவெடுக்காதீர்கள். காதலில் விழுந்தால் நிறைய விஷயங்களை தியாகம் செய்ய வேண்டி வரலாம். அதிகம் உழைக்க வேண்டி வரலாம். எனவே, எந்த சூழ்நிலைக்கும் உங்களை தயார் படுத்திக் கொண்டு காதலில் விழுவதே சாலச் சிறந்தது.

திருப்பிக் காட்ட வேண்டிய நேரம்
உங்கள் குடும்பம் உங்களுக்கு மிகவும் முக்கியமானது. இதுவரை உங்கள் குடும்பத்தார் உங்களுக்கு அனைத்து ஆதரவையும் அளித்தனர். இது நீங்கள் அவர்களுக்கு திருப்பி செலுத்த வேண்டிய காலம்.

இதுவும் வாழ்க்கையில் சகஜம்தான்
பணியாற்றும் இடங்களில் உங்கள் கடுமையான வேலைக்கு எப்போதும் அங்கீகாரம் கிடைக்கும் என்று நினைக்காதீர்கள். ஒரு நாள் நீங்கள் செய்யும் வேலைக்கு மற்றொருவருக்கு பாராட்டு கிடைக்கலாம். அன்றும் எப்போதும் போலவே உங்கள் வேலையை நீங்கள் செய்வது நல்லது.

இதுபோல பல விஷயங்களை சரியாக செய்து உங்கள் பக்கத்தை நீங்கள் நேர்மையாக வைத்துக் கொண்டால் வாழ்க்கை வசப்படும் உங்கள் வசம்.

நண்பர்கள் வட்டம் சுருங்கலாம்
ஒரு கட்டத்தில் உங்கள் பிறந்த நாள் பார்ட்டியில் உங்கள் அறை நிரம்பி வழிந்திருக்கலாம். உள்ளே வர முடியாமல் கதவின் இடுக்கில் பலர் பல்லியாக ஒட்டிக் கொண்டிருக்கலாம். காரில் செல்ல முடியாமல் தவித்திருக்கலாம்.  ஆனால், இப்போது

உங்கள் நட்பு வட்டம் சுருங்க நேரிடலாம்
அதற்குக் காரணம், நீங்கள் வாழ்க்கை எனும் உள் வட்டத்துக்குள் நுழைந்து விட்டீர்கள் என்று அர்த்தமாகலாம்.
ஆம், இருபதுகளை இழக்கும் வேலையில், உங்கள் உடன் படித்த பல நண்பர்கள் வேறு வேறு திசைகளில் பயணித்து வேறு வேறு பணிகளை ஆக்ரமித்து பிஸியாக இருப்பார்கள். நீங்கள் கூப்பிட்ட உடன் வந்து சேர முடியாமலும் போகலாம்.
பலரும் மணமுடித்து குடும்பம் குட்டி என்று பிஸியாக இருப்பார்கள். சிலருக்கு விருந்துகளில் கலந்து கொள்ள கோடு போடப்பட்டிருக்கலாம்.

எல்லாவற்றையு கடந்து உங்களுடன் சந்திக்காமல் இருந்தாலும் தொடர்பில் இருக்கும் சில நண்பர்கள் எப்போதும் இருந்து கொண்டு தான் இருப்பார்கள்.

எனவே நட்பு வட்டம் சுருங்கலாம்.. அதையும் இளமையின் இறுதியில் நீங்கள் ஏற்றுக் கொள்ள வேண்டியது அவசியம்.


வாணிஸ்ரீ சிவகுமார் -

குடும்பம் செய்வது என்ன?
------------------------

குடும்பம்சாதனைமனிதன்
Iஒரு சொறசொறப்பான பாறையை வழவழப்பானதாக மாற்றுகிறது குடும்பம். குத்தும் முள்ளைக் கூட மணக்கும் மலராக மாற்றிவிடுகிறது குடும்பம்.

ஒரு மகாத்மா உருவானதன் பின்னனியில் அவரது மனைவி கஸ்தூரிபாவின் பல தியாகங்களும், ஒத்துழைப்பும், அர்ப்பணிப்பும் ஒளிந்துள்ளன.

காரல் மார்க்ஸ் உருவாக அவரது மனைவி ஜென்னியும் ஒரு முக்கியக் காரணம்…

எம்.எஸ். சுப்புலட்சுமியின் குரலுக்கு அவரது கணவர் சதாசிவம் ஆதார ஸ்ருதியாக இருந்துள்ளார்.
மேரி க்யூரிக்கு அவரது கணவர்தான் உந்து சக்தி.

இப்படி ஒவ்வொரு துறையிலும் புகழ் பெற்றவர்களின் பின்னணியில் அவர்களது வாழ்க்கை துணைகள் நிச்சயம் இடம் பெறுவார்கள்.

ஒருவன் குடும்பத்தில் வெற்றி பெறாமல், வெளியே பல சாதனைகள் புரிந்து என்ன பயன். ஏன் என்றால், ஒருவன் தான் பெறும் விருதுகளால் அடையும் சந்தோஷத்தை விட, தனது உறவுகளும், சொந்தங்களும் அதனை கொண்டாடும் போதுதான் அதிக மகிழ்ச்சி அடைகிறான்.

இமயத்தை வென்று மகத்தான சாதனை படைக்கும் முன், ஒவ்வொருவரும் குடும்பத்தினரின் இதயங்களை வென்று மகுடம் சூட்டிக் கொள்வது அவசியமாகும்.


வாணிஸ்ரீ சிவகுமார் -

நம்பிக்கை, அவநம்பிக்கை, மூடநம்பிக்கை, நம்பிக்கை துரோகம்!
-------------------------

‘உடும்புப் பிடி’ … ‘சிக்’ எனப் பற்றுதல் என்று ஒரு சொலவடை நம் வழக்கில் உண்டு. அதாவது ஒன்றைப் பற்றினோம் என்றால், அதனை உறுதியாகப் பற்றுதல், கை நழுவி விடாத அளவுக்கு கண்மூடித்தனமாகப் பற்றுதல் என்று கொள்ளலாம்.
இன்னும் குரங்குப்பிடி, பூனைப்பிடி என்றெல்லாம் சில பிடிகள் உண்டு. வைணவ மார்க்கத்தில் இரு வழிகளை அவ்வாறு சொல்வார்கள். ஆனால் இங்கே எனக்குத் தோன்றிய ஒரு பிடி, கைப்பிடி!
கைப்பிடி என்றால், நம் கை பிடிக்கும் பிடி அல்ல, மாறாக நம் கையைப் பிடிக்கும் பிடி!
ஒரு சிறுவன். தன் தாயுடன் ஆற்றின் கரையில் நின்றிருந்தான். ஆற்றைக் கடக்க வேண்டும். தண்ணீர் சலசலத்து ஓடிக் கொண்டிருந்தது.

அப்போது அவனது தாய் சொன்னார்.. “என்னுடைய கையை அழுத்தமாகப் பிடித்துக் கொள் மகனே…”
அந்தப் பையன் பதிலளித்தான்… “வேண்டாம் அம்மா. நீங்கள் என் கையைப் பிடித்துக் கொள்ளுங்கள்”
அதற்கு அவனது தாய் கேட்டார்…. “ஏன்? இரண்டுக்கும் என்ன பெரிய வித்தியாசம்?” என்று!
அதற்கு மகன் பதில் சொன்னான்… “நான் உங்கள் கையைப் பிடித்துக் கொண்டு ஆற்றைக் கடந்து செல்லும்போது… எனக்கு எது வேண்டுமானாலும் நடக்கலாம். அப்போது

உங்கள் கையை விட்டு விட வேண்டிய சூழல் ஏற்பட்டு விடலாம். ஆனால்… நீங்கள் என் கையைப் பிடித்திருந்தால்… அம்மா எனக்கு நன்றாகத் தெரியும்… நீங்கள் எந்தச் சூழலிலும் என் கையை நழுவ விடமாட்டீர்கள்!” என்றான்!
இதுதான் தாய்ப்பாசத்தைக் காட்டும் கைப்பிடி. இந்தக் கைப்பிடியில், மனசின் பிடியும் வெளிப்படுகிறது. அதாவது, தன் தாயின் மீதான நம்பிக்கை. பிடிப்பு. பற்று எல்லாம்தான்!
இப்படித்தான் உறவு முறைகளின் மீதான பிடிப்பும்!

கணவன் மனைவியிடையேயான பிடி இப்படி இருந்தால், எப்போதும் அங்கே பிரிவுக்கு வழியிருக்காது. காரணம் அது மனசின் மீதான பிடிப்பு.
பொதுவாக தன் பெண் குறித்தான வார்த்தைப் பரிமாறலில் பெற்றோர் சொல்லும் சொல்வழக்கு… “இவளை ஒருத்தன் கையில் பிடித்துக் கொடுத்துட்டா கொஞ்சம் நிம்மதியா இருப்பேன்” என்பது. இந்தக் கைப்பிடித்தல்தான், வாழ்க்கையின் கடைப்பிடித்தல். இது ஒருவருக்கு ஒருவர் மீதான நம்பிக்கையின் பிடிப்பைக் காட்டுவது.
இந்த நம்பிக்கைப் பிடி எப்படி இருக்க வேண்டும் என்றால், ஒருவர் மீது நாம் நம்பிக்கை வைத்துவிட்டால் அந்த நம்பிக்கைக்கு சிதைவு வராமல், சிக்கெனப் பிடித்தல்.
வள்ளுவரின் வாக்கு நினைவுக்கு வரும்.. தேரான் தெளிவும் தெளிந்தான் கண் ஐயுறவும் தீரா இடும்பைத் தரும் என்பது…

நட்பும் சரி, காதலும் சரி… இது நம்பிக்கைக்கு உரியது என்று தெளிந்து நட்பை மேற்கொள்ள வேண்டும். பின்னர் அதில் எழும் ஐயமானது, தீர்க்கவியலா துன்பத்தையே தரும்.
தலைவன் மீது தொண்டன் வைக்கும் நம்பிக்கை, ஒரு நிறுவனத்தில் தலைமை மீது அடுத்த நிலையில் உள்ளோர் வைக்கும் நம்பிக்கை எல்லாம் இத்தகையதாக இருந்தால்,
அது நிச்சயம் நலம் பயக்கும்.

நெப்போலியன் இட்ட கட்டளைகளை கண்மூடித்தனமாக அப்படியே ஏற்று, அவன் மீது நம்பிக்கை வைத்து படைகள் சென்றன. வெற்றி கனிந்தது. ரஷ்யா மீதான படை எடுப்புக் காலத்தில் ஒவ்வொருவர் கருத்தாக மாறி மாறிப் புகுந்து, தாமதம் ஏற்பட்டு, சரியான நேரம் தவறி, மழைக்காலத்தில் போய் மாட்டிக் கொண்டதால்… தோல்வியைத் தழுவினான் நெப்போலியன்.

அலெக்ஸாண்டரின் வரலாறும் இதையே சொல்லும். பாரத நாட்டின் மீதான படையெடுப்பு அலெக்ஸாண்டருக்கு கனியாமல் போனதும் இதனால்தான்.
“சுடு’ என்று சொன்னவுடனேயே யாரைச் சுடுகிறோம் என்று பார்க்காமலே சுடுகின்ற படைகள்தாம் நாட்டுக்கு வெற்றியைத் தேடித் தந்திருக்கின்றன. அந்த நேரத்தில் படைகள் பகுத்தறிவை உபயோகிக்கத் தொடங்கினால்… பகுத்தறிவு மிஞ்சும்… நாடு மிஞ்சாது!

இதுவும் ஒரு கண்மூடித்தனமான நம்பிக்கைதான். ஆனால், வெற்றியைத் தரும் நம்பிக்கை.
போர்க்களத்தில் தன் எதிரில் நிற்பவர்கள் எல்லோருமே ஒரு வகையில் உறவினர்கள். பாசமும் நேசமும் மிக்க உறவினர்கள், நண்பர்களை போர்க் களத்தில் எதிர்த்து நின்றபோது, போரில் பெரிதும் தயக்கம் காட்டினான் அர்ஜுனன். அவனைப் பார்த்துக் கண்ணன் சொன்னான்… “போர்’ என்று வந்த பின் உறவினர்கள் என்ற ஆராய்ச்சி வெற்றிக்கு உதவாது’ என்று.
இறுதியில், கண்ணன் மீது கண்மூடித்தனமான நம்பிக்கை வைத்து அர்ஜுனன் காண்டீபத்தைத் தூக்கினான். போரின் முடிவு வெற்றியாகக் கனிந்தது.
இதில் கடவுள் நம்பிக்கை என்ற கருத்துக்குள் புக விரும்பவில்லை. ஆனால், முதலில் சொன்ன தாய் – மகன் உரையாடலின் நம்பிக்கை அடிப்படையில், குரங்குப் பிடியும், பூனைப் பிடியும் உள்ளது என்று கூறியிருந்தேன் அல்லவா..? அதன் உள்ளர்த்தம் என்ன? தெரிந்து கொள்ள வேண்டாமா?

மர்க்கட நியாய, மார்ஜர நியாய என இரு நியாயங்கள் உண்டு. தர்க்க சாஸ்திரம் இதனைக் காட்டும்.
வைணவத்தில் இரு வேறு வழிகளை பெரியவர்கள் காட்டியிருக்கிறார்கள். இவை இரண்டும் இரு வேறு நம்பிக்கைகளின் அடிப்படையில் பிறந்தவை. மேலே சொன்ன தாய் – மகன் உரையாடலைப் போல!
பிடி- யார் பிடிக்கிறார்கள் என்பதுதான் இந்த வித்தியாசத்தை உணர்த்துகின்றது.

குரங்கு மரத்தை விட்டு மரம் தாவிக் கொண்டே இருக்கும். குரங்கு செல்லும் வழியெல்லாம் அதன் குட்டியும் செல்ல வேண்டும். குரங்கு அளவுக்கு அதன் குட்டிக்கு வலு இருக்காது. பாதுகாப்பாய் வளர வேண்டும். என்ன வழி?
அதனால்தான், குரங்குக் குட்டி தனது தாயை இறுகக் கட்டிப்பிடித்துக் கொள்ளும். எவ்வளவு உயரத்தில் இருந்தும் குரங்கு கீழே குதித்தாலோ அல்லது மரம் அல்லது மதில் மேல் தாவி ஏறினாலோ… குரங்குக் குட்டி தாயின் பிடியில் இருந்து கீழே விழுவது மிக மிக அரிதான ஒரு செயலாகவே இருக்கும்.
தமிழில் இறைவன் மீது பக்தி செலுத்தும் பக்தர்களை இவர்களில் ஒரு வகையினராகப் பிரிப்பர். குரங்கைப் போன்ற பக்தர்கள் தாமாகவே சென்று இறைவனை சிக்கெனப் பிடித்துக் கொள்வர். இதை வைத்தே தமிழில் ‘குரங்குப் பிடி’ என்ற சொல்லாட்சி உருவானது.
அடுத்தது பூனை. குட்டி போட்ட பின்னர், தாய்ப் பூனை இடம் விட்டு இடம் போனால், பூனையின் குட்டியை தானே வாயில் கவ்விக் கொண்டு போகும். குட்டிகளோ வெறுமனே இயக்கம் இன்றி சடப் பொருளாய் இருக்கும். அதாவது எல்லாப் பொறுப்புகளையும் தாய்ப் பூனையிடமே விட்டுவிட்டு தாயே பார்த்துக் கொள்ளட்டும் என்று இருந்துவிடும். இது அடுத்த வகை பக்தர்களுக்கு எடுத்துக்காட்டு. அதாவது, தாமே சென்று கடவுளை சிக்கெனப் பிடித்தல், குரங்கைப் போன்ற பக்தர்களின் வகை. தேமே என்று, கடவுள் விட்ட வழியாக கடவுளைச் சரண் அடைந்து இருப்பது பூனையின் வகை!

இது வைணவத்தில் கூறப்படும் பக்தர்களின் வகை விளக்கம் என்றால், சைவத்தில், அப்பர் பெருமான் பக்தர்களை ஏணி என்றும் தோணி என்றும் இரு வகையாகப் பிரிக்கிறார்.
ஏணி- தாமாக மேலே ஏற முயற்சி செய்பவர்களை மேலே ஏற்றி விடும். ஏணியில் ஏறும் நாம்தான் எச்சரிக்கை உணர்வுடன் நடந்து கொள்ள வேண்டும்.
தோணி என்பதில் – படகில் ஏறிவிட்டால், படகோட்டியே நம்மை இக்கரையில் இருந்து அக்கரைக்குக் கொண்டு செல்லுவான். நாம் வெறுமனே தோணியில் அமர்ந்திருந்தால் போதும். அதாவது இறைவனைச் சரணடைந்து, நீயே என்னை அக்கரைக்குக் கொண்டு செல் என்று பொறுப்பை ஒப்படைத்து விட்டு இருப்பது.
இவை இரண்டுமே நம்பிக்கையின் அடிப்படையிலான இரு வகைகள். இரண்டிலுமே, காத்தலும் காக்கப்படுதலும் உறுதி செய்யப் படுகிறது.

ஆனால்… நம்பிக்கையின்மை என்பது, இதற்கு முற்றிலும் நேர் மாறானது.
நம்பிக்கையின்மையின் முதல் படி, ஒருவர் மீது நாம் கொள்ளும் சந்தேகம், ஐயம் எல்லாம்தான்! இதற்கு மனமே காரணம். மனமே நம் நடத்தையைத் தீர்மானிக்கிறது.
அவநம்பிக்கை என்ற சொல்லும் இதில் உருவானதுதான்!
நம்பிக்கை, அவநம்பிக்கை, மூடநம்பிக்கை என்றெல்லாம் சொல்லும்போது… நம்பிக்கையைத் தகர்த்தல் எனும் சொல்லுக்கு நாம் பொதுவில் கையாள்வது – நம்பிக்கைத் துரோகம் என்பது.
இந்த ஒரு செயலால், எத்தனையோ வெற்றிகள் பறிக்கப் பட்டிருக்கின்றன. நம் வரலாற்றில் திருப்பிப் பார்த்தால்… உடன் இருந்து பாதகம் செய்யும் நம்பிக்கைத் துரோகிகளால்தான் பல மன்னர்கள் எதிராளியிடம் தோற்று, தங்கள் மணி முடிகளை இழந்திருக்கிறார்கள்.

இதை வைத்தே தமிழ் இலக்கியங்கள், நம்பிக்கைத் துரோகத்தை ஒரு பொருளாகக் கொண்டு பல பாடல்களில் பேசுகின்றன.
திருக்குறளில் வள்ளுவர் ஓர் அதிகாரத்தையே வைத்தார். அகமும் புறமும் நம்பிக்கை இன்மையையும் நம்பிக்கைத் துரோகத்தையும் பல இடங்களில் பேசுகின்றன.

தலைவன் – தலைவி மீதான காதல் அவ நம்பிக்கை, அரசன், நட்பு மீதான நம்பிக்கை துரோகம் என!
ஆற்றில் செல்லும்போது தோணியில் ஒரே ஒரு ஓட்டை விழுந்தால்… தோணியில் உள்ள அனைவருமே நட்டாற்றில் மூழ்கி நல்லுயிரை இழக்க நேரும்.
ஏற்றி விட்ட ஏணியை எட்டி உதைப்பவர் என்று ஒரு சொலவடை உண்டு. அதனை ஏறி வந்த ஏணியை எட்டி உதைத்தாற்போல் எனக் கொள்ளலாம்.
இந்தப் பழமொழியை அமைத்து ஒரு அருமையான பாடலை பழமொழி நானூறு(136) காட்டுகிறது.
எயப்புழி வைப்போம் எனப்போற்றப் பட்டவர்
உற்றுழி ஒன்றுக் குதவலர் பைத்தொடீஇ
அச்சிடை யிட்டுத் திரியின் அதுவன்றோ

மச்சேற்றி ஏணி களைவு.
வளையல் அணிந்த பெண்ணே! நமக்கு தளர்வு உண்டாகும் காலத்தில், பெரிய செல்வத்தைப் போன்று கைகொடுத்து உதவுவர் என நினைத்து நம்மால் விரும்பி நட்பு கொள்ளப் பட்டவர், நமக்கு ஒரு துன்பம் வந்த போது, சிறிதும் உதவாதவர் ஆகி, அச்சம் காரணமாக நமக்கு உதவாமல் போனால், அது ஒருவனை மச்சின் மீது ஏற்றி விட்டு ஏணியை எடுத்துவிடுகிற செயல் ஆகும் – என்பது இதன் பொருள். இதன் பழமொழி – மச்சு ஏற்றி ஏணி களைவு.
இதைப் போல் இன்னொரு பாடலில் பேதையாருடன் கொள்ளும் நட்பு குறித்து பழமொழி நானூறு (138) பேசுகிறது.
இடையீ டுடையார் இவரவரோ டென்று
தலையாயார் ஆராய்ந்தும் காணார் – கடையாயர்
முன்னின்று கூறும் குறளை தெரிதலால்
பின்இன்னா பேதையார் நட்பு.
தம் நண்பர் மீது பிறர் கோள் சொன்னால், கோள் கூறும் அந்த நபர், நண்பருடன் பகைமை கொண்டவர் என்பதை அறிந்து கொண்டு, அவர் கூறியவற்றை ஆராய்ந்து, நண்பர் மீது குற்றம் காணமாட்டார். அவரே தலைசிறந்தவர். மாறாக, தம் நண்பர் மீது மற்றவர் வந்து கூறும் கோள் சொற்களை உண்மையாகவே எண்ணி, நண்பர் மீது பகைமை கொள்பவர் கீழானவரே. எனவே, பேதையாரின் நட்பு, பின்னர் நமக்குத் துன்பம் தருவதாகவே அமையும்.
இந்தப் பாடலில், பின் இன்னா பேதையார் நட்பு என்பது பழமொழியாக வந்து அறிவுரை காட்டும்.
இப்போது, நம்பிக்கை, நம்பிக்கையின்மை, நம்பிக்கைத் துரோகம் இவற்றுக்கிடையேயான வேற்றுமையை உணர்ந்து நட்புக் கொள்தல், நலம் சார்ந்த வாழ்க்கைக்கான நல்வழி!



செங்கோட்டை ஸ்ரீராம்

கல்யாண மண்டபத்தின் பக்கத்தில் வீடு : சாதக பாதகங்கள்!
--------------------

நகைச்சுவை கட்டுரை


* ”ஓ இன்னிக்கி முஹூர்த்த நாள் போல்ருக்கே” என்று பஞ்சாங்கம் டாட் காம் பார்க்காமலேயே தெரிஞ்சுக்கலாம்.
* ஒரு டைல்ஸையோ செங்கலையோ அல்லது வீட்டில் வீணாய்க் கிடக்கும் ஒரு tablet/I pad ஐயோ கிஃப்டு ராப் பண்ணிண்டு லேஸா ஐலனர் மட்டும் போட்டுண்டு சுமாரான சில்க் காட்டன் புடவையை உடுத்திண்டு கார்த்தால சிரிச்ச முகத்துடன் போனா, சுடச்சுட டிஃபன் காஃபி எல்லாம் மொக்கிட்டு வந்துடலாம். யார் கல்யாணமா இருந்தா நமக்கென்ன? ரிஸப்ஷன் கூட்டத்தில் ஒருத்தரும் கவனிக்க மாட்டா என்ற தைரியம் இருந்தால் ராத்திரி டின்னர் பண்ற வேலை மிச்சம். குலாப் ஜாமூனுடன் பதர்பேணியும் கிடைச்ச த்ருப்தி இருக்கும்.

*அர்த்த ராத்திரி 11.20க்கு அபஸ்வரமாக காற்றில் சம்பந்தமேயில்லாமல் “நடந்த நாள் மறக்கவே நடக்கும் நாள் சிறக்கவே …….சொர்க்கம் மதுவிலே சொக்கும் அழகிலே” என்று பாட்டு கேட்கலாம்! இப்படி கேட்கறதால நீங்க சூப்பர் சிங்கர் ஜட்ஜாக ப்ரமோட் பண்ணப்படும் அளவுக்கு சங்கீதத்தில் தேர்ச்சி அடைய வாய்ப்புக்கள் நிறைய இருக்கு

* காசி யாத்திரைக்கும் மாப்பிள்ளை மண்டபத்தின் வெளியே வரும்போது இப்போ கரண்ட் ட்ரெண்ட் என்ன? என்ன மாதிரி புடவை ஃபேஷனில் இருக்கு? பிளவுஸ் எப்படி? சில்க் காட்டனா கல்யாணி காட்டனா காஞ்சிவரமா போச்சம்பள்ளியா? நகை நட்டு எப்படி? பழைய புடவையையே பாலீஷ் போட்டுருக்காளா இல்லே ரோல் ப்ரஸ் பண்ணியிருக்காளா போன்ற துல்லியமான ஆராய்ச்சிகள் மேற்கொண்டு நம்மை நாமே தட்டிக்கொடுத்துக் கொள்ளலாம்.

* சாயந்திரம் ஆனா பேண்டு வாத்திய கோஷ்டிக்காரா ரொம்ப உயிரை வாங்குவா. பேம் பேம்ன்னு அஞ்சு மீட்டர் அகலமான பிரஷ்ஷால் கோடு போடுவது மாதிரியான ஒலி அலைகளை எழுப்பி, ட்ரம்பெட்டின் (இ)ஓசையில் சத்தியமா எந்தப்பாட்டுன்னு கண்டே பிடிக்க முடியாது.
*அதுல பாருங்கோ மொபைல் பேண்டுன்னா தப்பிச்சேள். அக்கம் பக்கம் பதினெட்டுப் பட்டியும் டார்ச்சர் பண்ணறதுக்கு கிளம்பிப் போயிடுவா. ஸ்டாட்டிக் பேண்டுன்னா நம்ம தலைமாட்டுல வாசிச்சே கொடுமைப் படுத்தி பிராணனை வாங்கிடுவா.

*பெரிய இடத்துக் கல்யாணம்ன்னா ஒன் லாக் வாலா வெடியும் விடுவா.. ஒன் க்ரோர்வாலா வெடியும் விடுவா.. ஒரு பயல் கேள்வி கேட்க முடியாது! ”என்ன தொல்லையிது?” ன்னு தலையில அடிச்சுக்கத்தான் முடியும்.
* சில சமயம் பப்ளிக் ந்யூஸென்ஸ் ஓவராக இருந்தால் விஜய்யோ அஜித்தோ சூர்யாவோ நமிதாவோ அஞ்சலியோ ரிஸப்ஷனில் வந்து ரெண்டு நிமிடம் உட்காருவார்கள் என்பதை அறிக! அப்போது பாடிக்கொண்டிருக்கும் லைட் மீஜிக் சிங்கரின் முகம் இஞ்சி தின்ன குரங்கு மாதிரி போகும் என்பதையும் அறிக.(பின்னே? பூராப்பயலும் ஈரோ ஈரோயினியைத்தானே கவனிப்பாங்க?)

* சில மிகவும் ஹை ப்ரொஃபைல் கல்யாணங்களில் பேண்டு வாத்தியம் , நாதஸ்வரக் கச்சேரி, குத்துடான்ஸு மீஜிக் ட்ரூப்பு மூணு கோஷ்டியையும் கூட்டி வைச்சுண்டு வாசிக்கக் சொல்லுவாளா, வாசிக்கறவாளும் கன்பீஸ் ஆகி, கேக்கறவாளும் கன்பீஸ் ஆகி மண்டையை பிய்ச்சுண்டு ஆணியே புடுங்க வாண்டாம்ன்னு கல்யாணத்துலேந்து துண்டைக்காணோம் துணியைக்காணொம்ன்னு ஓட்டம் பிடிப்பா.

கட்டுரை: அனன்யா மகாதேவன் 


செங்கோட்டை ஸ்ரீராம் - பத்திரிகையாளர், எழுத்தாளர்

காதல் என்றால் என்ன?: 6 வயதுச் சிறுமியின் விளக்கம்
---------------------


இணையதளத்தில் 6 வயதுக் குழந்தையின் கையெழுத்துடன் கூடிய கடிதமாக பிரபலமாகி வருகிறது செய்தி.

காதல் என்றால் என்ன?

இந்தக் கேள்விக்கு எத்தனையோ பேர் தங்களின் பதில்களை ஒவ்வொரு விதத்தில் வெளிப்படுத்துகிறார்கள். சிலர் தத்துவ ரீதியாக விளக்கங்களையும் அளிக்கிறார்கள். ஆனால், 6 வயதுக் குழந்தை கூறும் தத்துவம் என்ற வகையில், குழந்தைத்தனம் மாறாத கையெழுத்துடன் ஒரு விளக்கம் இணையதளத்தில் உலா வருகிறது.

அந்தக் கடிதத்தை வெளியிட்டு, உங்கள் குழந்தைகளின் சுட்டித்தன எழுத்தை எங்களுக்கு போஸ்ட் செய்யுங்கள் என்ற ரீதியில் விளம்பரங்களும் தலைதூக்கியுள்ளன.
ஒரு இணையதளத்தில் வெளியான தகவல் இது…

இன்றைய நாளின் சுட்டித்தனமான ஆசிரியர், மனித உறவுகள் குறித்து விளக்குகிறார்:
தலைப்பு: “காதல் என்றால் என்ன?”
ஆசிரியர்: எம்மா.கே
வயது: 6
சிறிய பகிர்வு: தேனொழுகப் பேசுவதில்லை ஆனால் கவரும் வகையில்!
நிறுத்தல்குறி குறித்து: உங்களுடைய (your), என்பதற்கும் நீங்கள் (you’ re) என்பதற்குமான வித்தியாசத்தை நிறுத்தல் குறி மூலம் இணையத்தில் வழங்கி புகழடைந்திருப்பது
அடுத்த நடவடிக்கை: இளைய காதல் தத்துவாதிகளின் குழுவைக் கூட்டுவது!
சொல்லும் தத்துவம்: காதல் என்றால் என்ன?
நீங்கள் உங்களுடைய பற்களில் சிலவற்றை இழந்தாலும் கூட, நீங்கள் சிரிப்பதற்கு தயங்காமல் இருப்பது…காரணம், உங்களில் சிலவற்றை இழந்த அப்போதும் கூட உங்கள் நட்பு உங்களை நேசிக்கும் என்பதை நீங்கள் அறிந்திருப்பீர்கள். அதனால் சிரிக்க பயப்படமாட்டீர்கள்”

- இப்படி, காகிதம் ஒன்றில் கையால் எழுதப்பட்டுள்ளது. அந்தக் காகிதத்தில் ‘காதல் என்றால் என்ன?’ என்று ஆங்கிலத்தில் கேள்வியும், அதன் கீழே எம்மா.கே, வயது 6 எனவும் குறிப்பிடப்பட்டுள்ளது.

தத்துவ முத்தின் கீழே கடைசியில், இதயக் குறியீடு வரையப் பட்டுள்ளது. கடந்த இரு வருடங்களாக இணையத்தில் பலராலும் விரும்பி படிக்கப்பட்டு வருகிறது இந்தப் பக்கம்..



செங்கோட்டை ஸ்ரீராம் - பத்திரிகையாளர், எழுத்தாளர்

உலகின் முதல் உழவன்
--------------------

உழவர் திருநாள் கொண்டாடும் நாம், உலகின் முதல் உழவனைப் பற்றித் தெரிந்துகொள்ள வேண்டாமா?

நம் புராண இதிகாசங்களில் பூமிக்கு ப்ருத்வி என்னும் பெயர் கூறப்படும். இந்தப் பெயர் வந்ததற்கும் முதல் உழவனுக்கும் தொடர்பு உண்டு.

ஸ்ரீமத் பாகவதத்தில் வேனன் என்ற அரசனைப் பற்றி பேசப்படுகிறது. வேனன் மிகக் கொடூரமானவனாக இருந்தான். அவனது கொடுங்கோன்மை தாளாத மக்கள், ஒன்று திரண்டு அவனைக் கொன்றனர். அந்நேரம் இறைவன் அசரீரி வாக்காகக் கூறியதை வைத்து, வேனனின் தொடையைக் கடைந்தனர். அப்போது விஷ்ணுவின் அம்சமாக ப்ருது தோன்றினார். மக்கள் மகிழ்ச்சியுடன் ப்ருதுவை அரியணையில் அமர்த்தினர். வறண்ட பூமி, நீர்ப் பற்றாக்குறை, பஞ்சம் ஆகியவற்றால் மக்கள் மிகவும் அவதிப்பட் ட மக்கள், தங்கள் குறைகளைத் தீர்க்குமாறு ப்ருதுவிடம் வேண்டினர்.

புராண, வேத, இதிகாசங்களில் சொல்லப்பட்டது என்னவென்றால், அப்போது, நிலம் உழப்படாமலேயே பலவித உணவுப் பயிர்களை உற்பத்தி செய்தது. ஆனால், அதுவும் வேனனின் ஆட்சியில் தடைப்பட்டிருந்தது. இந்நிலையில், மக்களின் பசியைப் போக்க, ப்ருது மன்னர், பூமியை வேண்டினார். “வில்லின் நுனியால் என்னை உழுது சமன் படுத்து; பாறைகளை உடைத்து, நீர்ப் பாய்ச்சலுக்குத் தடையாக இருக்கும் குன்றுகளை வில்லின் உதவியால் நிமிர்த்து; ஸரஸ்வதி நதியின் நீர் பெருகிப் பாயும்” என்று பூமித்தாய் அறிவுரை நல்கினார். ப்ருது நிலத்தை உழுதான். பயிர்கள் செழித்து வளர்ந்தன. முதலில் விளைந்த பயிர்களை இந்திரனுக்கு அர்ப்பணம் செய்து வேதமந்திரங்களால் தேவதைகளை அழைத்து அவர்களுக்கு உண்டான ஹவிஸ்ஸை அளித்தான். உடனே, மழை பொழிய ஆரம்பித்தது. எனவே, உழவுத் தொழிலின் தந்தை, முதல் உழவன் “ப்ருது’வே என நம் நாட்டின் பாரம்பரிய நூலில் இருந்து அறிகிறோம். இதனாலேயே பூமிக்கு ப்ருத்வி என்ற பெயர் வழங்கப்பட்டது.

ப்ருதுவின் தோற்றம் ஏற்படும்வரை, உழவுத் தொழிலை அறியாத அக்கால மக்கள், காடுகளை எரித்து சாம்பலை மணற் பரப்பில் தூவி விடுவார்கள். பருவம் வந்ததும் வேண்டிய விதைகளைத் தெளிப்பார்கள். பின் சாகுபடி செய்து பழம், கிழங்குகளை உண்டு வந்ததாக வேதங்கள் கூறுகின்றன. ஆனால் அதிக நீர்த் தேக்கத்தாலும், நீர்ப் பற்றாக்குறையாலும் பயிர்கள் நன்கு விளையவில்லை. பெரும் பாறைகளும், கரடுமுரடான நிலமும், குன்றுகளும் மக்களுக்கு உணவு கிடைப்பதைத் தடை செய்து கொண்டிருந்தன. ப்ருதுதான் தன் முயற்சியினாலும், பகவானின் அருளாலும் வில்லையே கலப்பையாகக் கொண்டு உழுது நிலத்தை சமன் செய்து பயிர் செழித்து வளர வழிகள் கண்டு பிடித்தான்.



செங்கோட்டை ஸ்ரீராம் - பத்திரிகையாளர், எழுத்தாளர்

எளிமையான வாழ்க்கைக்கு குழந்தைகளைத் தயார்படுத்துங்கள்
-----------------

வளர்ந்து வரும் நுகர்வோர் கலாசாரத்திலிருந்து எதிர்கால சந்ததியினரைக் காப்பாற்ற எளிமையான வாழ்க்கைக்கு குழந்தைகளைத் தயார்படுத்தும் பணியில் பெற்றோர்கள் ஈடுபட வேண்டும் என பல்வேறு உயர் பதவிகளை வகித்தவரும், ஐஏஎஸ் அதிகாரியுமான வெ.இறையன்பு தெரிவித்துள்ளார்.

இவர் குழந்தைகளை வளர்க்கும் விதம் குறித்து பெற்றோருக்கு ஒரு நல்ல அறிவுரையைக் கூறியுள்ளார்.
அதனை தேடி எடுத்து தற்போது உங்களுக்காக பதிவு செய்துள்ளோம்…

அவர் கூறியவற்றில், உலகம் முழுவதும் நுகர்வோர் கலாசாரம் அதிகரித்து வருகிறது. தேவைக்கு அதிகமாக வாங்கும் எண்ணம் மக்களிடையே அதிகரித்து வருகிறது. நாற்பது ஆண்டுகளுக்கு முன்பு இரண்டு சைக்கிள்கள் வைத்திருந்தால் அவர் பணக்காரர். ஒரு கிராமத்தில் ஒருவர் மோட்டார் சைக்கிள் வைத்திருப்பார். நான்கு வேட்டி, சட்டைகள் வைத்திருந்தால் அவர் வசதியானவர் என அர்த்தம்.  விவசாயத்தைத் தவிர வேறு வேலைவாய்ப்புகள் அப்போது இல்லை.  ஆனால், இன்றைய நிலை என்ன?  ஓட்டுநர் வேலைக்கு மட்டும் 2 லட்சம் பேர் தேவைப்படுகிறார்கள். இதற்குக் காரணம் தொழில் புரட்சிதான்.

கடன் அட்டை வேண்டாம்: முன்பு மூன்று அல்லது நான்குவகை சோப்புகள் இருந்த காலம் போய் இன்று ஐநூறுக்கும் மேற்பட்ட சோப்பு வகைகள் வந்துவிட்டன. நட்சத்திர விடுதிகளில் மட்டுமே கிடைத்து வந்த வட இந்திய உணவு வகைகள் இப்போது வீதிதோறும் கிடைக்கின்றன.

தேவையை அதிகப்படுத்துவதும், அதனைக் குழந்தைகள் மூலம் புகுத்துவதும் விளம்பர உத்தியாக பன்னாட்டு நிறுவனங்கள் கடைப்பிடிக்கின்றன. பணம் இல்லாவிட்டாலும் வாங்கலாம் என்பதற்கு கடன் அட்டைகள் வந்துவிட்டன.  பணம் வைத்திருக்கும் ஒருவன் ஆயிரம் ரூபாய்க்கு பொருள்களை வாங்குகிறான் என்றால் அவனே கடன் அட்டை வைத்திருந்தால் ஐந்தாயிரம் ரூபாய்க்கு பொருள்களை வாங்கிக் குவிக்கும் நுகர்வு கலாசாரம் அதிகரித்து வருகிறது.
கையில் காசில்லாத நாம் எதற்கு கடன்வாங்கி பொருள்களை வாங்க வேண்டும் என்பதைச் சிந்திக்க வேண்டும்.

பொருளாதார வளர்ச்சியில் உச்சத்தில் உள்ள சீனா, ஜப்பான் நாடுகளில் கடன் இல்லை என்பதை நாம் தெரிந்து கொள்ள வேண்டும்.  பணம் என்பது அச்சடிக்கப்பட்ட சுதந்திரம் என்றார் மேல்நாட்டு அறிஞர். ஆனால் அது உண்மையல்ல. பணம் வைத்திருப்பவர்கள் சுதந்திரத்தை இழந்து வருகிறார்கள் என்பதே உண்மை. பணக்காரர்கள் வங்கிக் கணக்குப் புத்தகங்களில் மட்டுமே பணத்தைப் பார்க்கிறார்கள்.

எளிமையான வாழ்க்கைக்கு தயார்படுத்துங்கள்:
நுகர்வுக் கலாசாரம் வேகமாக வளர்வதற்கு காரணமே பேராசைதான். பொருள்களை வாங்கிக் குவிப்பது என்பதே ஒருவிதமான போதைதான்.  எனவே, குழந்தைகளை எதற்கும் ஆசைப்படாமல் வளர்க்க வேண்டும். எளிமையான வாழ்க்கை முறைகளுக்குப் பழக்கப்படுத்த வேண்டும். ஆடம்பர வாழ்க்கைக்கு ஆட்படாமல் பாதுகாக்க வேண்டும்.

சிறுதானியங்களை உட்கொள்ள பழக்கப்படுத்த வேண்டும். பயனுள்ள வாழ்க்கை முறைகளை கற்றுத் தரவேண்டும். அடுத்தவர் பணத்திற்கு ஆசைப்படாமல் இருக்க அறிவுறுத்த வேண்டும். சுற்றுச்சூழலுக்குப் பங்கம் விளைவிக்காத பழக்கங்களைக் கற்றுக்கொள்ள வேண்டும். இதனை பெற்றோர்கள் ஒரு கடமையாகச் செய்ய வேண்டும். பிறகு அவர்களை யாரும் ஏமாற்ற முடியாது.

இதுவே நுகர்வோர் கலாசாரத்திலிருந்து நம் சந்ததிகளைக் காப்பாற்ற நாம் செய்ய வேண்டிய கடமைகள் ஆகும் என்கிறார் இறையன்பு.

இதனை பின்பற்றி நாமும் குழந்தைகளை எளிமையாக, அதே சமயம் மன வலிமையோடு, நல்ல பழக்க வழக்கங்களை பின்பற்றி வாழ வைப்போம். வாழ்ந்து காட்டுவோம்.



வாணிஸ்ரீ சிவகுமார்

ரத்த சோகைக்கு விடை கொடுப்போம்.. உற்சாகமாக வாழ்வோம்
--------------

சமூக ரீதியாக, உளவியல் ரீதியாக பெண்கள் அன்றாடம் சந்திக்கும் பிரச்னைகள் ஏராளம். இதில் உடல் ரீதியான பிரச்னையும் சேர்ந்து கொள்கிறது. குடும்பத்துக்காக உழைக்கும் பெண்களில் பலர் தங்களது உடல் ஆரோக்கியத்தில் அக்கறை செலுத்துவதே இல்லை. இதனால் விரைவில் உடல் நலம் குன்றி நோய்த் தாக்குதலுக்கு ஆளாகின்றனர்.

இந்தியப் பெண்கள் அதிகம் பாதிக்கப்படும் நோய்களில் ரத்த சோகைக்கு தான் முதலிடம். ரத்தசோகைக்கு முக்கிய காரணம் சத்துக்குறைவுதான். குறிப்பாக இரும்புச் சத்து குறைவால் ரத்தத்தில் சிவப்பணுக்களின் எண்ணிக்கை குறைந்து ரத்தசோகை ஏற்படுகிறது.  இளம் பெண்கள், கர்ப்பிணிகள், குழந்தைகள் என அனைவரையும் இந்நோய் தாக்குகிறது.

இந்தியாவைப் பொருத்தவரை சுமார் 68 சதவீதம் பெண்கள் இந்நோயினால் பாதிக்கப்பட்டுள்ளனர்.  தமிழகத்தைப் பொருத்தவரை 58.3 சதவீதத்தின் பாதிக்கப்பட்டுள்ளனர். மற்ற மாநிலங்களைவிட இது குறைவாயினும், பெரும்பாலான மாநிலங்களில் 50 சதவீதத்தைவிட அதிக அளவு பெண்கள் இந்நோயினால் பாதிக்கப்பட்டுள்ளது வருந்தத்தக்கதாகும்.
உடலில் உள்ள சிகப்பு அணுக்களின் எண்ணிக்கை குறைவதைத் தான், ஹீமோகுளோ குறைந்திருப்பதாகக் கூறுகிறார்கள். சிகப்பு அணுக்கள்தான்  நுரையீரலிருந்து ஆக்ஸிஜனை அனைத்து திசுக்களுக்கும் எடுத்துச் செல்கிறது. திசுக்களில் உள்ள கார்பன்-டை-ஆக்ஸைடை மீண்டும் நுரையீரலுக்கு கொண்டு செல்கிறது.

பாதிப்பு என்ன?: ரத்த சோகையினால் திசுக்களுக்கு ஆக்ஸிஜன் செல்லுவது குறைகிறது. இதனால் உடலில் சோர்வு உள்ளிட்டவை ஏற்படும். கர்ப்பிணிகள் ரத்த சோகையினால் பாதிக்கப்பட்டால் குறைப் பிரசவம் அல்லது எடை குறைந்த குழந்தை பிறக்க வாய்ப்புள்ளது.

இதுவரை சுமார் 400 வகையான ரத்த சோகைகள் கண்டுபிடிக்கப்பட்டுள்ளன. இதில் 70 சதவீத ரத்த சோகைக்கு காரணம் இரும்புச் சத்துக் குறைவுதான். அதுதவிர வைட்டமின் “பி’ குறைவு காரணமாகவும் ரத்த சோகை ஏற்படும். இதன் பாதிப்பு அதிகமாக இருக்கும். மாதவிடாயின்போது அதிக ரத்தப்போக்கு, குடல் புழுக்கள், மலேரியா, சத்துக்குறைவு, இரும்புச் சத்தை கிரகிக்கும் தன்மை குறைவு ஆகிய காரணங்களால் ரத்த சோகை ஏற்படுகிறது.

அறிகுறி: அடிக்கடி சோர்வு, மூச்சுத் திணறல், குறைந்த ரத்த அழுத்தம், நகம் வெளுத்துவிடும், தோல் வெளிர் நிறம் அடைதல், எடை குறைதல், முறையற்ற மாதவிடாய் உள்ளிட்டவை முக்கிய அறிகுறிகளாகும்.

எவற்றை உண்ண வேண்டும்? கீரைகள், முருங்கைக்காய், பீன்ஸ், இறைச்சி, கொய்யா, ஆரஞ்சு, தக்காளி, அவல், வெல்லம், பேரிச்சம் பழம், அருகம்புல் சாறு.

எவற்றைத் தவிர்க்க வேண்டும்? உடல் இரும்புச் சத்தை கிரகிப்பதைத் தடுக்கும் உணவு வகைகளைத் தவிர்க்க வேண்டும். (எ.கா) காபி,டீ, புகைப்பிடிப்பது.

எளிய உணவு முறைகளைக் கடைப்பிடித்தால் ரத்த சோகையினால் சோர்வடையாமல், உற்சாகமாக நம் அன்றாடம் பணிகளை அதே சுறுசுறுப்புடன் செய்ய முடியும். பெண்களே நீங்கள்தான் வீட்டின் மட்டுமல்ல நாட்டின் கண்கள் என்பதையும் மறந்து விடாதீர்கள்!




வாணிஸ்ரீ சிவகுமார் -

வேத கால பாரதப் பெண்கள்
------------

உலகின் மற்ற நாடுகளிளெல்லாம் பெண்களை போகப் பொருட்களாக, மக்கள் தொகைப் பெருக்கத்திற்கு உதவுபவர்களாக, அழகிய அடிமைகளாகக் கருதி வந்த காலகட்டத்தில் நம்நாட்டில் முன்னோர், பெண்களுக்கு ஓர் உயர்ந்த இடத்தை அளித்திருந்தனர். பிறநாட்டினர் நமது நாட்டின் மீது படையெடுத்து வந்து ஆளத் தொடங்கிய பிறகே, இந்த நிலை மாறியிருக்கக்கூடும்.

மனித வாழ்க்கைக்கு மிகவும் முக்கியமாகத் தேவைப்படும் செல்வம், சக்தி, கல்வி ஆகிய மூன்றையும் பெண் தெய்வங்களான லட்சுமி, பார்வதி, சரஸ்வதி ஆகியோர் அளிப்பதாகவே நமது முன்னோர் கருதினர்.
வேதங்களின் பல மந்திரங்களையும், சூக்தங்களையும் பெண்களே இயற்றியுள்ளனர்.
அ) “ரிக் வேத’த்தின் பதினேழு சாகைகளை இயற்றியவர்கள்:

“ரோமஸா”, “லோமுத்ரா”, “அபத்தா”, “கத்ரு”, “விஷ்வவரா”, “கோஷா”, “ஜுஹ§”, “ஷ்ரத்த-காமயனி”, “ஊர்வசி”, “ஷாரங்கா”, “யாமி”, “இந்திராணி”, “சாவித்திரி” மற்றும் “தேவயானி.”
ஆ) “சாமவேத’த்தின் நான்கு சாகைகளை இயற்றியவர்கள்:-
“நோதா” (அல்லது “பூர்வார்ச்சிகா”) “அக்ரிஷ்டபாஷா”, “ஷிகடனிவவரி” (அல்லது “உத்தரார்ச்சிகா”) மற்றும் “கண்பயனா.”

அந்த இருபத்தோரு பெண்களும், ஆண்களுக்கு இணையான அறிவாற்றலும், வேத வேதாங்கங்களில் பரிச்சயமும் கொண்டவர்களாக இல்லாமல், அவ்வாறு வேத சாகைகளை இயற்றியிருக்க முடியாது. இதிலிருந்து அவர்கள் மாணவர்களைப் போலவே, குருகுலத்தில் முறையாகப் பயின்றிருக்கிறார்களென்பது தெளிவாகிறது. “கல்வி பயின்ற பெண் ஒருத்தியை அவளுக்கிணையாகவோ, அதற்கும் மேலாகவோ, அறிவாற்றல் கொண்ட ஆணுக்கே மணமுடிக்க வேண்டுமென…” யாக்ஞவல்கியரின் “ப்ருகதாரண்யக உபநிஷத்” குறிப்பிடுகிறது. அத்துடன் அத்தகைய அறிவாற்றல் கொண்ட பெண்ணைக் குழந்தையாகப் பெற, கிருஹஸ்தர்கள் மேற்கொள்ள வேண்டிய நியதிகளையும், சடங்குகளையும் கூட அந்த “உபநிஷத்’ விவரிக்கிறது.
பிரம்மச்சாரிகளைப் போலவே, இளம்பெண்களும் “முப்புரிநூல்’ அணிந்தே வேதங்களையும் “சாவித்திரி – வசனங்களை’யும் கற்கத் தொடங்கியிருக்கின்றனர். “ஆண்களைப் போலவே பெண்களும், வேதங்களைக் கற்றார்கள்…” என்று “பாணினி’ குறிப்பிட்டுள்ளார்.

கிரஹஸ்தர்கள் தங்களது இல்லங்களில் யக்ஞங்களை மேற்கொண்ட போது, அவர்கள் உச்சரித்த “ஷ்ரௌத’ சூத்திரங்களையும் “க்ரிஃய சூத்திரங்களையும், மிகத் தெளிவான உச்சரிப்புடன் அவர்களது இல்லத்தரசிகளும் அருகில் நின்றவாறே கூறியிருக்கிறார்கள். மேலும் “பூர்வ மீமாம்சை” யிலும் ஆண்களுக்கு இணையாக ஹிந்துமத சடங்குகளை நடத்தும் உரிமை பெண்களுக்கும் உண்டு என்று கூறப்பட்டுள்ளது.
வேதகால சமுதாயம் அனேகமாக “ஒரே மனைவி – ஒரே கணவன்’ என்ற நியதியைத்தான் பெரும்பாலும் கடைப்பிடித்து வந்துள்ளது. அச்சமுதாயத்தில் பெண்ணுக்கும் ஆணுக்கு இணையான இடம் அளிக்கப்பட்டது.
தனிப்பட்ட சில பெண்கள் தாங்களாகவே முயன்று கல்வியறிவைத் தேடிக் கொண்டதற்கான ஆதாரங்களும் ஏராளமாகக் கிடைத்துள்ளன.
“பாத்யாஸ்வஸ்தி” என்ற பெண் வடதிசை நோக்கிச் சென்று கல்வி கற்றுப் பல விருதுகளையும் பெற்றிருக்கிறார்.
புகழ்பெற்ற தத்துவஞானியும், சாத்வியுமான “கர்கி வாசகனவி”, ஜனக மன்னர் ஏற்பாடு செய்த உலகின் முதல் தத்துவ மாநாட்டுக்கு அழைக்கப்பட்டார். அம்மாநாட்டில் “கர்கி’ கலந்து கொண்டு “யாக்ஞவல்கியருடன்’ விவாதம் செய்தவர்.

பதஞ்சலி முனிவர் தமது “மஹாபாஷ்யம்’ என்ற நூலில் ஈட்டி எறிவதில் திறமை வாய்ந்த “சக்திகி”கள் இருந்ததாகக் குறிப்பிட்டிருக்கிறார்.
கவுடில்யரின் “அர்த்தசாஸ்திரம்’ என்ற நூலில் “மவுரியப்’ படைகளில், வில்லம்புகளுடன் போரிடும் திறமை வாய்ந்த பெண்களும் இருந்ததாகக் கூறியிருக்கிறார்.

கிரேக்க நாட்டுத் தூதுவரான “மகஸ்தனிஸ்” என்பவர், “சந்திரகுப்த மவுரியரை”ப் பாதுகாக்க, பெண் மெய்க்காவலர்களும் இருந்ததாக, தமது நூலில் குறிப்பிட்டுள்ளார். இப்படியாக, வெறும் ஏட்டுக்கல்வி கற்பவர்களாக மட்டுமில்லாமல், வேதகாலப் பெண்கள் வீராங்கணைகளாகத் திகழ்ந்திருக்கிறார்கள் என்பது தெளிவாகிறது.
இதிகாச நாயகிகளான சீதாவும் திரௌபதியும் கூட, கல்வி கற்றவர்களாகவும், சக்தி படைத்தவர்களாகவும், மனத்திண்மை கொண்டவர்களாகவுமே சித்தரிக்கப்பட்டுள்ளனர்.

ஆயினும் இதிகாச கால கட்டத்திலேயே பெண்களின் கவுரவம் சிதைக்கப்பட்ட வரலாறும் தொடங்கிவிட்டது. இராவணன் கொல்லப்பட்டவுடன், சீதை தீக்குளித்து தனது தூய்மையை நிலைநாட்ட வேண்டியிருந்தது.
அப்படியும் பின்னர், அவள் காட்டுக்கு அனுப்பிவைக்கப்பட்டாள் என்று, “உத்தர ராமாயணம்’ விவரிக்கிறது. ஐந்து கணவர்களுக்கு மனைவியாக இருந்த திரௌபதியை ஈடாக வைத்து பகடையாடப்பட்டதால், அவள் தனது ஆடையை துச்சாதனன் பிடித்திழுக்க, அவையோர் மத்தியில் அவமானப்படுத்தப்பட்டாள்.
இராமாயணமும் மகாபாரதமும் (வேதகாலத்திற்குப் பின்னர் நடந்ததால்), அக்காலங்களில் பல ஆண்கள் ஏராளமான பெண்களை மணந்ததை விவரிக்கின்றன. இதனால்தான் பெண்களின் கவுரவம் குறையத் தொடங்கியது. ஒழுக்கத்திற்கான அளவுகோல்கள் பெண்களைப் பொறுத்தவரை மிகவும் கொடுமையானவையாக மாறின.
ஏமாற்றப்பட்டதால்தான் அகலிகை இந்திரனிடம் தன்னை இழந்தாள் என்ற உண்மையை உணர்ந்தும் கூட, அவளது கணவரான கவுதம முனிவர் அவளைக் கல்லாகும்படி சபித்தார்.

இப்படியாக, மகாபாரத காலம் தொடங்கி சிறுமைப்படுத்தப்படுவது பொறுக்க முடியாத அளவிற்குப் போனதால்தான் பல ஹிந்துப் பெண்கள் பௌத்த மதத்திலோ, சமண சமயத்திலோ தங்களை இணைத்துக் கொண்டு “பிக்குணி’ களாகவும் மாறத் தலைப்பட்டனர். அதனால்தான் புத்தரின் முக்கிய சீடர்களில் பதிமூன்று பேர் பெண்களாக இருந்தனர். அதேபோல வேறு பதிமூன்று பெண்கள் மகாவீரரின் சிஷ்யைகளாக, துறவிகளாக மாறினர்.

அகலிகை, திரௌபதி, தாரை, குந்தி, மந்தோதரி ஆகியோர் “பஞ்ச பத்னிகள்’ என்று போற்றப்படுகிறார்கள். இவர்களில் மந்தோதரியைத் தவிர, மற்ற நால்வரும் ஒருவருக்கு மேலான ஆண்களுடன் (அவர்கள் விரும்பியோ, விரும்பாமலோ) வாழவேண்டியவர்களாக இருந்திருக்கிறார்கள். அகலிகைக்கு கவுதமர், இந்திரன், திரௌபதிக்கு பஞ்ச பாண்டவர்கள், தாரைக்கு வாலி – சுக்ரீவன், குந்திக்கு சூரியன் யமன் இந்திரன், வாயு, அஸ்வினி தேவர்கள் மற்றும் “பாண்டு’!
ஆயினும் வேதகாலப் பெண்களுக்கு, தங்கள் கணவர்களைத் தேடிக் கொள்ளக் கிடைத்த உரிமை, பின்னர் வந்த பெண்களுக்குக் கிடைக்கவில்லை என்பதுதான் உண்மை!
அடுத்து வந்த காலகட்டங்களில், பெண்கள் தங்களது குடும்பத்தினருக்கும் சமுதாயத்திற்கும் கட்டுப்பட்டு நடக்க வேண்டியவர்களாகவே இருந்தனர்; இருக்கின்றனர்; ஆனால், ஆண்கள் மட்டும் பல மனைவியரையும், பல “துணைவியரை’யும் மணந்து கொள்வதையும், வைத்துக் கொள்வதையும் இந்திய சமூகம் அனுமதித்தது, அனுமதிக்கிறது.

அந்த வகையில் படைப்பாற்றல் பல பெண்களுக்குப் பெரும் ஆறுதலாக இருந்து வந்திருக்கிறது. ஹிந்து மதமும் ஆலயங்களும் அவர்களுக்கு அடைக்கலம் கொடுத்திருக்கின்றன.
தமிழ்நாட்டின் “பக்தி இலக்கிய’ காலகட்டத்தில் சைவர்களான அவ்வையார், திலகவதியார், மங்கையர்க்கரசியார், காரைக்காலம்மையார் போன்றோரும், வைணவரான ஆண்டாளும் தங்கள் படைப்பாற்றலால் பெரும் பக்தி இலக்கியங்களைப் படைத்து விட்டு மறைந்தனர்.

இராஜசிம்ம பல்லவனின் மனைவியாகிய “ரங்கபதாகை’ கங்கராதித்யசோழனின் மனைவியாகிய செம்பியன் மகாதேவி, ராஜராஜ சோழனின் தமக்கையான குந்தவை, பாதாமி சாளுக்கிய மன்னன் இரண்டாம் விக்ரமாதித்த மன்னனின் மனைவியான லோகமகா தேவி – போன்றோர் ஏராளமான சைவ, வைணவக் கோயில்களைக் கட்டினர் என வரலாறு கூறுகிறது. ஹிந்து மதம் அவர்களுக்கு ஒரு வடிகாலாக இருந்திருக்கிறது.
அவர்களது கணவர்களும், சகோதரர்களும் ஏகப்பட்ட பட்டமகரிஷிகளுடன் ஆட்சி செய்திருக்கிறார்கள்.
வட இந்தியாவைப் பீடித்த இஸ்லாமியர்களின் ஆக்ரமிப்பு காரணமாக, முஸ்லீம் பெண்களைப் போலவே, ஹிந்துப் பெண்களும் “பர்தா’ அணியத் தொடங்கினர். இன்றும் அந்த மரபு அங்கெல்லாம் தொடருகிறது. வீட்டை விட்டு வெளியே காலெடுத்து வைக்கும் ஒவ்வொரு பெண்ணும் நாட்டியக் காரிகளாகவும், வேசைகளாகவுமே கருதப்பட்ட காலகட்டம் முகலாயர்களின் ஆட்சிக் காலம்.

அவர்களால் தோற்கடிக்கப்பட்ட ராஜபுதன மன்னர்களின் மனைவிகளெல்லாம், எங்கே மாட்டிக் கொண்டால் தாம் சீரழிக்கப்பட்டு விடுவோமோ என்ற பயத்தின் காரணமாகவே கணவனின் சிதையில் குதித்து உடன்கட்டை (சதி) ஏறினர்.
மீரா போன்ற பக்தைக்கு, தான் விரும்பிய பகவான் கிருஷ்ணனைத் தொழக்கூட அனுமதி கிடைக்கவில்லை. மீராபாய், முக்திபாய், ஜனாபாய், வீணாபாய் போன்ற பெண்களெல்லாம் பக்திமார்க்கத்தில் தங்களை ஈடுபடுத்திக் கொண்டு, கீர்த்தனங்களை இயற்றிப்பாடி தங்கள் தனிமையை விரட்ட வேண்டியிருந்தது. சித்தூர் ராணி சின்னம்மா, ஜான்சி ராணி லட்சுமிபாய் போன்றவர்கள் விதவைகளான பிறகே அரசுப் பொறுப்பை ஏற்றுக் கொள்ள நேர்ந்தது. இப்படியாக நாம், இந்த இருபத்தோராம் நூற்றாண்டில், “முன்மாதிரி’ப் பெண்கள் என்று குறிப்பிட வேண்டுமானால், வேதகாலப் பெண்களைத்தான் தேர்வு செய்ய வேண்டியிருக்கிறது.



செங்கோட்டை ஸ்ரீராம் - பத்திரிகையாளர், எழுத்தாளர்

பெண்களின் முன்னேற்றத்துக்கு பாலம் அமைத்த சகோதரி சுப்புலக்ஷ்மி
--------------

பெண்கள் அடுப்படியிலும், வீட்டின் பின்புறத்திலும் அடிமைகளாக வைக்கப்பட்டிருந்த காலத்தில், ஒரு சில பெண்களே இந்த தடைகளை உடைத்துக் கொண்டு வெளியே வந்தனர். கல்வி கற்றனர், மற்ற பெண்களுக்கு உதவினர். இதன் மூலம் பெண்களின் முன்னேற்றத்துக்கு பாலம் அமைத்தனர்.

தங்களது வாழ்க்கையில் பல்வேறு சோகங்களையும், சோதனைகளையும், வேதனைகளையும் கடந்து பெண்களின் சமுதாயத்தின் முன்னேற்றத்தில் முக்கியப் பங்காற்றியவர்களில் ஒருவர் சகோதரி சுப்புலக்ஷ்மியாவார்.

19ம் நூற்றாண்டின் இறுதியில் பிறந்தவர் சுப்புலக்ஷ்மி. இவர் பல பெண்களின் வாழ்க்கையில் விளக்கேற்றியவர். ஒரு பெண் சுயமாக வாழ முடியும் என்றும், நம்பிக்கையும், மன உறுதியும் இருந்தால் இது அனைவருக்குமே சாத்தியப்படும் என்றும் வாழ்ந்து காட்டியவர் சுப்புலக்ஷ்மி.

இவரது 11வது வயதில் திருமணம் நடந்தது. திருமணமாகி 6வது மாதத்தில் விபத்து ஒன்றில் கணவர் இறந்துவிட, இவருக்கு கைம்பெண் என்ற பட்டம் சூட்டப்பட்டது. கைம்பெண் என்றால் என்னவென்றேத் தெரியாமல், அதற்கான அனைத்து சோதனைகளையும் சுப்புலக்ஷ்மி அனுபவித்தார்.

இதனை பொறுத்துக் கொள்ள இயலாத அவரது தந்தை, சுப்புலக்ஷ்மியின் வாழ்க்கைப் பாதையை மாற்ற தீர்மானித்து, அவளை பள்ளியில் சேர்த்து பயிற்றுவித்தார்.

பள்ளியில் பயிலும் சிறுமிகள் தங்களது பெயருக்கு முன் ஆங்கிலத்தில் மிஸ் என்று எழுதுவது போல விதவைகளை எவ்வாறு குறிப்பிடுவது என்ற வாதம் எழுந்தது. அப்போது, சுப்புலக்ஷ்மி இனி தன் பெயரை சிஸ்டர் சுப்புலக்ஷ்மி என்று குறிப்பிடலாம் என கூறினார். அதில் இருந்து அவர் சிஸ்டர் சுப்புலக்ஷ்மி என்றே அழைக்கப்பட்டார்.

பள்ளியில் சேர்ந்து நல்ல முறையில் படித்து முடித்து கல்லூரியில் பி.ஏ. முடித்தார் சுப்புலக்ஷ்மி. 1911ஆம் ஆண்டில் சென்னையில் பி.ஏ. பட்டம் பெற்ற முதல் பெண் சுப்புலக்ஷ்மி என்ற பெருமையை அடைந்தார். அதோடு நிற்காமல் எல்.டி. படிப்பில் சேர்ந்து வெற்றி அடைந்தார்.

படிப்பை முடித்ததும், பலர் சுப்புலக்ஷ்மியை திருமணம் செய்து கொள்ள விருப்பம் தெரிவித்தனர். ஆனால், திருமண வாழ்க்கையில் இணைய விரும்பாத சுப்புலக்ஷ்மி, பெண்களின் முன்னேற்றத்துக்காக தனது வாழ்க்கையை அர்ப்பணிக்க முடிவு செய்தார்.

படிப்பை முடித்துவிட்டு, வீட்டிலேயே விதவைப் பெண்களுக்காக ஆசிரமம் ஒன்றை துவக்கினார். அதே சமயம் எழும்பூர் பிரஸிடென்ஸி உயர்நிலைப் பள்ளியில் ஆசிரியராகவும் பணியாற்றினார்.

பெண்களுக்காக ஐக்கிய மாதர் சங்கம், சாரதா இல்லம் ஆகியவற்றையும் துவக்கினார். பாதிக்கப்பட்ட பெண்களுக்கு கல்வி அளிக்க சாரதா வித்யாலயா என்ற கல்வி நிறுவனத்தைத் துவக்கி, மிகப்பெரிய அளவில் கொண்டு வந்தார். பின் இது ராமகிருஷ்ண மடத்தின் மேற்பார்வையில் ஒப்படைக்கப்பட்டது.

இவருக்கான அங்கீகாரங்கள்
இவரது மகத்தான சேவைக்காக மத்திய அரசு பத்மஸ்ரீ விருது வழங்கி கௌரவித்தது. 1920ஆம் ஆண்டு பொதுச் சேவைக்காக இவருக்கு தங்கப் பதக்கம் வழங்கப்பட்டது.

பெண்கள் முன்னேற்றத்துக்காக மட்டுமல்லாமல், சிறிய வயதில் கணவனை இழந்த பெண்கள், ஆதரவற்ற பெண்கள் என உதவித் தேவைப்படும் பெண்களுக்குத் தேடிச் சென்று உதவி செய்து, அவர்களது உயர்வுக்கு ஊன்றுகோலாய் இருந்த சுப்புலக்ஷ்மியின் வாழ்க்கை தற்போதைய பெண்களுக்கு வரலாறாகியுள்ளது.

சாதனை படைப்போம்… வரலாற்றில் இடம்பெறுவோம்…


வாணிஸ்ரீ சிவகுமார் -

ரத்தம் முதல் எச்சில் வரை அனைத்துக்கும் தேவையான தண்ணீர்…
--------------------

உடல் நலம்தண்ணீர் குடிப்பதுநோய்பருகுதல்
மனித உடலை நோயற்ற ஆரோக்கியமான உடலாக பராமரிக்க தண்ணீர் என்பது மிகவும் அவசியமாகிறது. தேவையான அளவிற்கு தண்ணீரை அருந்தி வந்தால் பல நோய்களை விலக்கி வைக்கலாம்.

உடலில் 70 விழுக்காடு எடையை தண்ணீர்தான் தீர்மானிக்கிறது. அனைத்து உடல் பாகங்களும் தண்ணீரை அல்லது திரவத்தை அடிப்படையாக வைத்தே இயங்குகின்றன.

ரத்தத்தில் இருந்து எச்சில் வரை அனைத்திற்குமே தண்ணீரின் தேவை அவசியமாக உள்ளது. உணவை செரிமானம் செய்யும் வயிற்றுப் பாகங்களுக்கும் போதுமான தண்ணீர் இருந்தால்தான் அவை சரியாக வேலை செய்யும்.

இவ்வளவு முக்கியத்துவம் வாய்ந்த தண்ணீரை நாம் சரியாக எடுத்துக் கொள்கிறோமா? என்றால் நிச்சயமாக இல்லை என்றுதான் சொல்ல வேண்டும்.

எப்போது தாகம் என்ற உணர்வு ஏற்படுகிறதோ அப்போது மட்டுமே தண்ணீர் பருகுவேன் என்று 25 சதவீதத்தினரும், சாப்பிடும் போது தண்ணீர் பருகுவதோடு சரி என்று 25 சதவீதத்தினரும் சொல்வார்கள். மீதம் 50 சதவீதத்தினர் மட்டுமே போதுமான அளவிற்கு தண்ணீரைப் பருகுபவர்களாக இருப்பார்கள்.

தற்போதைய ஆய்வு ஒன்று கூறியுள்ள தகவலை கேட்டால், மேற்கண்ட 25 + 25 சதவீதத்தினர் ஆச்சரியப்படுவார்கள். அதாவது உடல் தண்ணீர் தேவையை வெறும் தாகத்தினால் மட்டும் வெளிப்படுத்துவதில்லை. ஒவ்வொரு உடல் பாகமும் ஒவ்வொரு வகையில் தனது தண்ணீர் பற்றாக்குறையை வெளிப்படுத்துகிறதாம். ஆனால் அதை நாம் கவனிக்காமல் விட்டுவிட்டால்தான் அது நோயாக மாறி நம்மை பாதிக்கிறது.

பொதுவாக ஏசியிலேயோ, அதிக குளிர்ச்சியான பகுதியிலோ பணியாற்றுபவர்களுக்கு தாக உணர்வே ஏற்படாது. இதனால் அவர்கள் தண்ணீர் பருகுவது குறைந்துபோகும். அவர்களது உடல்நிலை பாதிக்கப்பட்ட பிறகுதான் அவர்கள் தண்ணீரை தேவையான அளவு எடுத்துக் கொள்ளவில்லை என்பது தெரிய வரும்.

ஒவ்வொரு நாளும் நமது உடல் பல்வேறு பணிகளுக்காக 4 லிட்டர் தண்ணீரை இழக்கிறது. நாம் தினமும் இதை விட அதிகமாக தண்ணீர் பருகினால்தான் உடலின் தேவையை சரிகட்ட முடியும். அதிகமாக இல்லாவிட்டாலும், இதே அளவிற்காவது தண்ணீரை பருகினால், உடலில் நீர்த்தன்மை குறையாமல் பாதுகாக்கலாம்.

தண்ணீரை குடிப்பதால் அது நமது உடலுக்குச் சென்று, அதன் மூலமாக செல்கள் சக்தியை உருவாக்கும். இந்த சக்தி, உடலில் உள்ள மற்ற வேதியியல் பொருட்களுடன் இணைந்து உடலுக்குத் தேவையான சக்தியாக சேமித்து வைக்கும். தண்ணீர் உடலின் அனைத்து பாகங்களையும் எளிதாக பணியாற்றச் செய்யும் பொருளாகும். உடலின் உள்ளுறுப்புகளை நல்ல நிலையில் பாதுகாக்க தண்ணீர் உதவுகிறது.

இவ்வளவு முக்கியத்துவம் வாய்ந்த தண்ணீரை பருகுவது என்ன அவ்வளவு கஷ்டமான பணியா? இல்லையே.. பிறகு ஏன் நோயை வரவேற்கிறீர்கள். தண்ணீரை பருகுங்கள்.. நோயை விலக்குங்கள்.




வாணிஸ்ரீ சிவகுமார் -

பலவீனங்களை மாற்றி பலமாக்குங்கள்
-----------------


பொதுவாக பெண்கள் பலமானவர்கள்தான். உடலை விட மனதால் பலமானவர்கள் என்றால் அது பெண்கள்தான். அப்படியான பெண்களை, இந்த சமுதாயம் பல்வேறு விஷயங்களால் பலவீனமாக்கி வைத்திருந்தது.
பொதுவாக பெண்கள் தலை குனிந்து நிலத்தைப் பார்த்து நடக்க வேண்டும் என்று அந்த காலத்தில் இருந்தே வளரும் பெண்களுக்கு கற்பிக்கப்பட்டது. இது சமுதாயம் பெண்கள் மீது ஏற்படுத்திய பலவீனமாகும்.

ஆனால், அந்த பார்வையால் பல விஷயங்களை நாம் வெளிப்படுத்திவிடலாம். ஒருவர் நம்மை தவறான கண்ணோட்டத்துடன் பார்க்கிறார் என்பதை நமது கோபமான பார்வையாலும், வெறுப்பான பார்வையாலும் தெரிவித்துவிடலாம். ஒருவர் அவர் நம்மை கண்ணோட்டத்துடன் பார்க்கும் போது அதற்கு எதிரான கோபப் பார்வையை வெளிப்படுத்தலாம். இதன் மூலம் மூன்றாம் நபருக்குத் தெரியாமலேயே நாம் நமது எதிர்ப்பை உரியவருக்கு தெரிவித்து விடுவோம். இதன் மூலம் ஒரு பெண் தனது பார்வை என்ற பலவீனத்தை பலமாக்கிக் கொள்ளலாம்.

ஒரு பெண் நிமிர்ந்து பார்க்கும் போதுதான், அவளைச் சுற்றுயுள்ள சூழ்நிலை எவ்வாறு இருக்கிறது என்பதை அறிந்து அதற்கேற்ப தன்னை தயார்படுத்திக் கொள்ள முடியும்.

அதேப்போல, முந்தைய காலத்தில் பெண்களுக்கு சொத்துக்கள் என்று எதுவும் இல்லை. எனவே அவர்களின் பாதுகாப்புக் கருதி அவர்களுக்கு என சொத்தாக தங்க நகைகளை அணிவித்தனர். ஆனால் தற்போது அந்த பாதுகாப்பற்ற நிலை பெண்களுக்கு இல்லை.

எனவே எளிமையாக இருங்கள். பெண்கள் பலரும் தங்களை அழகாக வைத்துக் கொள்ள வேண்டும் என்று விரும்புவது இயற்கை. ஆனால், அதற்காக தம்மை எப்போதும் ஒரு பார்வைக்குரிய பொருளாக மாற்றிக் கொள்ளாதீர்கள். இதனால் மற்றவர்களிடம் இருந்து நீங்கள் அந்நியப்பட நேரிடும். எனவே எப்போதும் இயல்பாகவும், எளிமையாகவும் இருக்க வேண்டும். பல நேரங்களில் அழகும், நகைகளும் தான் ஆபத்தாகி விடுகின்றன.

எதையும் மிகைப்படுத்தாதீர். அப்படி நடந்தது என்றால் அதனை இப்படி நடந்தது என்று கூறுவது பலரது இயல்பு. அவ்வாறு கூறும் போது சில விஷயங்களை மிகைப்படுத்திக் கூறுவார்கள். அது வேண்டாம். நடந்ததை நடந்தபடியே கூறாமல் மிகைப்படுத்திக் கூறுவதும் பொய்க்கு ஈடுதான். எனவே, பொய் கூறுவது எவ்வாறு பல சிக்கல்களுக்கு வழி ஏற்படுத்துமோ அதுபோல மிகைப்படுத்திக் கூறுவதும் பிரச்னைகளை ஏற்படுத்திவிடக் கூடும்.

தொலைத்தொடர்பு கருவியாக இருக்க வேண்டாம்.. ஒரு பெண்ணிடம் ஒரு விஷயத்தைக் கூறிவிட்டால் போதும் அது ஊருக்கேத் தெரிந்துவிடும் என்று சொல்வார்கள். அதுபோன்ற சூழ்நிலை தற்போது இல்லை என்றாலும், பெண்கள் பொதுவாக தேவையற்ற விஷயங்களைப் பேசவதைத் தவிர்ப்பது நலம். அது அவர்களுக்கும், அவர்களது சுற்றத்தாருக்கும் நல்ல பலனை அளிக்கும்.

சூழ்நிலைகளை சமயோஜிதமாக சமாளிக்கவும் கற்றுக் கொள்ள வேண்டும். ஓரிடத்துக்கு செல்லும் போது, அங்கிருந்து கிளம்ப தாமதமாகும் என்று தெரிந்தால், அதற்கு உரிய வழிகளை தயாராக செய்து வைத்துக் கொள்ள வேண்டும். அங்கு போகாமல் தவிர்ப்பதை விட, உரிய நேரத்துக்கு சென்றுவிட்டு விரைவாக அங்கிருந்து கிளம்பி வந்து விடுவது நல்லது.

முன் யோசனையுடன் எதையும் செய்தால், பல மோசமான சந்தர்ப்பங்களை தவிர்க்க முடியும்.

மோசமான நண்பர்களை விலக்கி விடுங்கள். அவர்களுடன் நெருக்கமான பழக்கத்தை குறைத்துக் கொள்வது எப்போதுமே பெண்களுக்கு நல்லது. பலரும், தீய நட்பால்தான் தவறான வழிகளுக்குச் செல்வார்கள். எனவே, தீய வழியில் சென்று கொண்டிருக்கும் நண்பர்களுடன் ஏற்படும் பழக்கம், அவர்களை திருத்த பயன்படலாம். ஆனால் நாம் மாற எந்த வகையிலும் வழி ஏற்படுத்தி விடக் கூடாது.

எல்லோரிடமும் எல்லாவற்றையும் கூறாதீர்கள். பலருக்கும் இருக்கும் மிக முக்கிய பலவீனமே ரகசியத்தை பாதுகாக்க முடியாததுதான். பொதுவாக ரகசியம் என்பது, ஒரு விஷயம் மற்றவர்களுக்குத் தெரியக் கூடாது. தெரிந்தால் தவறாகிவிடும் என்பதால் தான் அதனை ரகசியம் என்கிறோம்.

எனவே, ஒருவர் ஒரு விஷயத்தை ரகசியமாக வைக்க விரும்பினால், அதனை தான் ஒருவரிடமும் தெரியப்படுத்தக் கூடாது. இல்லை, எனக்கு நம்பிக்கையான தோழி ஒருவரிடம் மட்டும் இதனைக் கூறுவேன் என்று சொன்னால், அவள் அவளுக்கு நம்பிக்கையான ஒருவரிடம் இந்த விஷயத்தைக் கூறுவார். இதேப்போல ஒவ்வொருவரும் அவர்களுக்கு நெருக்கமானவர்களுக்கு இதனை கூறும் போது நமது விஷயம் அனைவரும் அறிந்த ரகசியமாகப் போய்விடும். ரகசியத்தை நம்மாலேயே பாதுகாக்க முடியாத போது மற்றவர்கள் அதனை எப்படி ரகசியமாக வைப்பர் என்று யோசித்துப் பாருங்கள்.

எனவே, நாம் எளிதாக செய்யும் சில விஷயங்கள் பெரிய பாதிப்புகளை ஏற்படுத்தும் என்று அறியாமல் இருக்கிறோம். இதனை மாற்றி நமது பலவீனங்களை பலமாக ஆக்கிக் கொண்டால், பலருக்கும் நீங்கள் வழிகாட்டியாகலாம்.



வாணிஸ்ரீ சிவகுமார் -

படித்தக் குற்றத்துக்காக சொத்தை இழந்த பார்வதி அம்மாள்
----------------------------------
1919ஆம் ஆண்டு மன்னார்குடி என்ற ஊரில் பிறந்தவர் பார்வதி அம்மாள். ஆரம்பக் கல்வி மட்டுமே படித்திருந்த இவருக்கு இளம் வயதில் திருமணம் நடந்து குழந்தையும் பெற்றார். அவருக்கு 18 வயது ஆகும் போதே கணவனை இழந்து கைம்பெண்ணாக நின்றார். அப்போது அவருக்கு படிக்க வேண்டும் என்ற ஆசை எழுந்தது. ஆனால், அவருக்கு வீட்டில் ஆதரவு இல்லை. இதனால் வீட்டினரின் எதிர்ப்பை மீறி வெளியே வந்து படித்தார். அவர் பெற்றோரின் சொல்லை மீறி கல்வி பயின்றக் குற்றத்துக்காக சொத்தில் பங்கு இல்லை என்று கூறினர் குடும்பத்தார். ஆனால், கல்வியே மிகப்பெரிய சொத்து என்று நினைத்த அவர், சென்னை வந்து ஆசிரியர் பயிற்சியையும் முடித்தார்.

காந்தியடிகளின் போதனையால் கவரப்பட்டவர்களில் ஒருவரான பார்வதி அம்மாள், சுதந்திரப் போராட்டத்தில் பங்கேற்றவர்களுக்கு பல்வேறு வழிகளில் உதவிகளை செய்து வந்தார்.

சத்யாகிரகப் போராட்டங்களில் பங்கேற்று சிறைச் சென்றவர்களின் குடும்பங்களுக்கு நிதி திரட்டும் குழுவில் இடம்பெற்றிருந்தார் பார்வதி அம்மாள்.

குழந்தைத் திருமணத்தையும், குழந்தைகள் கல்வி மறுக்கப்படுவதையும் எதிர்த்து போராடி அதில் வெற்றியும் கண்டார். பல்வேறு கிராமங்களில் பெண் பிள்ளைகளுக்கு கல்வி அறிவு பெற்றுக் கொடுக்க பல்வேறு திட்டங்களை செயல்படுத்தினார். பெண்களுக்கு என தனியாக பள்ளிகளைத் துவக்கவும் உதவி புரிந்தார்.

தலைவர் வினோபாவின் இயக்கத்திலும் சேர்ந்து இவர் பல அரிய பணிகளில் ஈடுபட்டு அதில் வெற்றியும் பெற்றார் பார்வதி அம்மாள்.




வாணிஸ்ரீ சிவகுமார் -

திருமணத்துக்குப் பின் தந்தையின் பெயரையே தொடர விரும்பும் பெண்கள்
---------------

தந்தையின் பெயர்திருமணம்பெண்கள்
பொதுவாக பெண்கள் தங்களது பெயருக்குப் பின்னால் தந்தையின் பெயரை சேர்த்து குறிப்பிடுவார்கள். ஆனால், திருமணம் முடிந்த பிறகு தந்தை பெயருக்கு பதிலாக கணவரது பெயரை சேர்த்துக் கொள்வார்கள்.

ஆனால், தற்போது திருமணத்துக்குப் பிறகும் தந்தையின் பெயரையே தொடர பெரும்பாலான பெண்கள் விரும்புவதாகவும், அவ்வாறே பலரும் செய்கின்றனர் என்றும் தெரிய வந்துள்ளது.

சில பெண்கள், குழந்தைகள் பிறந்து வளர்ந்த பிறகு, அவர்களது இனிஷியல் வேறாகவும், தாயின் இனிஷியல் வேறாகவும் இருப்பதால் ஏற்படும் குழப்பதைத் தவிர்க்க, தனது கணவரின் பெயரை சேர்த்துக் கொள்வதாகவும், சில கலாச்சார, சமூக அழுத்தங்கள் காரணமாகவே பலரும் தங்கள் தந்தையின் பெயரை மாற்றிக் கொள்ள ஒப்புக் கொள்கிறார்கள் என்றும் தெரிய வந்துள்ளது.

இதுபோன்ற சமூக அழுத்தங்களை எதிர்த்து வாழ விரும்புவோரும், பெண்ணியத்துக்கு குரல் கொடுப்பவர்களும், தந்தையின் பெயருடனே வாழ்கின்றனர்.

இது குறித்து ஆராய்ச்சி செய்தவர்கள், திருமணமானதும் 62 சதவீத பெண்கள் மட்டுமே தங்களது கணவரின் பெயரை இணைத்துக் கொள்வதாகவும், 74 சதவீத பெண்கள், திருமணமாகி 10 ஆண்டுகளுக்குப் பிறகே இந்த முடிவை எடுப்பதாகவும், 88 சதவீதம் பெண்கள் தங்களது 60வது வயதில் மட்டுமே கணவரின் பெயரை சேர்ப்பதாகவும் தெரிவிக்கப்பட்டுள்ளது.


வாணிஸ்ரீ சிவகுமார் -

ஏன் சுறுசுறுப்பாக இருக்க வேண்டும்?
------------

இதய நோய்களை தீர்மானிக்கும் செயல்பாடுகள்

பொதுவாக பல்வேறு உடல் உபாதைகளுக்கு உடல் எடையை முக்கியக் காரணமாகக் கூறுவார்கள். ஆனால், ஒருவரது உடல் இயக்கமே இதய நோய்களை தீர்மானிக்கும் என்கிறது புதிய ஆய்வு ஒன்று.

அதாவது, இதய நோய் மற்றும் இதய பாதிப்பு உள்ள சுமார் ஆயிரம் பெண்களிடம் நடத்திய ஆய்வில், அவர்களது உடல் எடைக்கும், இதய நோய்க்கும் எவ்வித தொடர்பும் இருக்கவில்லை என்பது தெரிய வந்துள்ளது. மேலும், அவர்களில், துரித செயல்பாடு உள்ளவர்களுக்கும், குறைவான, சோம்பேறித்தனமான செயல்பாடு உடையவர்களுக்கும் இடையே நோய் பாதிப்பில் அதிக வித்தியாசம் இருந்தது தெரிய வந்துள்ளது.

இதய நோய் பாதித்த பெண்களில் 70 சதவீதத்தினர், இயல்பாகவே சுறுசுறுப்பின்றி, குறைவாக வேலை செய்பவர்களாகவே இருந்தனர்.   மேலும், அதிக வேலை செய்யும் பெண்களுக்கும், சுறுசுறுப்பாக இயங்கும் பெண்களுக்கும் இதய நோய் பாதிப்பு ஏற்படுவது குறைவாக இருந்ததாகவும், அப்படியே பாதிப்பு இருந்தாலும், அதன் வீரியம் குறைவுதான் என்றும் மருத்துவ ஆய்வுகள் தெளிவுபடுத்தியுள்ளன.

இந்த ஆய்வின் மூலம், குறைவான உடல் இயக்கம், இதய நோய்க்கான முக்கிய அறிகுறியாக எடுத்துக் கொள்ளலாம் என்று   மருத்துவ உலகம் அறிவித்துள்ளது. பெண்கள் சுறுசுறுப்பாக  இருக்க வேண்டும். அதுதான் அவர்களது உடல் நலத்துக்கு நன்மை பயக்கும் என்று கூறுவதற்கான காரணம் அறிவியல் பூர்வமாக நிரூபிக்கப்பட்டுள்ளது.


வாணிஸ்ரீ சிவகுமார் -

ஏடிஎம் ரசீது தாள்களால் புற்றுநோய் ஏற்படுமா? ஒரு பகீர் தகவல்
------------

ஏடிஎம்களில் பணம் எடுத்த பிறகு வரும் ரசீது தாள்கள் மற்றும் பெரிய வணிக நிறுவனங்களில் பொருட்களை வாங்கும் போது தரப்படும் பில்லினால் மனிதர்களுக்கு புற்றுநோய் ஏற்பட வாய்ப்பிருப்பதாக தகவல்கள் வெளியாகியுள்ளன.

ஏடிஎம் ரசீது போன்ற கணினிகளால் ஜெனரேட் செய்யப்படும் தாள்களை தயாரிக்க பிஸ்பினால் என்ற ரசாயனம் பயன்படுத்தப்படுகிறது. இந்த பிஸ்பினால் ரசாயனம், மனித தோலினை ஊடுருவிச் சென்று உடல் நலத்துக்கு தீங்கு விளைவிக்கும் என்பது அறிவியல் ஆராய்ச்சியாளர்களின் கருத்து.

இது குறித்து ராஜஸ்தான் சட்டமன்றத்தில் கேள்வி எழுப்பப்பட்டதற்கு, அம்மாநில அமைச்சர்  பதில் அளிக்கையில், ‘ஏ.டி.எம். தாள்களால் புற்று நோய் ஏற்படுகிறது என்பது அறிவியல் பூர்வமாக நிரூபிக்கப்படவில்லை. இதுபற்றி ஆய்வு நடத்த உயர் நிலைக் குழுவை நியமிக்க அரசு முடிவு செய்துள்ளது என்று கூறியுள்ளார்.

வங்கி அதிகாரிகள் இது குறித்து கூறுகையில், வங்கி ஏடிஎம் மட்டுமில்லாமல் சிறிய கடைகளில் கொடுக்கும் ரசீதில் கூட பிஸ்பினால் கலக்கப்பட்டுள்ளது. இதுவரை ஏடிஎம் ரசீதினால் புற்றுநோய் ஏற்பட்டதாக எந்த புகாரும் வரவில்லை என்பதே பதிலாக உள்ளது.

அமெரிக்கா, பிரான்ஸ், கனடா, ஸ்வீடன் உள்ளிட்ட நாடுகளில் ஏடிஎம்களில் இதுபோன்ற தெர்மல் காகிதங்கள் பயன்படுத்த ஏற்கெனவே தடை விதிக்கப்பட்டுள்ளது இதற்கு முக்கிய ஆதாரமாக உள்ளது.

இதுவரை அறிவியல் பூர்வமான ஆதாரங்கள் இல்லையெனினும், மனிதர்களிடையே புற்றுநோய் தாக்கம் அதிகரித்திருப்பதற்கான காரணத்தை விஞ்ஞானிகள் கண்டறிய வேண்டிய நேரம் வந்துவிட்டது என்பதையேக் காட்டுகிறது..

பலரும் ஏடிஎம் பேப்பர்களை கிழித்தெறியாமல் பத்திரப்படுத்தி கோயிலுக்குச் செல்லும் போதெல்லாம் சுவாமி பிரசாதத்தை அதில் மடித்து வைத்து அவ்வபோது பயன்படுத்துவதை வழக்கமாகக் கொண்டுள்ளனர். இந்த செய்தி நிச்சயம் அவர்களுக்கு பெரும் அதிர்ச்சியாக இருக்கும் என்பது உண்மை.




வாணிஸ்ரீ சிவகுமார் -