கவிதை : வீணையடி நீ எனக்கு

by **சே.குமார்** Sat 23 Jul 2016 - 19:37

இடைநில்லாப் பேருந்தில்
இரைச்சலில்லா
இரவுநேரப் பயணம்...

தார்ச்சாலை இருட்டைத்
தகர்த்து இலக்கை நோக்கி
விரையும் பேருந்துக்குள்
இசையாய் இசைஞானி...

படியில் தொங்கும்
பயணிகள் இல்லை...
இடித்து நிற்கும்
இம்சையும் இல்லை...

பக்கத்து மனிதனின்
தோள் சாயாது
காலி இருக்கையில்
கால் நீட்டித் தூங்கும்
மனிதர்கள்...

பின்னிரவிலும் விழித்திருக்கும்
காதலிக்கு பேசியபடி வரும்
முன்னிருக்கை காதலன்...

எதிலும் ஒட்டாமல்
சாய்ந்து படுத்தவன்
மெல்ல விலக்கினேன்
சன்னல் கண்ணாடியை...

திறக்காத சன்னலால்
திமிறிய காற்று...
வழி கிடைத்ததும்
கன்னத்தில் அறைந்தது...

கவிதை : வீணையடி நீ எனக்கு 11736935_869711359749731_1255709504_n

கவிதை : வீணையடி நீ எனக்கு 11736935_869711359749731_1255709504_n

கடந்து செல்லும் மரத்தை
ரசிக்க மறுத்த மனசு...
அவளின் நினைவுகளை
மீட்டி எடுத்து வாட்டி வதைத்தது...

நாளை திருமணம்...
வாழ்த்த வரணுமாம்...
மென்று விழுங்கிய
வார்த்தைகளால்
கொன்று வீசினாள்
காதலையும் என்னையும்...

ஏமாற்றுவது ஆண்கள்
மட்டுமல்ல பெண்களும்தான்...
ஏமாறுவது பெண்கள்
மட்டுமல்ல ஆண்களும்தான்...

கொஞ்சம் சன்னலை
அடைங்க தம்பி குளிருது
பின்னிருக்கை குரலால்
அடைத்துச் சாத்தினேன்
சன்னலோடு அவள் நினைவையும்...

வானுயர்ந்த சோலையிலே
நீ நடந்த பாதையெல்லாம்...
பேருந்துப் பாடல்
பெருமழையென
மனதுக்குள் இறங்க

மூடிய விழிக்குள்ளிருந்து
வெளியான கண்ணீர்
கன்னத்தில் இறங்கியது...

வீணையடி நீ எனக்கு
நான் சொல்லும் வரிகள்...
அவள் விரும்பும் வரிகள்...

ஆளில்லாத பக்கத்து
இருக்கையில் சாய்ந்திருந்தது
திருமணப் பரிசாய்
வாங்கிய அழகிய வீணை...!

by **Nisha** Sun 24 Jul 2016 - 17:16

ஆஹா! குமாருக்குள் இத்தனையும் உண்டோ?

நித்திரைக்குள் நினைவுகளின் ஊர்வலம் அசத்தல்.

அழகான வரிகளில் ரமணிச்சந்திரனின் நாவலை நினைவு படுத்தும் இனிமையான தலைப்பில் சூப்பர் கவிதை குமார். அவளின் நினைவுகளை தொடர்ந்தும் எழுதுங்கள். ஹாஹா!

by **சே.குமார்** Mon 25 Jul 2016 - 6:17

@ நிஷா அக்கா...

கருத்துக்கு நன்றி அக்கா...

அது சரி எவளின் நினைவுகளை?

by Sponsored content

கவிதை : வீணையடி நீ எனக்கு

கவிதை : வீணையடி நீ எனக்கு

Re: கவிதை : வீணையடி நீ எனக்கு

Re: கவிதை : வீணையடி நீ எனக்கு

Re: கவிதை : வீணையடி நீ எனக்கு