கதம்பம்

by **rammalar** Sat 21 Aug 2021 - 16:56

பெண்ணுக்கு அழகே ஞானம்.. ஆணுக்கு ஞானமே அழகு..!!
நைஜீரிய பழமொழி: அழகில்லாதவனின் நற்குணம் அழகை விட மேலானது...!!
அழகென்பது ஈர்ப்பு; நற்குணம் இதயத்தை ஈர்ப்பது...!
புன்னகைக்கும் உதடுகளே பெண்ணுடலின் அழகான வளைவு...!!
உண்மையான அழகென்பது நேர்த்தியான முகத்தை கொண்டதன்று..?
நேர்த்தியான மனமும்,
நேர்த்தியான உள்ளமும்,
நேர்த்தியான ஆன்மாவும் கொண்டிருப்பதேயாகும்.
நம் நாட்டில் அழகைப் பற்றி பல பழமொழிகளும், முதுமொழிகளும் சொற்றொடர்களும் வழங்கி
வருகிறன.
கைக்கு அழகு நன்கொடை
தலைக்கழகு பெரியோர் பாதசேவை
முகத்துக்கழகு உண்மையான சொல்
புஜங்களுக்கழகு ஒப்பற்ற பராக்கிரமம்
மனத்துக்கழகு நல்லொழுக்கம்
செவிகளுக்கழகு நல்ல சாத்திரங்களைக் கேட்டல்
புத்திக்கு வித்தையே அழகு
கண்ணுக்கு மையழகு
கவிதைக்குப் பொய்யழகு
மயிலுக்குத் தோகையழகு.
குயிலுக்குக் குரலழகு
சூடு ஒரு ருசி
சிவப்பு ஒரு அழகு
கறுப்பு ஒரு அழகு
காந்தல் ஒரு ருசி
அழகுக்கு அணிந்த
ஆபரணம் ஆபத்துக்கு உதவும்.
ஆறில்லா ஊருக்கு
அழகு பாழ்
ஆணில்லா பெண்ணிற்கு அழகு பாழ்
ஆக்கத்தெரியாட்டா புளியைக் கரைக்கணும்
அழகில்லாட்டா மஞ்சளப் பூசணும்
அகத்தின் அழகு முகத்தில் தெரியும்.
பகைவனின் புன்சிரிப்பை விட நண்பனின் கோபம் சிறந்தது.
அழகு என்பது ஆண்டவனின் அருட்கொடை.
அழகே உண்மை. உண்மையே அழகு.
அழகும் அபத்தமும் உடன்பிறந்தவை.
அன்பின் குழந்தையே அழகு.
முகத்தின் அழகு முறிந்து போகும் அணிகலன்..
அழகில் அடைவது மகிழ்ச்சியும் இனிமையும்.
அழகை உருவாக்கும் அணிகலன் மனமகிழ்ச்சி.
அழகும் அடக்கும் அமைவது அரிது.
அழகின் ஆட்சிக்காலம் அற்பமானது.
பணிவில்லாத அழகு காம்பில்லாத மலர் போன்றது.
அழகை வெளிப்படுத்தும் அறிவுள்ள வழி அதை மறைத்தல்.
அழகு உண்மையின் ஒளி.
அழகு இயற்கையானது, ஏற்படுத்தப்படுவது அல்ல.
காணப்படும் அழகு காண்பவனின் கண்களிலும் உள்ளது.
அழகிய நபரின் நற்குணம் அழகுக்கு அழகு செய்யும்.
அழகானதெல்லாம் நல்லதல்ல -ஆனால் நல்லதெல்லாம் அழகு.
இனிய அழகு இறைவனின் கையெழுத்து.
நல்லியல்பற்ற அழகு நறுமணமற்ற மலர்.

by Sponsored content

கதம்பம்

கதம்பம்

Re: கதம்பம்

Re: கதம்பம்

Re: கதம்பம்

Re: கதம்பம்