இந்திய தயாரிப்பு டீசல் ரயில் எஞ்ஜின்கள் இறக்குமதிக்கு இலங்கை தடை

கொழும்பு: தொழில்நுட்ப ‌கோளாறு ஏற்பட்டதன் காரணமாக இந்திய டீசல் ரயில் எஞ்ஜின்களை இறக்குமதி செய்ய இலங்கை தடை விதித்துள்ளது. இந்தியாவில் தயாரிக்கப்படும் டீசல் ரயில் எஞ்ஜின்கள் இலங்கைக்கு ஏற்றுமதி செய்யப்பட்டு வந்தன. இதற்காக 167 மில்லியன் டாலர் அளவுக்கு 17 ரயில் எஞ்ஜின்கள் ஏற்றுமதி செய்ய இலங்கை- இந்தியா இடையே ஒப்பந்தம் ஏற்பட்டது. அதன்படி 17 டீசல் ரயில் எஞ்ஜின்கள் இலங்கைக்கு கடந்த வாரம் இறக்குமதி செய்யப்பட்டன. இத்தகைய டீசல் ரயில் எஞ்ஜின்களுக்கு நடந்த சோதனை ஒட்டத்தின் போது தொழில் நுட்ப கோளாறு ஏற்பட்டது. இது குறித்து போக்குவரத்து துறை அமைச்சர் குமாராவெல்காமா, டெய்லி மிரர், ஆன்லைன் பத்திரிகைக்கு அளித்த பேட்டியில், இலங்கையில் தென்பகுதிகளுக்கு ரயில் போக்குவரத்து துவங்குவதற்காக இந்தியாவிடமிருந்து 17 ரயில் எஞ்ஜின்கள் இறக்குமதி செய்யப்பட்டன. இதற்காக சோதனை ஒட்டம் நடத்திய போது ரயில்கள் இயங்குவதில் இரண்டு முதல் மூன்று மணி நேரம் தாமதம் ஏற்பட்டது. இதன்மூலம் தொழில் நுட்ப கோளாறு ஏற்பட்டு்ள்ளது தெரியவந்துள்ளது. இனி இந்தியா ரயில் எஞ்ஜின்களை இறக்குமதியை நிறுத்தி வைத்துள்ளோம். மேலும் இந்திய ரயில் எஞ்ஜின்களின் தரம் குறித்து நன்கு ஆராய்ந்த பிறகே இறக்குமதி குறித்து பரிசீலிக்கப்படும். இலங்கை அரசின் பொதுநிதியினை இனிமேல் வீணடித்திட மாட்டோம்.. இதற்கு முன்னர் இறக்குமதி செய்யப்பட்ட டீசல் ‌எஞ்ஜின்களின் தரம் குறித்து ஆராய நடவடிக்கை எடுக்கப்படு். இவ்வாறு அவர் கூறினார் இதற்கிடையே கொழும்பில் உள்ள இந்திய தூதரகத்தில் இது குறித்து கேட்ட போது உரிய பதில் எதுவும் தெரிவிக்கப்படவில்லை.