மீண்டது இங்கிலாந்து அணி

இலங்கைக்கு எதிரான லார்ட்ஸ் டெஸ்டில் அலெஸ்டர் குக், இயான் பெல், இயான் மார்கன், மட் பிரையர் உள்ளிட்டோர் அரைசதம் அடித்து கைகொடுக்க இங்கிலாந்து அணி சரிவிலிருந்து மீண்டது.
இங்கிலாந்து சென்றுள்ள தில்ஷன் தலைமையிலான இலங்கை அணி மூன்று போட்டிகள் கொண்ட பயிற்சி தொடரில் பங்கேற்கிறது. சமீபத்தில் கார்டிப் நகரில் நடந்த முதல் பயிற்சி போட்டியில் இங்கிலாந்து அணி இன்னிங்ஸ் மற்றும் 14 ரன்கள் வித்தியாசத்தில் வெற்றி பெற்று 1-0 என தொடரில் முன்னிலை வகிக்கிறது.

இந்நிலையில் இரண்டாவது பயிற்சி போட்டி லண்டனில் உள்ள லார்ட்ஸ் மைதானத்தில் நேற்று துவங்கியது. டொஸ் வென்ற இலங்கை கப்டன் தில்ஷன் களத்தடுப்பை தேர்வு செய்தார்.

முதல் இன்னிங்சை துவக்கி இங்கிலாந்து அணிக்கு கப்டன் ஸ்டிராஸ்(4), வெலகேதரா வேகத்தில் எல்.பி.டபிள்யு முறையில் அவுட்டானார். அடுத்து வந்த ஜோனாதன் டிராட்(2), கெவின் பீட்டர்சன்(2) இருவரும் சுரங்கா லக்மல் வேகத்தில் நடையை கட்டினர். இதனால் இங்கிலாந்து அணி 22 ரன்களுக்கு மூன்று டாப்-ஆர்டர் விக்கெட்டை இழந்து திணறியது.

பின் இணைந்த அலெஸ்டர் குக், இயான் பெல் ஜோடி அபார ஆட்டத்தை வெளிப்படுத்தி அணியை சரிவிலிருந்து மீட்டது. பொறுப்புடன் ஆடிய இவர்கள் இருவரும் அரைசதம் கடந்து அணியின் ஸ்கோரை உயர்த்தினர். நான்காவது விக்கெட்டுக்கு 108 ரன்கள் சேர்த்த போது இயான் பெல்(52) அவுட்டானார்.

அடுத்து களமிறங்கிய இயான் மார்கனுடன் இணைந்த குக், அபார ஆட்டத்தை தொடர்ந்தார். இவர் 164 பந்தில் 15 பவுண்டரி உட்பட 96 ரன்கள் எடுத்த போது, பெர்ணான்டோ வேகத்தில் மகரூப்பிடம் கேட்ச் கொடுத்து சதம் அடிக்கும் வாய்ப்பை இழந்தார்.

பின் இயான் மார்கன், மட் பிரையர் ஜோடி ஆட்டத்தை கையில் எடுத்துக் கொண்டது. பொறுப்புடன் ஆடிய மார்கன், பிரையர் இருவரும் அரைசதம் அடித்தனர். இங்கிலாந்து அணி தேநீர் இடைவேளைக்கு பின் 5 விக்கெட்டுக்கு 302 ரன்கள் எடுத்திருந்தது. மார்கன்(79), பிரையர்(50) அவுட்டாகாமல் இருந்தனர். இலங்கை சார்பில் வெலகேதரா, லக்மல் தலா 2, பெர்ணான்டோ ஒரு விக்கெட் வீழ்த்தினர்.

சிறந்த வீரர்களுக்கு வாழ்த்துக்களும்
இலங்கை வீரர்களுக்கு ஆறுதலும்
இன்னும் நல்லா ஆடி வெற்றி பெற வாழ்த்துக்களும்
தருகிறேன் சாதித்து காட்டுங்கள் நன்றி.

வாழ்த்துகள் வாழ்த்துகள்

:];: :];: