கன்னிப் பெண்களைத் தேடி அலையும் பணக்காரர்கள்

by **நேசமுடன் ஹாசிம்** Wed Aug 03, 2011 7:30 pm

இளம்பெண்களுடன் "செக்ஸ்' வைத்துக் கொள்வது, பணக்காரர்களின்
சுகபோகங்களில் ஒன்றாகி விட்டது' என, கேரள ஐகோர்ட் கருத்துத் தெரிவித்துள்ளது.

கேரளா எர்ணாகுளம் மாவட்டம், பரவூரைச் சேர்ந்த மைனர் பெண்ணை நூற்றுக்கும் மேற்பட்டோர் கற்பழித்தது தொடர்பான வழக்கில், கைது செய்யப்பட்ட எட்டுப் பேர் ஜாமின் கோரி மனு தாக்கல் செய்தனர். இந்த மனு கேரள ஐகோர்ட் நீதிபதி சங்கரன் முன், நேற்று விசாரணைக்கு வந்தது.
அப்போது, நீதிபதி கூறியதாவது: இளம்பெண்களுடன் "செக்ஸ்' வைத்துக் கொள்வதை, சுகபோகங்களில் ஒன்றாக பணக்காரர்கள் கருதுகின்றனர். இதனால், கன்னிப் பெண்களைத் தேடி அலைவது அதிகரித்துள்ளது. மற்றவர்களிடம் "செக்ஸ்' வைத்துக் கொண்டால், எய்ட்ஸ் வந்து விடும் என்ற பயமும் இதற்குக் காரணம். மைனர் பெண்ணை கற்பழித்தது தொடர்பான வழக்கில், கைது செய்யப்பட்ட எட்டுப் பேரின் ஜாமின் மனுக்களை தள்ளுபடி செய்கிறேன். இவ்வாறு நீதிபதி கூறினார். இந்த வழக்கில், மைனர் பெண்ணின் தந்தை உட்பட, 60 பேர் இதுவரை கைது செய்யப்பட்டுள்ளனர். கடந்த ஜூன் மாதம் போலீசாரிடம் மைனர் பெண் கொடுத்த புகாரில், மலையாளப் படங்களில், சிறுசிறு வேடங்களில் நடித்து வரும் தன் தந்தை, தன்னை முதலில் கற்பழித்ததாகவும், பின்னர் பல்வேறு இடங்களுக்கு அழைத்துச் சென்று, நூற்றுக்கும் மேற்பட்டவர்களுக்கு, தன்னை விருந்தாக்கியதாகவும், புகார் தெரிவித்திருந்தார் என்பது குறிப்பிடத்தக்கது.