சீனர்களுக்கு மரண தண்டனை வழங்கிய இலங்கை!

by **mufees** Sat 20 Aug 2011 - 7:13

ஐந்து சீனர்களுக்கு சிறிலங்கா மேல் நீதிமன்றம் மரணதண்டனை விதித்துள்ளது. வெள்ளவத்தையில் உள்ள சீன உணவகம் ஒன்றில் பணியாற்றிய சீனர் ஒருவரை கொலை செய்து அவரது சடலத்தை மறைக்க முயற்சித்த ஐந்து சீனர்களுக்கே நேற்று மரணதண்டனை விதிக்கப்பட்டுள்ளது.

2003ம் ஆண்டு சீனர் ஒருவரைக் கொலை செய்த ஐந்து சீனர்களும் அவரது சடலத்தை வாகனத்தில் எடுத்துச் சென்று கண்டியில் காட்டுப்பகுதி ஒன்றில் வீசியிருந்தனர்.

இரண்டு பொதிகளாக கட்டப்பட்டிருந்த சடலம் கண்டுபிடிக்கப்பட்டதை அடுத்து ஐந்து சீனர்களும் கைது செய்யப்பட்டு கொழும்பு மேல் நீதிமன்றத்தில் வழக்குத் தாக்கல் செய்யப்பட்டது.

இந்த வழக்கிலேயே ஐந்து சீனர்களுக்கும் மரணதண்டனை விதிக்கப்பட்டுள்ளது.

சிறிலங்காவுக்கும் சீனாவுக்கும் இடையில் நெருக்கமான உறவுகள் இருக்கும் நிலையில் இவர்களுக்கான மரணதண்டனை நிறைவேற்றப்பட வாய்ப்பில்லை என்று கருதப்படுகிறது.