உடப்பில் வயோதிப பெண் மீது இனந்தெரியாத நபர் தாக்குதல்

by **நண்பன்** Fri 26 Aug 2011 - 9:14

உடப்பில்
வயோதிப பெண் மீது
இனந்தெரியாத நபர் தாக்குதல்

கே. அசோக்குமார், பங்கதெனிய விசேட நிருபர்

உடப்பு, ஆண்டிமுனையில் சுமார் 70 வயது மதிக்கத்தக்க பெண்ணொருவர் இனந்தெரியாத நபர்
ஒருவரின் தாக்குதலுக்கிலக்காகி சிலாபம் பெரியாஸ்பத்திரியில் நேற்று அனுமதிக்கப்
பட்டுள்ளார். ஆண்டிமுனை மாரியம்மன் கோவில் குருக்கள் உமாசுதசர்மா வின் தாயாரான
விஸ்வநாத ஐயர் ஜெகதான்பாள் (வயது 70) என்ற வயோதிப பெண்ணே இவ்வாறு தாக்குதலுக்கு
இலக்காகியுள்ளார்.
நேற்று முன்தினம் நள்ளிரவு வீட் டில் தனியே இருந்த போது வீட் டின் கூரையை
பிரித்துக்கொண்டு மர்ம மனிதர்கள் இறங்கி மேற்படி பெண்ணைத் தூக்கியுள்ளதாக பொலிஸில்
முறைப்பாடு செய்யப்ப ட்டுள்ளது.
நேற்று அதிகாலை சுமார் 5.30 மணியளவில் அவரது வீட்டுக்குச் சென்ற மகன் வீடு
மூடப்பட்டுள்ள தால் தன்னிடமுள்ள திறப்பைக் கொண்டு கதவைத் திறந்த போது தாய் வீட்டின்
நடுவே மூர்சையற்ற நிலையில் விழுந்து கிடந்ததாக மகன் உமாசுத சர்மா தெரிவித்தார்.
உடனடியாக வாகனமொன்றில் சிலாபம் ஆஸ்பத்திரிக்கு கொண்டு வரப்பட்ட அவர் சிகிச்சைக்காக
அனுமதிக்கப்பட்டுள்ளார்.

ஆஸ்பத்திரியில் அனுமதிக்கப்படும் போது தொடர்ந்தும்
நினைவிழந்த நிலையிலேயே இருந்ததாக அவரது மகன் தெரிவித்தார். கீழே விழுந்து கிடந்த
தாயின் நெற்றியில் கிaஸ் போன்ற ஒரு கறுப்புநிற திரவம் சிறிதளவு
பூசப்பட்டிருந்ததாகவும் ஆஸ்பத்திரிக்கு எடுத்துச் செல்வதற்கு முன் அதனைத்
துடைத்துவிட்ட தாகவும் கூறினார்.
முகத்தில் ஆங்காங்கே சிறு சிறு கீறல் காயங்கள் இருந்ததாக அவர் தெரிவித்தார்.
இச்சம்பவம் தொடர்பாக சிலா பம் பொலிஸார் மேலதிக விசார ணைகளை மேற்கொண்டு வருகின்ற
னர்.