ஆப்கனில் மீண்டும் பெண்களுக்கு எதிரான கொடுமைகள் ஆரம்பம்

by **பாயிஸ்** Tue 4 Oct 2011 - 13:11

ஆப்கானிஸ்தானில் பெண்களில் உரிமைகள் மீண்டும் அச்சுறுத்தலுக்கு உள்ளாகியுள்ளது என அரசியல் ஆய்வாளர்கள் கருத்து வெளியிட்டுள்ளனர்.
கடந்த 10 வருடங்களில் பெண்களின் சுதந்திரத்தில் ஏற்பட்ட முன்னேற்றம் தற்போது ஆபத்திலுள்ளது எனவும் தெரிவித்துள்ளனர்.

சர்வதேசத் துருப்புக்களின் பின்வாங்கல் மற்றும் தலிபானுடனான அரசியல் ஒப்பந்தம் என்பன ஆப்கானிஸ்தான் பெண்களது எதிர்காலத்தைத் தீர்மானிக்கலாம் என அச்சம் வெளியிடப்பட்டுள்ளது.

தலிபான்களது செயற்பாடுகள் அடக்கப்பட்டிருந்த கடந்த 10 வருடங்களில் 2.7 மில்லியன் பாடசாலை செல்லும் பெண்பிள்ளைகள் கல்வியில் முன்னேறியதாக கணிப்பீடுகள் வெளியிடப்பட்டுள்ளது.

அரசியல் ரீதியில் பார்த்தால் நாட்டின் பாராளுமன்றத்தில் 28 வீதம் பெண்கள் நுழைந்திருந்தனர். எனினும் அங்கு அதிகரித்துவரும் வன்முறைகளால் பெருமளவில் பாதிக்கப்படுவது பெண்களே என தெரிவிக்கப்பட்டுள்ளது.

இங்குள்ளவர்களில் 87 சதவீதப் பெண்களும் உடல்ரீதியாகவும் பாலியல் ரீதியாகவும் மனோரீதியாகவும் அல்லது பலவந்தப்படுத்தப்பட்ட திருமண ரீதியாகவும் பாதிக்கப்பட்டுள்ளனர்.

2009 இல் கமீட் கர்சாய் ஆட்சியில் சியா குடும்பத்தினரின் சட்டத்தைக் கைச்சாத்திட்டதற்காக சர்வதேச விசாரணையை எதிர்கொண்டிருந்தார். இதில் சட்டரீதியான கற்பழிப்புகளும் உள்ளடங்கியிருந்தன என மனித உரிமை அமைப்புகள் தெரிவித்தன.

உள்நாட்டிலும் வெளிநாட்டிலும் கர்சாய் தான் அந்தச் சட்டத்தினைப் பற்றி அறிந்திருக்கவில்லை என்றும் அதனை மாற்றியமைப்பதாகவும் தெரிவித்திருந்தார்.

பெண்களின் பாடசாலைகள் தாக்கப்படுவது பெண்கள் அமைப்புக்கள் தலிபான் கட்டுப்பாட்டிலுள்ள பகுதிகளில் தடைசெய்யப்பட்டிருப்பது என்பன மனித உரிமைச் செயற்பாட்டாளர்களை அச்சத்திற்கு மூள்கடித்துள்ளது.

ஆப்கன் பெண்களுக்கு அமைதியே தேவை என மீண்டும் வலியுறுத்தப்பட்டுள்ளது. தலிபான்களுடன் மேற்கொள்ளும் ஒப்பந்தத்தால் பெண்கள் மீண்டும் தமது வீடுகளுக்குள் அடைக்கப்படக்கூடிய நிலை அவர்களுக்குத் தேவையில்லை என்றும் தெரிவிக்கப்பட்டுள்ளது

by **நேசமுடன் ஹாசிம்** Tue 4 Oct 2011 - 13:14

இறைவன் அனைத்துக்கும் போதுமானவன் அவனே அவர்களுக்கு பாதுகாப்பளித்திடட்டும் நன்றி பாயிஸ்

ஆப்கனில் மீண்டும் பெண்களுக்கு எதிரான கொடுமைகள் ஆரம்பம்

ஆப்கனில் மீண்டும் பெண்களுக்கு எதிரான கொடுமைகள் ஆரம்பம்

Re: ஆப்கனில் மீண்டும் பெண்களுக்கு எதிரான கொடுமைகள் ஆரம்பம்