அதர்மம் ஒழிக்கப்பட்ட தினத்தில் நாட்டை கட்டியெழுப்ப ஒன்றுபடுவோம்

அதர்மம் ஒழிக்கப்பட்ட தினத்தில்
நாட்டை கட்டியெழுப்ப ஒன்றுபடுவோம்



அதர்மம் ஒழிக்கப்பட்டு தர்மம் நிலைநாட்டப்பட்டிருக்கும் தேசத்தினை
செளபாக்கியமிக்கதோர் தேசமாக மாற்றும் பணியினை முன்னெடுத்துச் செல்பவர்களில்
ஒருவராகுங்கள். அப்போதுதான் பிறப்பினால் இந்துமத பக்தராகிய நீங்கள் உண்மையிலேயே
கிருஷ்ண பகவானைப் பின்பற்றுபவர்களாகுவீர்களென பிரதமர் தி.மு. ஜயரத்ன விடுத்துள்ள
தீபாவளி வாழ்த்துச் செய்தியில் தெரிவித்துள்ளார்.
அந்தச் செய்தியில் கூறப்பட்டுள்ளதாவது: உலகவாழ் பக்தர்கள் பக்தியுடன் கொண்டாடும்
தீபாவளித் திருநாளை முன்னிட்டு ஆசிச் செய்தினை வெளியிடுவதில்
பெருமகிழ்ச்சியடைகின்றேன்.

இந்துக்களின் ஆன்மீக மீட்சியாளராகக் கருதப்படும் கிருஷ்ண
பகவானுக்கு நன்றி செலுத்துமுகமாக ஆண்டுதோறும் தீபாவளித் திருநாள் கொண்டாடப்படுவது,
அதர்மம் ஒழிக்கப்பட்டு தர்மம் நிலைநாட்டப்படும் என்பது இதன் பிரதான கருப்பொருளாகக்
கொள்ளப்படுகின்றது.

“நரகாசுரன்” என்ற அரக்கனின் பிடியில் சிக்கியிருந்த இந்துமத
பக்தர்களை அந்தப் பிடியில் இருந்து விடுவித்துப் பாதுகாத்தவர் கிருஷ்ண பகவான் ஆவார்.
இலங்கையினுள் எந்தவொரு சமய விழாவினையும் கொண்டாட முடியாத இருண்ட யுகத்தை முடித்து
வைத்தவர் ஜனாதிபதி மஹிந்த ராஜபக்ஷ அவர்களாவார்.
யுத்தம் முடிவுக்குக் கொண்டு வரப்பட்டதனால் தற்போது தமது பிள்ளைகளுடன் சேர்ந்து
மகிழ்ச்சியாகவும் சுதந்திரமாகவும் மதக் கிரியைகளில் ஈடுபடுவதற்கு எம்மனைவருக்கும்
சந்தர்ப்பம் கிடைத்துள்ளது. இந்தத் தீபாவளித் திருநாளைச் சுதந்திரமாகக்
கொண்டாடக்கூடிய சந்தர்ப்பத்தை எமக்கு ஏற்படுத்தித் தந்தவர் அந்த உன்னத தலைவர் தான்
என்பதனை இச்சந்தர்ப்பத்தில் நாம் மறந்துவிடலாகாது.
சிறுவர் படையில் இணைந்து கொள்வதற்காக பின் கதவினால் சென்ற தமது பிள்ளைகளைப் பற்றிக்
கவலைப்பட்டுக் கொண்டிருப்பதற்குப் பதிலாக இன்று அவர்களுடன் ஒரே மேசையில் ஒன்றாக
அமர்ந்து சாப்பிடுவதற்கான சுதந்திரம் உறுதிப்படுத்தப்பட்டுள்ளது. அதனால் அந்த
இருண்ட கடந்த காலத்தைப் பற்றி அழுது புலம்புவதற்கான தருணம் இதுவல்ல என எனது
அன்பார்ந்த தமிழ் சகோதர, சகோதரிகளுக்கு அன்புடன் கூறிக்கொள்ள விரும்புகின்றேன்.
தற்போது எம்முன் இருக்கும் சவால் யாதெனில், இந்த நாட்டை அபிவிருத்தி செய்யும் பாரிய
யுத்தமாகும். சகல இனத்தவர்களும் ஒற்றுமையுடனும் சகோதரத்துவத்துடனும் அந்த
அபிவிருத்தி யுத்தத்தில் பங்குதாரர்களாக வேண்டும்.
உங்கள் அனைவருக்கும் எனது தீபாவளித் திருநாள் வாழ்த்துக்கள் உரித்தாகட்டும்!