ரஷ்ய விண்கல சிதறல்கள் பசிபிக் கடலில் விழுந்தது

by *சம்ஸ் Tue 17 Jan 2012 - 6:30

ரஷ்ய விண்கல சிதறல்கள் பசிபிக் கடலில் விழுந்தது
செயலிழந்த ரஷ்ய விண்கலம் நேற்று முன்தினம் பூமியில் விழுந்ததாக ரஷ்ய இராணுவம் தெரிவித்துள்ளது. இந்த விண்கலம் துண்டுகளாக வெடித்து சிலியிலுள்ள தென்கிழக்கு பசுபிக் கடலில் விழுந்துள்ளது.

சிலியின் வெலிங்டன் தீவிலிருந்து மேற்காக 1,250 கிலோ மீற்றருக்கு அப்பால் இந்த விண்கலத்தின் துண்டுகள் விழுந்ததாக ரஷ்ய இராணுவ பேச்சாளர் அந்நாட்டு அரச ஊடகமான இடா- டாஸ்ஸ¤க்கு தெரிவித்துள்ளார்.

செவ்வாய் கிரகத்தில் ஆய்வு மேற்கொள்வதற்காக ரஷ்யாவினால் அனுப்பப்பட்ட 13 தொன் பாரமுடைய இந்த விண்கலம் செயலிழந்தது. இந்த விண்கலம் செவ்வாய் கிரகத்தின் துணைக்கோலை ஆய்வு செய்யும் முயற்சியாகவே அனுப்பப்பட்டது.

எனினும் கடந்த நவம்பர் 9 ஆம் திகதி அனுப்பப்பட்ட இந்த விண்கலம் பூமியின் ஈர்ப்புச் சக்தியை கடக்கும்போதே செயலிழந்துவிட்டது. இந்த விண்கலம் எப்போது வேண்டுமானாலும் தீப்பற்றி எரிந்து வெடித்து சிதறி பூமியின் மேற்பரப்பில் விழலாம் என நிபுணர்கள் தெரிவித்திருந்தனர்.