தமிழ் பழமொழிகளும் அதன் விளக்கங்களும்!

தமிழ் பழமொழிகள்
------------------------------
என்ற இந்த பதிவை நான் தமிழர்களின் சிந்தனை களம் என்ற தளத்தில் ....

மாலதி என்ற பதிவாளர் தொடர்ந்து பதிந்து வருகிறார்
அதை பிதலத்தில் மீள் பதிவு செய்கிறேன்

நன்றி ;மாலதி

அகத்தின் அழகு முகத்தில் தெரியும்
ஒருவரது மனநிலையை அவரது முகத்தில் கண்டு அறியலாம். அவரது முக பாவனைகளை வைத்தே அவரது மனதில் எந்ன இருக்கிறது என்பதை அறிந்து கொள்ள முடியும்.
மனிதருக்கு முகபாவங்கள் அவரது மன எண்ணங்களை பொறுத்து அமையும்.

அகல உழுகிறதை விட ஆழ உழு.
----------------------------------
நிலம் உழும் போது நிலத்தின் அடியில் உரம் மிக்க மண் இருக்கும், மேல் மண் அடிக்கடி பயிரிடப்பட்டு தாது பொருட்கள் குறைந்து காணப்படும், புது மண்ணில் பயிர் செழித்து வளரும்.
மேலோட்டமாக உழுதுச் செல்வதை விட ஆழமாக உழுதால் அடிமண் மேலே வரும், இதனால் பயிருக்கும் செழிப்பு.
அதே போல, நூல்கள் படிக்கும் போதும், கல்வி கற்கும் போதும், சில விசயங்கள் கற்றுக்கொள்ளும் போதும் மோலோட்டமாக தெரிந்து கொள்ளாமல் ஆழ்ந்து தெரிந்துகொள்ளல் அவசியமாகும். அதுவே நிலைக்கும். மற்றவை சில தினங்களில் மறந்துவிடும்.
இப்பழமொழி அறிவுரை மட்டும் கூறாமல் பண்டைய தமிழர் விவசாய அறிவையும் விளக்குகிறது.

மேலும் அறிய இந்த லிங்க்கை அழுத்தவும் http://www.puthiyatamil.net/t45356-tamil-

அகல் வட்டம் பகல் மழை

-----------------------------

அகல் வட்டம் காணப்பட்டால் மழை வர வாய்ப்பு உண்டுய
அகல் வட்டம் என்பது (அகல்) விளக்கின் ஒளியைச்சுற்றி பிரகாசமாக தெரியும் வட்டத்தைப்போல சூரியனைச்சுற்றியும் பெரிய வட்டம் தெரியும். அவ்வாறு வானத்தில் அகல்வட்டம் தெளிவாக காணப்பட்டால் மழை வருவதற்கான வாய்ப்பு உண்டு என்பது பொருள்.

அசைந்து தின்கிறது யானை, அசையாமல் தின்கிறது வீடு.

-------------------------

சைவ மிருகங்களில் பெரிதான யானைக்கு உணவளித்து தாக்குப்பிடிப்பது கடினம். அது அசைந்து அசைந்து சாப்பிட்டுக்கொண்டே இருக்கும். அதனால் உணவு சீக்கிரமாகவே தீர்ந்துவிடும்.
ஆனால் வீட்டில் உள்ளவர்கள் வேலை செய்யாது (அசையாது) சம்பாதிக்காமல் சாப்பிட்டுக்கொண்டே இருந்தால் எவ்வளவுதான் சொத்து இருந்தாலும் மிக விரைவில் சொத்துகள் தீர்ந்துவிடும்.
எனவே தேவைக்கு ஏற்ப உழைத்து சம்பாதித்து சாப்பிட வேண்டும்.

அச்சமில்லாதவன் அம்பலம் ஏறுவான்
-----------------------------------------

அம்பலம் என்பதற்கு கோவில் என்ற ஒரு பொருள் உண்டு. அதே போல பண்டைய ஊர் மக்கள் கூடிப்பேசும் மண்டபத்தை அம்பலம் என்றும் கூறுவர். அம்பலத்தில் ஒரு விசயம் வந்துவிட்டால் அது அனைவருக்கும் தெரிந்துவிடும் அதலால் இரகசியம் அம்பலமானது போன்ற சொல்லாடல் ஏற்பட்டது.
அம்பலத்தில் பலர் இருக்க அதன் முன்னிலையில் பேசுவதற்கு தைரியம் வேண்டும். அச்சம் (பயம்) இல்லாதவனே அம்பல மண்டபத்தில் பேச முடியும்.
அம்பலத்தில் பேச தயங்குகிறவனை ஏளனமாக அச்சமுடையவன் என்று கேலி பேசுவதற்கு அச்சமில்லாதவன் அம்பலம் ஏறுவான் என்ற வாக்கியம் வழங்கப்பட்டது.

by **Nisha** Wed 16 Apr 2014 - 16:01

திரியின் தலைப்பு தமிழ் பழமொழிகள் எனும் தலைப்பிலிருந்து தமிழ்ப்பழமொழிகளும் அதன் விளக்கங்களும் என மாற்றப்பட்டு இலக்கியங்கள் பகுதியிலிருந்து சிறுவர் பூங்கா பழமொழிகள் ப்குதிக்கு நகர்த்தி இருக்கிறேன்!

நல்ல முயற்சி தொடருங்கள்.

by **ahmad78** Wed 16 Apr 2014 - 16:06

அறிந்துகொண்டேன்.

தொடருங்கள்.................

by **ராகவா** Wed 16 Apr 2014 - 16:25

மிக்க நன்றி...

by Sponsored content

தமிழ் பழமொழிகளும் அதன் விளக்கங்களும்!

தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!

Re: தமிழ் பழமொழிகளும் அதன் விளக்கங்களும்!