ந.க. துறைவன் புதுக்கவிதைகள்

by **ந.க.துறைவன்** Mon 26 May 2014 - 6:52

*
மஞ்சள் வெயில்…!!
*
மழை நின்ற பின்
அழகாகவிருந்தது
அந்தி
மஞ்சள் வெயில்
*.
கூடு திரும்பின
இரைதேடி அலுத்தப்
பறவைகள்.
ஆடுகள் மாடுகள்
வீடு திரும்பின
பொழுதோடு
மேய்ந்து வயிறு
நிரம்பிய திருப்தியோடு,
*
வேலைக்குச் சென்றவர்கள்
களைப் போடுத் திரும்பினார்கள்
தேவையானப் பொருட்களை
வாங்கிச் சுமந்து
இரவு உணவு சமைப்பதற்கு,
*
மழை வரும் போல
மேகமூட்டம்
விலகவில்லை இன்னும்,
மழையில் நனைந்து
சுகிக்கலா மென்று
எதிப்பார்த்திருக்கின்ற
மௌன மரங்கள்.
*
விடிய விடிய
பெய்து தீர்த்தது
நள்ளிரவு
தொடங்கிய மழை…!!.
*

by **ந.க.துறைவன்** Mon 2 Jun 2014 - 9:46

*
சிணுங்கல்கள்…!!
*
அக்காவுக்கும் மாமாவுக்கும்
எப்பொழுதும் எதற்காகவேனும்
ஒன்றுமில்லாதற்கெல்லாம்
சின்னச் சின்னச் சண்டைகள்
அரங்கேறும்.
யார் தோற்பார்கள்?
யார் ஜெயிப்பார்கள்?
என்பதெற்கெல்லாம்
யாரும் கவலைப்படுதில்லை.
எல்லோருக்கு மிது
பழகிப் போய்விட்டது.
அனைவரும் அமர்ந்து
சாப்பிடும் வேளையில்,
மாமா எதையேனும்
பேசி மழுப்பிச் சிரிப்பார்.
தொலைக் காட்சி
தொடர் நாடகம் பார்க்கும்
அக்கா,
சிரித்துச் சிரித்துச்
சண்டையை மறப்பாள்.
அவரவர்கள் அறைக்குள்
ஆமையெனப் பதுங்கிக் கொள்வர்
உறங்கச் செல்ல,
குளிர்ச்சாதன அறையின்
குளிர்ச்சியில் மனம் அடங்கும்.
இருட்டில் மெல்ல மெல்ல
சிணுங்கல் சிரிப்பும் அடங்கும்.
*

by **ந.க.துறைவன்** Fri 6 Jun 2014 - 6:49

*
மாயை…!!
*
மந்திரத்தால்
காய்த்த மாங்காய்,
*
இரும்பைப்
பொன்னாக்கிடும்
ரசவாதத்தால்
கிடைக்கும் பணம்,
*
மாயாஜாலத்தால்
கைக்குட்டைக்குள்ளிருந்து
சிறகு விரித்து
வெளியில் வந்திடும்
புறாக்கள்.
*
பெண்ணைப்
பெட்டிக்குள் பூட்டி
வெட்டிக் காட்டும்
அதிர்ச்சி ஜாலம்.
*
இதுவரை
நடந்தேறாத
கீரிப் பாம்பு சண்டை.
*
இதிலெல்லாம்
மனிதனுக்கு ஏதோவொரு
மயக்கமிருக்கிறது
அதனால் தான்
என்றென்றும்
மாயைப் பார்த்து
மயங்குகிறான்
மனிதன்…!!.
*

by **kalainilaa** Fri 6 Jun 2014 - 16:50

by **ந.க.துறைவன்** Sat 7 Jun 2014 - 9:13

நன்றி கலைநிலா....

by Sponsored content

ந.க. துறைவன் புதுக்கவிதைகள்

ந.க. துறைவன் புதுக்கவிதைகள்

Re: ந.க. துறைவன் புதுக்கவிதைகள்

Re: ந.க. துறைவன் புதுக்கவிதைகள்

Re: ந.க. துறைவன் புதுக்கவிதைகள்

Re: ந.க. துறைவன் புதுக்கவிதைகள்

Re: ந.க. துறைவன் புதுக்கவிதைகள்