இளம்பெண்ணை கற்பழித்தஎம்.எல்.ஏ., தலை மறைவு

by *சம்ஸ் Sun 27 Feb 2011 - 6:06

மும்பை:மகாராஷ்டிர மாநிலம், பச்சோரா சட்டசபை தொகுதி தேசிய வாத காங்கிரஸ் எம்.எல்.ஏ., திலீப் வாக்கும், அவரது உதவியாளர் மகேஷ் மாலிக்கும், தனக்கு வேலை வாங்கித் தருவதாக நாசிக்கில் உள்ள, அரசு விருந்தினர் மாளிகைக்கு அழைத்துச் சென்று, இருவரும் தன்னை கற்பழித்ததாக, அவுரங்காபாத்தைச் சேர்ந்த 20 வயது இளம்பெண் போலீசில் புகார் அளித்தார்.உடன் நாசிக் போலீசார், எம்.எல்.ஏ., திலீப் வாக், அவரது உதவியாளர் மகேஷ் மாலிக் மீது வழக்குப்பதிவு செய்தனர். மகேஷ் மாலிக்கை போலீசார் கைது செய்துள்ள நிலையில், எம்.எல்.ஏ., தலை மறைவாகிவிட்டார். அவரை கைது செய்யும்படி, அம்மாநில உள்துறை அமைச்சரும் தேசிய வாத காங்கிரஸ் கட்சி மூத்த தலைவருமான பாட்டீல் உத்தரவிட்டுள்ளார்.இது குறித்து அவர் கூறுகையில், ""சட்டத்தின் முன் அனைவரும் சமம். சம்பவம் குறித்து போலீசார் தீவிர விசாரணை மேற்கொண்டுள்ளனர். எம்.எல்.ஏ., மீது வழக்குப் பதிவு செய்யப்பட்டதைத் தொடர்ந்து, தேசிய வாத காங்கிரஸ், அவரை கட்சியிலிருந்து சஸ்பெண்ட் செய்துள்ளது,'' என்றார்.