இங்கிலாந்திடம் உள்ள கோகினூர் வைரத்தை மீட்க உத்தரவிட முடியாது சுப்ரீம் கோர்ட்டு மறுப்பு

by **rammalar** Sat 22 Apr 2017 - 6:08

புதுடெல்லி,

இந்தியாவுக்கு சொந்தமான கோகினூர் வைரம்
ஆங்கிலேயர் காலத்தில் கைமாறி இங்கிலாந்துக்கு
சென்றுவிட்டது.

இதை இந்தியாவிடம் ஒப்படைக்கும்படி உத்தரவிடவேண்டும்
என்றும், இந்த வைரத்தை இங்கிலாந்து ஏலம் விட
அனுமதிக்க கூடாது எனவும் கோரி சுப்ரீம் கோர்ட்டில்
தொண்டு நிறுவனங்கள் சார்பில் மனுக்கள் தாக்கல்
செய்யப்பட்டன.

இந்த வழக்கு தலைமை நீதிபதி ஜே.எஸ்.கேஹர், நீதிபதிகள்
டி.ஒய்.சந்திரசூட், சஞ்சய் கி‌ஷன் கவுல் ஆகியோர் அடங்கிய
அமர்வு முன்பாக நேற்று இறுதி விசாரணைக்கு வந்தது.

அப்போது நீதிபதிகள் கூறுகையில், அன்னிய நாடு ஒன்றை
அது வைத்திருக்கும் வைரத்தை ஏலத்தில் விடக்கூடாது
என்று சுப்ரீம் கோர்ட்டால் கேட்டுக் கொள்ள முடியாது.

அதேபோல் அந்த வைரத்தை மீண்டும் இந்தியாவிடம்
ஒப்படைக்குமாறு எந்த உத்தரவையும் பிறப்பிக்க இயலாது
என்றனர்.

இது தொடர்பாக மத்திய அரசு தாக்கல் செய்த பிரமாண
பத்திரத்தை சுட்டிக் காட்டி நீதிபதிகள் கூறும்போது,
இங்கிலாந்திடம் உள்ள கோகினூர் வைரத்தை மீட்பது
தொடர்பாக இந்திய அரசு ஆராய்ந்து வருவதாக தெரிவித்தனர்.

பின்னர் கோகினூர் வைரத்தை மீட்க கோரிய மனுவை தள்ளுபடி
செய்தனர்.
-
---------------------------
தினத்தந்தி