அல்லாஹ்வின் நிழலில் ஒன்று கூடுவோம்

by **sikkandar_badusha** Sat 9 Jul 2011 - 14:11

அல்லாஹ்வின் நிழலில் ஒன்று கூடுவோம் நபி (ஸல்) அவர்கள் கூறுகின்றார்கள். அல்லாஹ்வின் நிழலைத் தவிர வேறு நிழலே இல்லாத அந்நாளில் அல்லாஹ் தன் நிழலை ஏழு பேருக்கு அளிக்கிறான். அவர்களின் ஒருவர் தம்முடைய வலக்கரம் செய்யும் தர்மத்தை இடக்கரம் அறியாதவாறு இரகசியமாக தர...்மம் செய்பவர் என்று அல்லாஹ்வின் தூதர் (ஸல்) அவர்கள் கூறினார்கள். அறிவிப்பவர்: அபூஹுரைரா (ரலி) நூல்: புகாரி 660

பூமியில் உள்ளவர்கிடம் நீங்கள கருணை காட்டுங்கள் வானத்திலுள்ளவன் (அல்லாஹ்) உங்கள் மீது கருணை காட்டுவான்.(அறிவிப்பவர்: அபூ ஹுரைரா (ரலி) நூல்: புகாரி. ''ஆதமின் மகனே! நீ மற்றவர்களுக்காகச் செலவிடு! உனக்கு நான் செலவிடுவேன்'' என்று அல்லாஹ் கூறியதாக நபி (ஸல்) அவர்கள் கூறுகின்றார்கள். அறிவிப்பவர்: அபூ ஹுரைரா (ரலி) நூல்: புகாரி 5352 .

”ஒவ்வொரு நாளும் இரண்டு வானவர்கள் இறங்குகின்றனர். அவ்விருவரில் ஒருவர், ‘அல்லாஹ்வே! தர்மம் செய்பவருக்குக் பிரதிபலனை அளித்திடுவாயாக!’ என்று கூறுவார். இன்னொருவர் அல்லாஹ்வே! (தர்மம் செய்யாமல் பொருளைத்) தடுத்து வைத்துக் கொள்பவர்களுக்கு அழிவை ஏற்படுத்துவாயாக!” என்று கூறுவார். புஹாரி : 1442

அபூஹுரைரா (ரலி). நபி (ஸல்) அவர்கள் கூறினார்கள், விதவைகளுக்காகவும், வறியவர்களுக்காகவும் பாடுபடுபவர் இறைவழியில் போர் புரிபவரைப் போன்றவர். அறிவிப்பாளர் : அபூஹுரைரா (ரலி) (புகாரி, முஸ்லிம்) தர்மம் செய்வதின் மூலமாக பாவத்தை விட்டும் உடம்பு பரிசுத்தமடைகின்றது.

அல்லாஹ் பரிசுத்த குர்ஆனில் (நபியே! அவர்களுடைய செல்வங்களிலிருந்து தர்மத்தை (ஸகாத்தை) எடுப்பீராக! அதனால் அவர்களை நீர் சுத்தப்படுத்தி அவர்களின் அகங்களை தூய்மையாக்கி வைப்பீராக!) அல்குர்ஆன் – தெளபா 103

திருவசனம் தர்மம் செய்வதின் மூலம் செல்வத்திலே பரகத்தும் றிஸ்கிலே அபிவிருத்தியும் உண்டாகும். (எந்தப்பொருளை நீங்கள் செலவு செய்த போதிலும் அதற்குப் பகரமானதை அவன் அளிக்கிறான்) (அல்குர்ஆன் ஸபா- 39)
அந்நாளில் அருட்கொட பற்றி விசாரிக்கப்படுவீர்கள். அல்குர்ஆன் 102:8 இந்த வசனத்தில் கூறப்படும் அருட்கொடை என்பது பொருட் செல்வம், மக்கட் செல்வம் என மனிதனுக்கு வழங்கப்பட்டுள்ள அனைத்துச் செல்வங்களையும் குறிக்கும். இந்தச் செல்வங்களைக் குறித்து மறுமையில் இறைவன் விசாரிப்பான். அன்புள்ள சகோதர சகோதரிகளே இந்த உலகில் ஆடம்பரமாகச் செலவு செய்வதை விட்டு விட்டு, வறுமையிலும் பசியிலும் வாழக்கூடிய மக்களுக்கு இன்ஷாஅல்லாஹ் நாமும் அதிகமதிகம் தர்மம் செய்து மறுமையில் நாம் அனைவரும் அல்லாஹ்வின் நிழல்லில் ஒன்று கூடுவோமாக ஆமின்!

நன்றி : சகோதரர் தாஜ் மொஹிதீன் ( FACE BOOK )

by **முனாஸ் சுலைமான்** Sat 9 Jul 2011 - 14:13

நபி (ஸல்) அவர்கள் கூறினார்கள், விதவைகளுக்காகவும், வறியவர்களுக்காகவும் பாடுபடுபவர் இறைவழியில் போர் புரிபவரைப் போன்றவர். அறிவிப்பாளர் : அபூஹுரைரா (ரலி) (புகாரி, முஸ்லிம்) நன்றி தோழரே ://:-: ://:-: