சமச்சீர் பாடப் புத்தகங்களை 5ம் திகதிக்குள் அனுப்ப வேண்டும் தமிழக அரசுக்கு கால அவகாசம் அளித்து உயர்நீ

by **நண்பன்** Sat 30 Jul 2011 - 10:57

சமச்சீர் பாடப் புத்தகங்களை 5ம் திகதிக்குள் அனுப்ப வேண்டும்
தமிழக அரசுக்கு கால அவகாசம் அளித்து உயர்நீதிமன்றம் உத்தரவு

சமச்சீர் பாட புத்தகங்களை மாணவர்களுக்கு 2 ஆம் திகதிக்குள் அனுப்ப முடியாது என்று
உயர் நீதிமன்றில் தமிழக அரசு தெரிவித்ததை ஏற்றுக்கொண்டு 5 ஆம் திகதிக்குள் அனைத்து
மாணவர்களுக்கும் பாட புத்தகங்களை கிடைக்குமாறு அனுப்பி வைக்க வேண்டும்’ என்று உயர்
நீதிமன்றம் நேற்று முன்தினம் உத்தரவிட்டது.
தமிழ்நாட்டில் சமச்சீர் கல்வியை இந்த ஆண்டே அமுல்படுத்த வேண்டும் என்று சென்னை உச்ச
நீதிமன்றில் உத்தரவை எதிர்த்து தமிழக அரசு உயர் நீதிமன்றில் மேல்முறையீடு மனுதாக்கல்
செய்தது. இந்த மனு மீதான விசாரணை நீதிபதிகள் சவுகான் த¨லைமையிலான பெஞ்ச் விசாரித்து
வருகிறது.
இந்த வழக்கு விசாரணையின் போது சென்னை உச்ச நீதிமன்று வழங்கிய தீர்ப்புக்கு இடைக்கால
தடை விதிக்க மறுத்த சுப்ரீம் கோர்ட்டு ‘சமச்சீர் கல்வி பாட புத்தகங்களை ஆகஸ்ட் 2 ஆம்
திகதிக்குள் அனைத்து மாணவர்களுக்கும் கிடைக்குமாறு அனுப்பி வைக்க வேண்டும்’ என
தமிழக அரசுக்கு உத்தரவிட்டது.
இந்த நிலையில் தமிழக அரசின் மேல்முறையீட்டு மனு மீதான விசாரணை உயர் நீதிமன்றில் 3
வது நாளாக நடந்தது.
அப்போது தமிழக அரசு சார்பில் தாக்கல் செய்த மனுவில் ‘வரும் 2 ஆம் திகதிக்குள்
அனைத்து மாணவர்களுக்கும் சமச்சீர் கல்வி பாட புத்தகங்களை வழங்க முடியாது என்றும்
அதற்கு கால அவகாசம் அளிக்க வேண்டும்’ என்றும் குறிப்பிடப்பட்டு இருந்தது. இந்த மனுவை
ஏற்றுக்கொண்ட உயர் நீதிமன்று ‘மாணவர்களுக்கு சமச்சீர் கல்வி பாட புத்தகங்களை வரும்
2 ஆம் திகதிக்கு பதில் வருகிற 5 ஆம் திகதிக்குள் அனைத்து மாணவர்களுக்கும் அனுப்பி
வைக்க வேண்டும்’ என்று தமிழக அரசுக்கு கால அவகாசம் வழங்கி உத்தரவிட்டது.
பெற்றோர் தரப்பு வாதம் சமச்சீர் கல்விக்கு ஆதரவாக பெற்றோர் மற்றும் மாணவர்கள்
தரப்பில் தாக்கல் செய்யப்பட்ட மனு மீது சட்டத்தரணி அர்ஜுனா வாதாடினார். இந்த மனு
மீதான விசாரணையை வரும் 2 ஆம் திகதி நீதிபதிகள் தள்ளிவைத்தனர்.