உலக அதிசயங்களில் ஒன்றான சீனச்சுவர்.

by **இன்பத் அஹ்மத்** Tue 28 Dec 2010 - 12:03

1987ஆம் ஆண்டு உலக பாரம்பரியச் சின்னமாக யுனெஸ்கோவால் அறிவிக்கப்பட்ட சீன நெடுஞ்சுவரின் பெயர் சீன மொழியில் வான்லிசங்செங் என்பதாகும். இதுவரை உலகில் கட்டப்பட்ட சுவர்களில் மிக நீளமான சுவர் இதுதான். மங்கோலியாவில் உள்ள பழங்குடியினர்கள் சீனாவிற்குள் புகுந்து விடாமல் தடுக்கவும் கொள்ளையர்கள் வராமல் தடுக்கவும் கியூன் ஷிஹுவாங்டி (கி.மு.221-210) ஆட்சிக் காலத்தில் கட்ட ஆரம்பித்த சுவர்தான் இது. சீனாவின் வடக்கு எல்லை முழுவதும்
வியாபித்து நிற்கும் இந்தச் சுவரின் முக்கியப் பகுதிகளின் நீளம் 3460 கி.மீ. ஆகும். இதன் கிளைச்சுவர்களின் நீளம் 3530 கி.மீ. ஆகும். பிரிட்டன் நாட்டின் நீளத்தைவிட முக்கியப் பகுதிகளின் சுவரின் நீளம் மூன்று மடங்கு அதிகமாகும்.

மிங் வம்ச ஆட்சிக் காலத்தில்தான் (கி.பி.1368-1644) இந்தச் சுவர் முழுமையாகக் கட்டி முடிக்கப்பட்டது. சுவரின் உயரம் நாலரை மீட்டர். முதல் 12 மீட்டர் வரையும், சுவரின் கனம் 9.8 மீட்டர் அளவிலும் உள்ளன. 16ஆம் நூற்றாண்டு வரை உடைந்த பகுதிகளை சரி செய்து வந்தார்கள். அதற்குப் பிறகு சீரமைப்பு தொடரவில்லை. இதனால் 1966ஆம் ஆண்டு முதல் இன்றுவரை 52 கி.மீ. நீளமுள்ள சுவர் முற்றிலும் அழிந்துபோய் விட்டது.

சுவரில் அங்கங்கே உள்ள காவல் கோபுரங்கள் 12 மீட்டர் உயரமும் ஆறு மீட்டர் அகலமும் கொண்டவை. சுவரின் கிழக்குப் பகுதி செங்கற்களால் கட்டப்பட்டவை. மற்ற பகுதிகள் கற்களாலும் மண்ணாலும் கட்டப்பட்டவையே.உலக அதிசயங்களில் ஒன்றான சீன நெடுஞ்சுவர் ஒரு பொய் சமாதி என்றால் பலருக்கு அது ஆச்சரியமாக இருக்கலாம். சுவர் கட்டப்பட்ட போது விபத்தினால் இறந்தவர்களை சுவரில் வைத்தே புதைத்துவிட்டனர்.இத்துடன் மிங் வம்ச அரசர் ஒருவர், தன் மனைவி மற்றும் தமது 13 வப்பாட்டிகளையும் கூட இந்தச் சுவற்றில் புதைத்து சமாதி கட்டியுள்ளார் என்பது குறிப்பிடத்தக்கது.இப்போது உல்லாசப் பயணிகள் பார்த்து மகிழும் சீனச்சுவர் 600 ஆண்டுகளுக்குள் கட்டப்பட்ட பகுதிகள்தான் என்பது குறிப்பிடத்தக்கது.