ரஷ்யாவில் மிருகங்களை வேட்டையாடி ரத்தம் குடிக்கும் மிருகம்.

by **ஜிப்ரியா** Sun 31 Jul 2011 - 16:20

வனப்பகுதியில் இருந்து வெளியே வரும் ஒரு வினோத மிருகம் ஊருக்குள் புகுந்து கால் நடைகளை கொன்று ரத்தம் குடிப்பதாக பல நாடுகளில் இருந்து தகவல்கள் வெளியாகி வருகின்றன.
இந்த நிலையில் தற்போது ரஷியாவில் இது போன்ற கொடூர சம்பவம் நடப்பதாக விவசாயிகள் தெரிவிக்கின்றனர். ரஷியாவின் சைபீரியா வில் உள்ள நொவோசி பிர்ஸ்க் நகரை ஒட்டி வனப்பகுதி உள்ளது.
அங்கிருந்து நாய் போன்று வெளியே வரும் ஒரு ரத்தக் காட்டேரி மிருகம் கிராமங்களுக்குள் வருகிறது. பின்னர் ஆடு, மாடுகளின் கழுத்தில் கடித்து ரத்தத்தை மட்டும் குடிக்கிறது. ஆனால் அவற்றின் இறைச்சியை சாப்பிடுவதில்லை.
அந்த மிருகத்தை ரத்தம் குடிக்கும் நாய் என ரஷிய விவசாயிகள் வர்ணிக்கின்றனர். இதனால் அச்சத்தில் உறைந்துள்ள அவர்கள் மத குரு மார்களை அழைத்து வந்து அவற்றிடம் இருந்து தங்களது கால் நடைகளை காப்பாற்றும்படி ஆசி பெறுகின்றனர்.