எஸ். கே. எம். லங்கா நிறுவன ஏற்பாட்டில் பெட்மின்டன் போட்டி (ஏ. ஆர். பரீத்)

எஸ். கே. எம். லங்கா நிறுவன ஏற்பாட்டில் பெட்மின்டன் போட்டி
(ஏ. ஆர். பரீத்)
எம். கே. எம். லங்கா ஹோல்டிங் நிறுவன ஏற்பாட்டில் 6வது தடவையாக இடம்பெறும் டபிள்யூ. ஜினசேன டி. சில்வா ஞாபகார்த்த கிண்ண அகில இலங்கை ரீதியிலான பாடசாலைகள் மட்ட பெட்மின்டன் போட்டி எதிர்வரும் 8ம் திகதி முதல் 11ம் திகதி வரை குருநாகல் மாநகர சபை உள்ளக விளையாட்டு அரங்கு மற்றும் மலியதேவா உள்ளக அரங்கில் இடம்பெறுகின்றது.

இதேவேளை இப்போட்டியின் ஆரம்ப வைபவத்திற்கு பிரதம அதிதியாக வடமேல் மாகாண முதலமைச்சர் அத்துல விஜேசிங்கவும் அதிதியாக குருநாகல் மாநகர சபை மேயர் சந்திரசிறி டி சில்வாவும் கலந்து கொள்கின்றனர்.

இச்சுற்றுப் போட்டியின் இறுதிப் போட்டி எதிர்வரும் 11ம் திகதி குருநாகல் மாநகர சபை உள்ளக அரங்கில் இடம்பெறுகின்றது. இந்நிகழ்வுக்கு பிரதம அதிதியாக விளையாட்டுத் துறை அமைச்சர் மஹிந்தானந்த அளுத்கமகேயும் கெளரவ அதிதிகளாக கூட்டுறவுத்துறை அமைச்சர் ஜோன்ஸ்டன் பெர்னாண்டோ ஆகியோரும் கலந்து கொள்கின்றனர். இப்போட்டிக்கு 41 ஆண்கள், 37 பெண்கள் பாடசாலைகளுமாக மொத்தம் 1000 மாணவர்கள் கலந்து கொள்கின்றனர்.

இதேவேளை இப்போட்டியின் கடந்த வருட சம்பியனாக ஆண்கள் பிரிவின் கொழும்பு ஆனந்தா கல்லூரியும் பெண்கள் பிரிவில் நுகேகொடை அனுலா வித்தியாலயமும் தெரிவாகின.

இப்போட்டிகளை இலங்கை பாடசாலைகள் பெட்மின்டன் சங்கம் வடமேல் மாகாண பெட்மின்டன் சங்கம் ஆகியன இணைந்து நடத்துகின்றது.

:”@: