நம்பர் பிளேட்டில் ஜெயலலிதா படம் கவுன்சிலர் ரகளை

by **நண்பன்** Tue 9 Aug 2011 - 4:36

நம்பர் பிளேட்டில் ஜெயலலிதா படம் கவுன்சிலர் ரகளை
மோட்டார் சைக்கிள் நம்பர் பிளேட்டில் இருந்து முதல்வரின் படத்தை அகற்றுமாறு கூறிய பொலிஸாருடன் அ.தி.மு.க கவுன்சிலர் ரகளையில் ஈடுபட்டதால் கிருஷ்ணகிரியில் பரபரப்பு ஏற்பட்டது.

கிருஷ்ணகிரி புதிய பேருந்து நிலையம் அருகே உள்ள அண்ணா சிலையின் எதிரில் பொலிஸார் நேற்று முன்தினம் வாகன தணிக்கையில் ஈடுபட்டனர். அப்போது இரு சக்கர வாகன பிளேட்டு களில் இருந்து தெய்வங்கள், சினிமா நடிகர்கள், அரசியல் கட்சிகளின் கொடிகள், சின்னங்கள் மற்றும் தலைவர்களின் படங்களை அப்புறப்படுத்தும்படி கூறினர்.

இதையடுத்து வாகன ஓட்டிகளும் உடனடியாக ஸ்டிக்கர்களை அப்புறப் படுத்தினர்.

அப்போது வெங்கடாபுரம் மேல்சோமார் பேட்டையை சேர்ந்த அ.தி.மு.க. 4வது வார்ட் கவுன்சிலர் மாதேஷ் தமிழக முதல்வர் ஜெயலலிதா படத்துடன் நம்பர் பிளேட் உள்ள தனது வாகனத்தை ஓட்டி வந்தார். அந்த வாகனத்தை நிறுத்திய பொலிஸார் அதில் இருந்த முதல்வர் படத்தை அகற்றும்படி கூறினர். அவர் அகற்ற முடியாது என மறுத்ததுடன் பொலிஸாரிடம் வாக்குவாதத்தில் ஈடுபட்டார்.

அப்போது அங்கு அருகில் இருந்த நண்பரான ஆட்டோ டிரைவர் ஒருவர், அ.தி.மு.க. கவுன்சிலரின் வாகனத்தில் இருந்த நம்பர் பிளேட்டை தனியாக கழற்றி எடுத்து நான் கவுன்சிலரிடம் பேசிக்கொள்கி றேன் என பொலிஸாரிடம் கூறிவிட்டு கவுன்சிலரை சமாதானம் செய்து அழைத்து சென்றார்.

பொதுமக்களின் வாகனங்களில் ஒட்டப்பட்டிருக்கும் ஸ்டிக்கர்களை துணிச்சலாக அகற்றிய பொலிஸார் ஆளும் கட்சி பிரமுகர் என்ப தால் நடவடிக்கை எடுக்காமல் தயங்கி நின்றனர். இந்த சம்பவம் பொதுமக்க ளிடையே எரிச்சலை ஏற்படுத்தியது.