இங்கிலாந்து தொடரில் டெண்டுல்கர் 100வது சதத்தை நிச்சயம் அடிப்பார் வசிம் அக்ரம் நம்பிக்கை

இங்கிலாந்து தொடரில் டெண்டுல்கர் 100வது சதத்தை நிச்சயம் அடிப்பார்
வசிம் அக்ரம் நம்பிக்கை
சர்வதேச கிரிக்கெட்டில் இதுவரை 99 சதங்கள் (ஒரு நாள் போட்டியில் 48 சதம், டெஸ்டில் 51 சதம்) அடித்துள்ள இந்திய நட்சத்திர துடுப்பாட்ட வீரர் சச்சின் டெண்டுல்கர் 100வது சர்வதேச சதத்தை எட்டும் நாளை கோடிக்கணக்கான ரசிகர் கள் ஆவலுடன் எதிர்பார்த்துள்ளனர்.

இந்த நிலையில் இங்கிலாந்துக்கு எதிரான டெஸ்ட் தொடரிலேயே அவர் 100வது சதத்தை நிச்சயம் அடிப்பார் என்று பாகிஸ்தான் முன்னாள் தலைவர் வசிம் அக்ரம் கூறியுள்ளார். இது தொடர் பாக அவர் கூறியதாவது:

சச்சின் டெண்டுல்கர், பர்மிங்காமில் நடக்கும் இங்கிலாந்துக்கு எதிரான 3வது டெஸ்டில் சதம் அடிப்பார் என்று உறுதி யாக சொல்ல முடியாது. ஏனெனில் இங்கு பந்து நன்கு ஸ்விங் ஆகும். அத்துடன் டெஸ்ட் தொடரில் சரிவில் இருந்து மீள வேண்டிய நெருக்கடியும் இருக்கிறது. என்னை பொறுத்தவரை லண்டன் ஓவலில் நடக்கும் 4வது மற்றும் கடைசி டெஸ்டில் அவர் தனது 100வது சதத்தை எட்டுவார் என்று நினைக்கின்றேன்.

இங்கு அவர் வரலாறு படைக்க பிரகாச மான வாய்ப்புள்ளது. நிச்சயம் அவர் இந்த மைல்கல்லை எட்டிய முதல் வீரர் என்ற சாதனை படைப்பார் என்பதில் சந்தேக மில்லை. இந்தியா - இங்கிலாந்து இடையிலான டெஸ்ட் தொடருக்கு மிகப்பெரிய எதிர்பார்ப்பு உருவாக்கப்பட்டு உள்ளது. குறிப்பாக டெண்டுல்கர் 100வது சதத்தை அடிப்பாரா? என்ற எதிர்பார்ப்பு அதிகமாக காணப்படுகிறது. இதன் மூலம் டெண்டுல்கர் நிச்சயம் நெருக்கடியை உணர்ந்திருப்பார். இது போன்ற சூழ்நிலை களில் நெருக்கடி இருக்கத்தான் செய்யும்.

இந்த தொடரில் டெண்டுல்கரின் ஆட்டம் அப்படி ஒன்றும் மோசமாக இல்லை. ஆனால் பவுன்ஸ் ஆகக்கூடிய இங்கிலாந்து ஆடுகளங்களில் கொஞ்சம் அதிர்ஷ்டமும் இருக்க வேண்டும். துரதிர்ஷ்டவசமாக டெண்டுல்கருக்கு துளியும் அதிர்ஷ்டம் இல்லை. இருப்பினும் ஓவல் மைதானத்தில் அவர் 100வது சதத்தை அடிப்பார் என்று நம்புகிறேன். 100 சதங்கள் என்பது வியப்புக்குரிய சாதனையாகும். நீண்ட காலத்திற்கு இந்த சாதனையை யாரேனும் நெருங்குவார்கள் என்று நான் கருதவில்லை.

தகவல்களுக்கு நன்றி :!+: :!+: