தாயின் நகையை திருடிய தனயன் மது அருந்தி, கூத்தாடி கும்மாளம்

தாயின் நகையை திருடிய தனயன் மது அருந்தி, கூத்தாடி கும்மாளம்
தன் உதிரத்தை பாலாக்கி ஊட்டி வளர்த்த தாய்க்கு துரோகம் செய்த இந்த மகன் இன்று நீதிமன்றத்தில் நிறுத்தப்பட்டுள்ளார்.

இந்த குற்றம் இழைத்த இளைஞனின் தந்தை கொழும்பு துறைமுக அதிகார சபையின் ஒரு உத்தியோகத்தராவார். தந்தைக்கு வழங்கப்பட்ட உத்தியோகபூர்வ வாசஸ்தலத்தில் பெற்றோருடன் தங்கியிருந்த இவன் தன்னுடைய தாயாரின் தங்க நகைகளை திருடி விற்று தனை காசாக்கியிருக்கிறான்.

தங்க நகை திருட்டு போனது பற்றி இவனது தாயார் தனது மகனை சிறிதேனும் சந்தேகிக்காமல் பொலிஸிற்கு சென்று புகார் செய்திருக்கிறார். இந்த திருட்டை விசாரணை செய்த கொழும்பு துறைமுக பொலிஸார் நிச்சயம் இந்தத் திருட்டை வீட்டில் இருக்கும் ஒருவர் தான் செய்திருக்க வேண்டுமென்று முடிவு செய்தார்கள். என்றாலும் அந்தப் பெண் வீட்டில் உள்ளவர்கள் மீது எனக்கு நூற்றுக்கு நூறு வீதம் நம்பிக்கை இருக்கிறது.

தனை வெளியில் உள்ளவர்களே திருடியிருக்கிறார்கள் என்று பொலிஸாரிடம் தெரிவித்தார். எவ்வாறாயினும் புலன் விசாரணை செய்வதில் அனுபவமிக்க பொலிஸார் அந்தப் பெண்ணின் மகனை தனியாக வைத்து விசாரணை செய்த போது உண்மை வெளிப்பட்டது. அவன் தனது தாயாரின் நகைகளை திருடி தனக்கு தெரிந்த ஒருவருக்கு விற்றுவிட்டதை ஒப்புக் கொண்டுள்ளான்.

அதையடுத்து இந்த இளைஞனிடமிருந்து நகையை வாங்கிய நபரை பொலிஸார் கைது செய்தனர். இந்த இளைஞன் தாயாரின் நகையை விற்று பெற்ற பணத்தைக் கொண்டு இரவு விடுதிகளுக்கு சென்று மது மயக்கத்தில் கூத்தடித்து செலவழித்து விட்ட உண்மையையும் அந்த இளைஞன் பொலிஸாரிடம் ஒப்புக் கொண்டுள்ளான்.

இந்த இளைஞனுக்கும் நகையை வாங்கிய மற்ற இளைஞனுக்கும் நீதி மன்றம் எந்தத் தண்டனையை வழங்குமென்று நாம் பொறுத்திருந்தே பார்க்க வேண்டும்.

:#.: :#.: