இங்கிலாந்தில் மோசமான ஆட்டம்:இந்திய வீரர்கள் மீது ரசிகர்கள் பாய்ச்சல்; தெண்டுல்கர், டோனிக்கு கண்டனம்

இந்திய கிரிக்கெட் அணி இங்கிலாந்தில்
மிகவும் மோசமாக விளையாடி வருகிறது. இந்த மோசமான ஆட்டத்தால் ரசிகர்கள்
கடும் அதிருப்தி அடைந்து உள்ளனர். முதல் டெஸ்டில் 196 ரன்னிலும், 2-வது
டெஸ்டில் 319 ரன்னிலும் இந்தியா தோற்றது. தற்போது நடைபெற்று வரும் 3-வது
டெஸ்டில் இன்னிங்ஸ் தோல்வியை சந்திக்கும் நிலை ஏற்பட்டுள்ளது.

இங்கிலாந்தின்
வேகப்பந்து வீச்சை சமாளிக்க நமது பேட்ஸ்மேன்களால் முடியவில்லை. அதோடு நமது
பவுலிங்கும் படு கேவலமாக இருக்கிறது. இங்கிலாந்து 700 ரன்னுக்கு மேல்
குவிக்கும் அளவுக்கு நமது பந்து வீச்சு பலவீனமாக உள்ளது.

இங்கிலாந்தில்
இந்திய அணியின் மோசமான ஆட்டம் குறித்து சென்னை கிரிக்கெட் ரசிகர்கள்
கருத்து தெரிவித்துள்ளனர். ராஜ்குமார் (பி.இ. மாணவர்):-

இந்திய
வீரர்கள் சமீபத்தில் 20 ஓவர் போட்டி, ஒரு நாள் போட்டியில் சிறப்பாக
விளையாடி வந்தனர். டெஸ்ட் போட்டியை மெத்தனமாக எடுத்துக் கொண்டனர்.
இங்கிலாந்தில் இந்திய அணி மோசமாக விளையாடி வருகிறது. இது எங்களை
போன்றவர்களுக்கு ஏமாற்றம் அளிக்கிறது. இங்கிலாந்தில் உள்ள ஆடுகளங்களில்
நமது பேட்ஸ்மேன்கள் திணறுவது வேதனை தருவதாகும்.

எஸ்.ஜமீல்
(வியாபாரி):- தீவிர ரசிகரான நான் இந்திய அணி விளையாடும் பல போட்டிகளை நான்
நேரில் சென்று பார்த்து இருக்கிறேன். ஆனால் இதுவரை இப்படி ஒரு மோசமான
ஆட்டத்தை பார்த்தது கிடையாது. இதற்கு ஓய்வு இல்லாததும், வீரர்களின் காயமும்
காரணமாக இருக்கலாம்.

இந்திய அணி தொடர்ச்சியாக
பல்வேறு போட்டிகளில் விளையாடி வருகிறது. இதனால் வீரர்களுக்கு ஓய்வு இல்லை.
பொதுவாக ஒவ்வொரு நாட்டிலும் தங்கள் அணி வீரர்களுக்கு ஏற்ற வகையில் ஆடுகளம்
அமைப்பார்கள். இங்கிலாந்தில் உள்ள பிட்ச் (ஆடுகளம்) அந்த வீரர்களுக்கு ஏற்ற
வகையில் இருந்தது பந்து நன்றாக பவுன்ஸ் ஆகிறது. தென்டுல்கர் சதம்
அடிப்பார் என்று ஆவலுடன் இருந்தோம். சதம் அடிக்க முடியாமல் அவர் திணறுவது
ஏமாற்றம் அளிக்கிறது.

பார்த்தீபன் (தனியார் நிறுவன
ஊழியர்):- முதல் 2 டெஸ்டில் ஷேவாக் ஆடாதது பின்னடைவை ஏற்படுத்தியது.
தெண்டுல்கர் சதம் அடிக்க வேண்டும் என்ற பயத்தில் விளையாடுகிறார். அவர்
எப்போதும் போல் இயல்பாக விளையாட வேண்டும். இயல்பாக விளையாடினால்தான் அவரால்
திறமையை வெளிப்படுத்த இயலும். இந்திய அணியின் பந்து வீச்சு மிகவும் மோசமாக
உள்ளது. புதிய இளம் பந்து வீச்சாளர்களை உருவாக்க வேண்டும்.

ஜெயக்குமார்
(தொழிலாளி):- இங்கிலாந்தில் உள்ள பிட்சில் ஆடுவது சவாலானதுதான்.ஆனால் நமது
அணியில் திறமை வாய்ந்த பேட்ஸ்மேன்கள் இருந்தும் மோசமாக விளையாடியது எனக்கு
வருத்தம் அளிக்கிறது. உலக கோப்பை, ஐ.பி.எல். என்று தொடர்ந்து
விளையாடியதால் வீரர்களுக்கு ஓய்வு இல்லை என்று கூறலாம். நாட்டின் பெயரை
கெடுக்கும் வகையில் இங்கிலாந்தில் மோசமாக விளையாடுவதை ஏற்றுக் கொள்ள
இயலாது. சிறந்த அணி இப்படி மோசமாக ஆடுவது வருத்தம் அளிக்கிறது.

மணிகண்டன்
(கூலி தொழிலாளி):- ஹர்பஜன், ஜாகீர்கான் இல்லாததுநமது அணிக்கு இழப்பாகும்.
ஷேவாக் 2 டெஸ்டில் ஆடவில்லை. பந்து வீச்சு சரி இல்லை. திறமை வாய்ந்த இளம்
பந்து வீச்சாளர்களுக்கு வாய்ப்பு கொடுக்க வேண்டும். டோனியின் விக்கெட்
கீப்பிங் சரியில்லை. பேட்டிங்கும் சரியில்லை. இந்திய அணியின் புதிய
பயிற்சியாளர் பிளட்சர் என்ன செய்து கொண்டு இருக்கிறார் என்று தெரியவில்லை.
மோசமான தோல்விக்கு பயிற்சியாளர் சரியில்லை என்றால் அவரை மாற்றி விடலாம்.

மக்கள் கூலி தொழிலாளிகூட எப்படி இப்போது உற்று பார்த்துக்கொண்டு இருக்கிறார்கள் என்பதை டோனி கவனத்தில் கொள்ளவேண்டும்