தமிழ்நாடு ஒலிம்பிக் சங்கம் சார்பில் தேசிய விளையாட்டு போட்டியில் வென்ற இளம் வீரர், வீராங்கனைக்கு ஊக்க

சென்னை, ஆக.14-


தமிழ்நாடு
ஒலிம்பிக் சங்க ஆண்டு பொதுக்குழு கூட்டம் அதன் தலைவர் டாக்டர் பா.சிவந்தி
ஆதித்தன் தலைமையில் சென்னை நேரு ஸ்டேடியத்தில் நேற்று நடந்தது. இந்த
கூட்டத்தில் பொதுச் செயலாளர் கே.முருகன், சீனியர் துணைத் தலைவர்
டபிள்யூ.ஐ.தேவாரம், இணை செயலாளர் டி.வி.சுந்தர், பொருளாளர் பி.பங்காரு
பாபு, துணைத் தலைவர்கள் ஐசரி கே.கணேஷ், ஜே.எஸ். சோப்ரா, எஸ்.கிளிட்டஸ் பாபு
மற்றும் மாநில அளவிலான 28 விளையாட்டு சங்கங்களின் பிரதிநிதிகள் கலந்து
கொண்டனர்.

கடந்த பிப்ரவரி மாதத்தில் ராஞ்சியில்
நடந்த 34-வது தேசிய விளையாட்டு போட்டியில், நீச்சல் பந்தயத்தில் 2 வெள்ளி, 4
வெண் கலப்பதக்கம் வென்ற 13 வயதான சென்னை செட்டிநாடு வித்யாஷரம் பள்ளி
மாணவியும், நடிகர் தலைவாசல் விஜய்யின் மகளுமான ஜெயவீனா, 110 மீட்டர் தடை
ஓட்டத்தில் தங்கப்பதக்கம் வென்ற 20 வயதான சென்னை லயோலா கல்லூரி வீரர்
ஜெ.சுரேந்திரன் ஆகியோர் மிகச் சிறப்பாக வளர்ந்து வரும் இளம் வீரர்,
வீராங்கனையாக தேர்வு செய்யப்பட்டு ஊக்கத் தொகை அளிக்கப்பட்டது.

நீச்சல்
வீராங்கனை ஜெயவீனாவுக்கு ரூ.25 ஆயிரமும், அவரது பயிற்சியாளர் கிரிஷ்க்கு
ஆயிரம் ரூபாயும், நினைவுப் பரிசும் தடகள வீரர் சுரேந்திரனுக்கு ரூ.25
ஆயிரமும், அவரது பயிற்சியாளர் ராஜசேகருக்கு ஆயிரம் ரூபாயும்,
நினைவுப்பரிசும் வழங்கப்பட்டன. இதனை தமிழ்நாடு ஒலிம்பிக் சங்க தலைவர்
டாக்டர் பா.சிவந்தி ஆதித்தன் வழங்கி பாராட்டினார்.

பீஜிங்கில்
நடைபெறும் உலக பல்கலைக்கழக தடகள போட்டியில் பங்கேற்க சுரேந்திரன் சென்று
இருப்பதால் அவர் சார்பில் அவரது தாயார் ஊக்கத் தொகையை பெற்றார். தமிழ்நாடு
ஒலிம்பிக் சங்கத்தின் சார்பில் வழங்கப்படும் தலைச்சிறந்த வீரருக்கான
மாமல்லன் விருதுக்கு சர்வதேச போட்டிகளில் சாதனை படைத்து வரும் தமிழக டேபிள்
டென்னிஸ் வீரர் ஏ.சரத்கமல் தேர்வு செய்யப்பட்டுள்ளார். அவருக்கு விரைவில்
நடைபெறும் விழாவில் விருது மற்றும் பணமுடிப்பு வழங்கப்படும்.

இந்த ஊக்கதொகை எல்லாம் பத்தாது சார்

jasmin wrote:இந்த ஊக்கதொகை எல்லாம் பத்தாது சார்

சரியா சொன்னிர்கள் . @. @.

jasmin wrote:இந்த ஊக்கதொகை எல்லாம் பத்தாது சார்

இன்னும் ஊத்தியும் கொடுக்கனுமா?