ஒபாமாவை எதிர்த்து போட்டியிட குடியரசு கட்சியில் 10 பேர் களத்தில்

அமெரிக்க ஜனாதிபதித் தேர்தல்
ஒபாமாவை எதிர்த்து போட்டியிட
குடியரசு கட்சியில் 10 பேர் களத்தில்


அமெரிக்க ஜனாதிபதி தேர்தல் அடுத்த ஆண்டு நவம்பர் மாதம் நடைபெறவுள்ளது. இந்த
தேர்தலில் ஜனாதிபதி ஒபாமா மீண்டும் போட்டியிடுகிறார். அவரை குடியரசு கட்சி சார்பில்
எதிர்த்து போட்டியிடுவதற்காக களத்தில் 10 பேர் நிற்கிறார்கள். அவர்களில் யார்
கட்சியின் நியமனத்தைப் பெறப் போகிறார் என்பது இன்னும் முடிவாகவில்லை.
இந்த 10 பேருள் முதலிடத்தில் நிற்பவர் மிட்ரோம்னி, இவர் கடந்த 2008 ஆம் ஆண்டு
தேர்தலிலேயே கட்சியின் நியமனத்தை பெற முயன்றார். ஆனால் அப்போது ஜோன் மெக்கைன்
வெற்றிபெற்று கட்சி நியமனத்தை பெற்றுவிட்டார். இதனால் ரோம்னி இப்போது மீண்டும்
முயற்சியில் இறங்கியுள்ளார்.
அடுத்தபடியாக மிச்சல் பச்னன் என்ற பெண் வழக்கறிஞர் போட்டியிடுகிறார். மின்ன
சோட்டாவில் இருந்து 2006 ஆம் ஆண்டு பாராளுமன்றத்துக்கு தேர்ந்து எடுக்கப்பட்ட முதல்
பெண் இவர். இவர் சமூக, மத ரீதியில் பிற்போக்காளராக கருதப்படுகிறார்.
டெக்சாஸ் மாநில ஆளுநர் 3 முறை இருந்தவர் ரிக் பெர்ரியும் களத்தில் குதித்து
இருக்கிறார்.
உடா மாநில முன்னாள் ஆளுநர் ஜோன் ஹன்ட்ஸ்மன்னும் களத்தில் இருக்கிறார். இவர்
சீனாவுக்கான தூதராக ஒபாமாவால் நியமிக்கப்பட்டவர்.
தேர்தலில் போட்டியிட இருக்கும் இன்னொரு பெண் சாரா பாலின். இவர் கடந்த முறை நடந்த
தேர்தலில் துணை ஜனாதிபதி உதவிக்கு போட்டியிட்டு தோற்றவர். அலாஸ்கா ஆளுநராக இருந்தவர்.
இவர் ஜனாதிபதி தேர்தலில் போட்டியிடுவது பற்றி இன்னும் முடிவு எடுக்கவில்லை. இந்த
மாதக் கடைசியில் அல்லது அடுத்த மாதம் முடிவு செய்ய இருக்கிறார்.
இவர்கள் தவிர மின்ன சோட்டா முன்னாள் ஆளுநர் டிம்பாவ்லென்டி, பாராளுமன்ற முன்னாள்
சபாநாயகர் நியூட் கிங்ரிச், கைங் சானட்ரோம். ரான் பால், வானொலி நிகழ்ச்சி
தொகுப்பாளர் ஹெர்மன் கெய்ன் ஆகியோரும் களத்தில் இருக்கிறார்கள்.
இவர்களில் யாருக்கு கட்சி உறுப்பினர்கள் ஓட்டுப் போடுகிறார்களோ அவர் தேர்தல்
களத்தில் ஒபாமாவை எதிர்கொள்வார்.

எப்படியும் ஒபாமா ஜெயித்து விடுவார் இது அமெரிக்கவின் கடந்த கால வரலாறு

jasmin wrote:எப்படியும் ஒபாமா ஜெயித்து விடுவார் இது அமெரிக்கவின் கடந்த கால வரலாறு

இன்ற அமெரிக்க பொருளாதார நிலையைப் பார்க்கும் போது சற்று குளப்பமாகவே உள்ளது பார்க்கலாம்