மக்கள் சட்டத்தை கையில் எடுப்பது பெரும் தவறு

‘கிaஸ் மனிதன்’, ‘மர்ம மனிதன்’ என்ற பீதியிலிருந்து பொதுமக்களை பாதுகாக்க வேண்டிய அனைத்து நடவடிக்கைகளையும் பாதுகாப்பு தரப்பினரூடாக அரசாங்கம் எடுத்து வருகிறது. எனினும் மக்கள் சட்டத்தை கையில் எடுப்பது தவறு என ஊடகத்துறை அமைச்சர் கெஹெலிய ரம்புக்வெல்ல தெரிவித்தார்.

மக்கள் மத்தியில் எழுந்துள்ள இந்த பீதியை சாதகமாக்கிக்கொண்டு சில நாசகார சக்திகளும் இயங்குவதாக தெரியவந்துள்ளது என்றும் அமைச்சர் கெஹெலிய தெரிவித்தார். ‘மர்ம மனிதன்’ என்ற பீதியில் பல்வேறு இடங்களில் அப்பாவிகள் தாக்கப்பட்டுள்ளார்கள். சட்டத்தையும், ஒழுங்கையும் பாதுகாக்க வேண்டியவர்கள் மீதே தாக்குதல்கள் நடத்தப்பட்டுள்ளன என்றார்.

‘மர்ம மனிதன்’, ‘கிaஸ் மனிதன்’ என்ற அச்சம் காரணமாக வீட்டில் குறிப்பாக பெண்கள் மிகுந்த அச்சத்துடனேயே உள்ளனர். தினமும் ஒவ்வொரு பக்கத்திலிருந்தும் செய்திகள் வந்தவண்ணமே உள்ளன. இதற்கு அரசாங்கம் என்ன நடவடிக்கை எடுக்கிறது. மர்ம மனிதன், கிaஸ் மனிதன் என்பது வதந்தி, கட்டுக்கதை என கூறினாலும், சிலர் நேரிலேயே கண்டுள்ளனர் என அமைச்சரிடம் தினகரன் கேட்டபோது;

உண்மைதான், ஆனால் மக்களின் பாதுகாப்பை உறுதி செய்வதற்கு தேவையான அனைத்து நடவடிக்கையும் எடுத்துள்ளது என்றார். ‘மர்ம மனிதன்’, ‘கிaஸ் மனிதன்’ என பலர் தாக்கப்பட்டுள்ளார்கள். எனினும் மக்கள் பீதியின் காரணமாகவே தாக்குகிறார்கள் என தினகரன் கூறியபோது;

எவ்வாறாயினும் மக்கள் சட்டத்தை கையில் எடுப்பது தவறானது. மீறி அவர்கள் செயற்பட்டால் அவர்களுக்கு எதிராக சட்ட நடவடிக்கை எடுக்கவும் தயங்கப் போவதில்லை என அமைச்சர் பதிலளித்தார்.