பொலிஸ் நிலையத்தில் முடிவுற்ற அயல்வீட்டுக் கள்ளக்காதல்

பொலிஸ் நிலையத்தில் முடிவுற்ற அயல்வீட்டுக் கள்ளக்காதல்
கெக்கிராவையில் இரு பெண்களுக்கிடையில் ஒரு ஆண்மகன் தொடர்பாக ஏற்பட்ட பகைமை அடிதடியில் முடிவடைந்து இறுதியில் இருவரும் தங்களுக்கு ஏற்பட்ட உடற்காய ங்களுக்கு சிகிச்சை பெறுவதற்காக கெக்கிராவ ஆஸ்பத்திரியில் அனுமதிக்கப் பட்டனர். தன்னுடைய கணவன் அயல் வீட்டுப் பெண்ணுடன் இரகசிய காதல் தொடர்பு வைத்திருக்கிறார் என்று சந்தேகப்பட்ட மனைவி, அந்தப் பெண்ணுடன் வாய்த்தர்க்கத்தில் ஈடுபட்டபோது, இருவரும் ஆத்திரமடைந்ததனால் அந்த வாய்த்தர்க்கம் அடிதடியில் முடிவடைந்தது.

அயல்வீட்டுப் பெண் தனது மரங்களிலிருந்து வீழ்ந்த தேய்காய்களை எடுத்துச் செல்லும் பாணியில் தன் கணவன் மீது கடைக்கண் பார்வையை வீசி, அவரது கவனத்தை திருப்ப எத்தணித்தார் என்ற சந்தேகமே இந்த மோதலுக்கு அடித்தளமாக அமைந்தது.

அயல்வீட்டுப் பெண்ணின் நடவடிக் கைகளை பல நாட்களாக இரகசியமாகக் கண்காணித்த பின்னரே அந்த மனைவி அவளுடன் சண்டையிட்டுள்ளார். இதுபற்றி முறைப்பாடு பொலிஸ் நிலையத்துக்குச் சென்றபோது, பொலிஸார் அந்தக் கணவனையும், அவனது அயல்வீட்டுக் கள்ளக் காதலியையும் அழைத்து உங்கள் இரு குடும்பங்களுக்கும் இளம்பிள்ளைகள் இருக்கும்போது, நீங்கள் இவ்விதம் முறைகேடாக நடக்கக் கூடதென்று புத்திமதி சொல்லி இன்னுமொருதடவை இவ்விதம் நடந்தால் இருவரையும் பொலிஸ் கூட்டில் அடைத்துவிடுவோம் என்று எச்சரித்துள்ளார்.

இப்போது இவ்விரு அயல்வீட்டுப் பெண்களும் பேசுவதை நிறுத்துக்கொண்டா லும், அவர்களுக்கிடையில் மோதல்கள் எதுவும் இடம்பெறவில் லையென்று பொலிஸார் தெரிவித்தனர்.