15 நாள் உண்ணாவிரதம் இருக்க ஹசாரேவுக்கு அனுமதி

by **நண்பன்** Sat Aug 20, 2011 7:42 am

15 நாள் உண்ணாவிரதம் இருக்க ஹசாரேவுக்கு அனுமதி
உண்ணாவிரதப் போராட்டம் நடத்துவது தொடர்பாக விதிக்கப்பட்ட நிபந்தனைகளை டில்லி காவல் துறையினர் வியாழக்கிழமை திரும்பப் பெற்றுக் கொண்டதைத் தொடர்ந்து ராம் லீலா மைதானத்தில் வெள்ளிக்கிழமை முதல் 15 நாட்கள் உண்ணாவிரதம் மேற்கொள்கிறார் அண்ணா ஹசாரே. அவர் வெள்ளிக்கிழமை காலையில் சிறையிலிருந்து உண்¡விரதம் நடைபெற இருக்கும் ராம் லீலா மைதானத்துக்குச் செல்ல இருப்பதகாவும் அங்கு செப்டம்பர் 2 வரை உண்ணாவிரதம் இருக்க ஒப்புக் கொண்டார் என அரவிந்த் கேஜரிவால் தெரிவித்தார். இந்த மைதானத்தில் 25 ஆயிரம் பேர் அமரலாம். அங்கு உண்ணாவிரதம் இருக்கும் நாட்களில் தினந்தோறும் மூன்று முறை அரசு மருத்துவர் குழுவினரால் ஹசாரேவுக்கு மருத்துவப் பரிசோதனை நடத்தப்படும். வழக்கமான நிபந்தனைகள் ராம்லீலா மைதானத்தில் ஹசாரே உண்ணாவிரதம் இருக்கும்போது, அதிக அளவில் மக்கள் கூடும்போது காவல்துறையினர் வலியுறுத்தும் வழக்கமான நிபந்தனைகள் அமுலில் இருக்கும்.

யாரும் கம்பு உட்பட எந்த ஆயுதமும் கொண்டு வரக்கூடாது. கலகத்தை ஏற்படுத்தும் கோஷம் எதுவும் எழுப்பக் கூடாது. வன்முறையைத் தூண்டும் பேச்சுக்கள் கூடாது. இரவு 10 மணிக்குப் பிறகு ஒலிபெருக்கிகள் உபயோகிக்கக் கூடாது. எப்போதும் போதிய வெளிச்சம் அனைவருக்கும் குடிநீர் ஏற்பாடு, மருத்துவ வசதி, நடமாடும் கழிப்பிட வசதி இருக்க வேண்டும். பட்டாசு வெடிக்கக்கூடாது போன்ற நிபந்தனைகளை ஹசாரேயும் அவரது ஆதரவாளர்களும் ஏற்றுக் கொண்டு கையெழுத்திட்டுள்ளனர்.

ராம்லீலா மைதானம் உள்ள பகுதியில் வாகனப் போக்குவரத்துக்கு இடையூறாக ஆர்ப்பாட்டக்காரர்கள் சாலையில் கூடுவதைத் தவிர்க்க வேண்டும். இது குறித்து மத்திய உள்துறைச் செயலர் பி. கே. சிங் கூறியது.

டில்லி பொலிஸாருடன் ஹசாரேயின் ஆதரவாளர்கள் நடத்திய பேச்சுவார்த்தைகளின் அடிப்படையில் இந்த உடன்படிக்கை ஏற்பட்டது. அதன் அடிப்படையில் மத்திய உள்துறைக்குத் தகவல் அளிக்கப்பட்டது. இதில் ஒரு அணியினருக்கு வெற்றி, மற்ற அணிக்குத் தோல்வி என்று எதுவுமில்லை என்றார் அவர்.

செவ்வாய்க்கிழமை (ஆகஸ்ட் 16) முதல் திகார் சிறையில் உள்ள அண்ணா ஹசாரேவுக்கு ஜி. பி. பந்த் மருத்துவமனையைச் சேர்ந்த டாக்டர்கள் குழுவினர் மருத்துவப் பரிசோதனைகளை மேற்கொண்டனர்.