ஹசாரே உண்ணாவிரதம்:அரசை கவிழ்ப்பது எங்கள் நோக்கமல்ல: போராட்டக்குழு அறிவிப்பு

புதுடெல்லி, ஆக. 22-


அன்னா ஹசாரே போராட்டக் குழுவைச் சேர்ந்த அரவிந்த் கெஜ்ரி வால் இன்று நிருபர்களிடம் கூறியதாவது:-

லோக்பால்
தொடர்பாக மத்திய அரசு பேச்சு வார்த்தை நடத்த தயாராக இருப்பதாக பிரதமர் மன்
மோகன்சிங் உங்களிடம் (நிருபர்கள்) கூறினார். ஆனால் மத்திய அரசு இதுவரை
பேச்சு வார்த்தை நடத்த முன்வரவில்லை. பேச்சு வார்த்தை நடத்த நாங்கள்
தயாராக உள்ளோம். ஆனால் அரசு தரப்பில் இருந்து யாரும் எங்களை அணுகவில்லை.

இந்த
விஷயத்தில் அரசு தான் அடுத்தக்கட்ட நடவடிக்கை எடுக்க வேண்டும். பேச்சு
வார்த்தை நடத்த நாங்கள் எங்கே வர வேண்டும்? யாரை சந்தித்து பேச வேண்டும்?
என்று பல தடவை கேட்டு விட்டோம். இதுவரை அரசு எந்த உறுதியான பதிலையும்
சொல்லவில்லை. பிறகு எப்படி நாங்கள் பரிந்துரை செய்ய வேண்டும்.

ஜனலோக்
பாலை விரைந்து நடைமுறைப்படுத்தவே அரசு 30-ந் தேதிக்குள் செயல்பட வேண்டும்
அல்லது விலக வேண்டும் என்று கூறினார். ஆனால் இதை வேறுவிதமாக
கருதுகிறார்கள். மத்திய அரசை கவிழ்க்க வேண்டும் என்ற எண்ணமோ, நோக்கமோ அன்னா
ஹசாரே குழுவுக்கு கிடையாது.

ராம்லீலா மைதானத்தில்
பல்லாயிரக் கணக்கானவர்கள் 7 நாட்களாக திரண்டு இருந்த பிறகும் மத்திய அரசு
நாங்கள் ஊழல் வாதிகளுக்கு பாதுகாப்பாகத்தான் இருப்போம் என்று
சொல்லிக்கொண்டிருக்கிறது. எனவே தான் அன்னா ஹசாரே அரசை பற்றி கூறியதில் என்ன
தவறு உள்ளது? மத்திய அரசு நினைத்தால் இரண்டே நிமிடத்தில் இந்த சட்டத்தை
கொண்டு வந்து விடமுடியும். ஏனோ மத்திய அரசு இதை கவுரவ பிரச்சினையாக
கருதுகிறது

வேலை இல்லா வெட்டி கூட்டமிது ..இவர்களிடம் அரசு உஷாராக இருக்க வேண்டும்