தமிழகத்தில் தி.மு.க. மீண்டும் ஆட்சிக்கு வரும்: மத்திய மந்திரி நெப்போலியன் பேச்சு

நெல்லை, ஆக.22-


புனித
ரமலான் இப்தார் நோன்பு திறக்கும் நிகழ்ச்சி மற்றும் மத நல்லிணக்க விழா
நெல்லை கொக்கிரகுளத்தில் நடந்தது. நிகழ்ச்சிக்கு மாவட்ட தி.மு.க. செயலாளர்
வீ.கருப்பசாமிபாண்டியன் தலைமை தாங்கினார். ராமசுப்பு எம்.பி, முன்னாள்
எம்.எல்.ஏ. பீட்டர் அல்போன்ஸ், மாநகர் மாவட்ட காங்கிரஸ் தலைவர்
சுந்தரராஜபெருமாள், மேயர் ஏ.எல்.சுப்பிரமணியன், தங்கவேலு எம்.பி, மாநகர
தி.மு.க. செயலாளர் மாலைராஜா ஆகியோர் முன்னிலை வகித்தார்.

இந்த
விழாவை முன்னாள் சபாநாயகர் ஆவுடையப்பன் தொடங்கிவைத்து
பேசினார்.நிகழ்ச்சியில் மத்திய மந்திரி நெப்போலியன் சிறப்பு அழைப்பாளராக
கலந்து கொண்டார்.

அப்போது அவர் பேசியதாவது:-

உலகம்
முழுவதும் உள்ள மக்கள் நன்றாக இருக்க வேண்டும் என்ற உயர்ந்த நோக்கத்துடன்
இஸ்லாமிய சமுதாயத்தினர் நோன்பு திறக்கும் நிகழ்ச்சியை நடத்துகிறார்கள்.

எந்த
அலையிலும் தி.மு.க. என்ற படகு கவிழ்ந்து விடாது. கண்டிப்பாக கரைசேரும்.
மீண்டும் தமிழகத்தில் தி.மு.க. ஆட்சிக்கு வரும். அ.தி.மு.க. ஆட்சியில்
சட்டசபையில் எதிர்கட்சியினரை பேச அனுமதிப்பதில்லை. அந்த அளவிற்கு அராஜகம்
நடக்கிறது. தி.மு.க.வினர் துவண்டு விடாமல் உழைக்கவேண்டும்.

இவ்வாறு மத்திய மந்திரி நெப்போலியன் பேசினார்.

மாலை மலர்

ஆமாம் இவர்கள் தான் திமுக என்ற படகை கவிழ்த்த மாலுமிகள் ...