அமெரிக்காவில் கடும் நில நடுக்கம்

by **நண்பன்** Thu 25 Aug 2011 - 4:26

அமெரிக்காவில் கடும் நில நடுக்கம்

வொ'pங்டன், நிய+யோர்க்கில் மக்கள் பீதியில் ஓட்டம்

அமெரிக்காவின் கிழக்கு கடற்கரையில் நேற்று முன்தினம் கடும் நிலநடுக்கம்
ஏற்பட்டுள்ளது. இதனால் தலைநகர், வெள்ளை மாளிகை, பென்டகன் உள்ளிட்ட இடங்களில் மக்கள்
வீடுகளை விட்டு வெளியேற நேரிட்டது.
அமெரிக்காவில் கடும் நில நடுக்கம் W-1

எனினும் இந்த நிலநடுக்கத்தால் உயிரழப்பு எதுவும் ஏற்படவில்லை எனத் தெரிவித்த
தீயணைப்பு அதிகாரிகள் வொஷிங்டனில் சிலருக்கு காயம் மட்டும் ஏற்பட்டது என்றனர்.
விர்ஜினியா, ரிச்மாண்டின் வடமேற்கே 64 கிலோ மீட்டரில் மையம் கொண்டிருந்த இந்த நில
நடுக்கம் ரிச்டர் அளவுகோலில் 5.8 எனப் பதிவானதாக அமெரிக்க புவி ஆய்வு மையம்
தெரிவித்தது. செவ்வாய்க்கிழமை பிற்பகல் 2 மணியளவில் இந்த நிலநடுக்கம் ஏற்பட்டது.
நிலநடுக்கம் ஏற்பட்டவுடன் வடக்கு மின் நிலையத்தில் உள்ள 2 அணு உலைகள் தானாகவே
செயல்பாட்டை நிறுத்திக்கொண்டன என அமெரிக்க அணுசக்தி ஒழுங்குமுறை ஆணைய செய்தித்
தொடர்பாளர் ரொஜர் ஹன்னா தெரிவித்தார்.
இந்த நிலநடுக்கத்தால் வொஷிங்டன் நகரில் பீதி அடைந்த மக்கள் தங்கள் வீடுகளை விட்டும்
அலுவலகங்களில் இருந்தும் வெளியேறினர். பாதைகளில் தஞ்சம் புகுந்தனர். அதைத் தொடர்ந்து
பதற்றமும் பரபரப்பும் ஏற்பட்டது. நில நடுக்கத்தின் போது வெள்ளை மாளிகையும்
குலுங்கியது. அப்போது ஜனாதிபதி ஒபாமாவும், அவரது குடும்பத்தினரும் அங்கு இல்லை.
விடுமுறையை கழிக்க மாஸ்சாசூ செட்ஸ் பகுதியில் உள்ள மார்தா வினியார்ட் என்ற
இடத்துக்கு சென்று இருந்தனர். ஆனால் அங்கு வேலை பார்த்த அதிகாரிகள் மற்றும்
ஊழியர்கள் வெளியேற்றப்பட்டனர். அவர்கள் தெருக்களில் அச்சத்துடன் நின்றனர்.
இதேபோன்று மிக பலமான கட்டடம் உள்ள இந்திய தூதரகம், பென்டகன் (அமெரிக்கா இராணுவ
தலைமையகம்) ஊழியர்களும் வெளியேற்றப்பட்டனர். இங்கு சுமார் 30 வினாடிகள் நில நடுக்கம்
இருந்தது.
எனவே, தீயணைப்பு துறையினர் அலாரம் மூலம் அபாய எச்சரிக்கை விடுத்தனர். கட்டடங்கள்,
வீடுகளில் இருந்த மக்கள் அலறியடித்தபடி வெளியே ஓடிவந்தனர். இதனால் பாதைகளில்
போக்குவரத்து நெரிசல் ஏற்பட்டது.
நியூயோர்க்கிலும் இதே நிலைதான் நீடித்தது. கட்டடங்கள் குலுங்கியதால் பீதி அடைந்த
மக்கள் தெருக்களில் ஓட்டம் பிடித்தனர். இதனால் பரபரப்பு ஏற்பட்டது.
அமெரிக்காவில் கடும் நில நடுக்கம் W-1-1

கடந்த 2001 ஆம் ஆண்டு செப்டம்பர் 11 ஆம் திகதி அல்கொய்தா தீவிரவாதிகள் தாக்குதல்
நடத்திய சம்பவத்தை நினைவுபடுத்தியது. பூஸ்டன், தெற்கு மற்றும் வடக்கு கரோலினா,
இண்டியானா பொலிஸ், டெட்ராஸ்ட் உள்ளிட்ட இடங்களிலும் நில நடுக்கத்தை உணர முடிந்தது.
எனவே, நியூயோர்க் வந்த விமானங்கள் நீண்ட பரிசோதனைக்கு பின்னர் தாமதமாக தரை இறங்க
அனுமதிக்கப்பட்டன.
வொஷிங்டனில் போக்குவரத்தில் சிறிது பாதிப்பு ஏற்பட்டது. ரெயில்கள் மணிக்கு 15 கி.
மீற்றர் வேகத்தில் மெதுவாக இயக்கப்பட்டன. இப்பகுதியில் மொத்தம் 12 அணு உலைகள் உள்ளன.
அவை பாதிக்கப்படவில்லை.
வொஷிங்டனில் உள்ள தேசிய நினைவு சின்னம் சேதம் அடைந்துள்ளது. அதேபோன்று மிக உயரமான
கட்டடமான தேசிய கத்தீட்ரல், மத்திய டவர் கட்டடமும் சேதமானது.
எனினும் நிலநடுக்கத்தால் உயிர் சேதமோ பொருட் சேதமோ ஏற்படவில்லை என
அறிவிக்கப்பட்டுள்ளது.
இதற்கிடையே 5.8 ரிச்டர் அளவில் நிலநடுக்கம் பதிவானதாக அமெரிக்க புவியியல் ஆய்வு
மையம் தெரிவித்துள்ளது.
சமீபத்தில் ஏற்பட்ட நிலநடுக்கத்தில் இதுதான் சக்தி வாய்ந்ததாக கருதப்படுகிறது

ஏனெனில் வொஷிங்டன் பகுதியில் கடந்த 1897 ஆம் ஆண்டு மே மாதம் 5.9 ரிச்டர் அளவில் நில
நடுக்கம் ஏற்பட்டது. தற்போது 110 ஆண்டுக்கு பிறகுதான் இதுபோன்று உருவாகியுள்ளது