மனிதன் அறியாத 75 இலட்சத்திற்கும் மேற்பட்ட உயிரினங்கள்

by **நண்பன்** Fri Aug 26, 2011 1:23 pm

மனிதன் அறியாத 75 இலட்சத்திற்கும் மேற்பட்ட உயிரினங்கள்

கண்டறிய மேலும் ஒரு நூற்றாண்டு தேவை

பூமியில் உள்ள உயிரினங்களின் எண்ணிக்கை நாம் அறிந்தவரை 12 இலட்சமாகும். ஆனால்
அறியாத உயிரினங்களின் எண்ணிக்கையோ 75 இலட்சமாக இருக்கலாம் என்று சர்வதேச
ஆராய்ச்சியின் முடிவில் தெரிய வந்திருக்கிறது.
மனிதன் அறியாத 75 இலட்சத்திற்கும் மேற்பட்ட உயிரினங்கள் W5

மனிதன் அறியாத 75 இலட்சத்திற்கும் மேற்பட்ட உயிரினங்கள் W5

80 நாடுகளிலிருந்து 2,700 விஞ்ஞானிகள் கொண்ட ஸன்ஸ் ஒப் மெரீன் லைப் எனும் அமைப்பு
2000-ம் ஆண்டு அமைக்கப்பட்டது. உலகிலுள்ள அனைத்து உயிரினங்களின் மொத்த
எண்ணிக்கையையும் அறியும் பொருட்டு இந்த ஆராய்ச்சி தொடங்கப்பட்டது. பத்து வருட
ஆராய்ச்சிக்குப் பின்னர் ஜீவராசிகளைப் பகுக்கும் முறையைக்கொண்டு இந்த எண்ணிக்கை
கணக்கிடப்பட்டுள்ளது.
பறவைகள், பாலூட்டிகள் போன்ற அடிப்படையிலான இனக்குழு அளவில்
உயிரினங்களைப் பிரித்து அவற்றின் உளப்பிரிவுகளில் இருக்கக் கூடிய சிறிய பிராணிகளின்
எண்ணிக்கையை அனுமானித்தனர்.
இதில் நமக்கு ஏற்கனவே நன்கு தெரிந்த பறவை, மீன், வகைகளைக் கொண்டு இந்த அனுமான முறையை
சரிபார்த்தனர். அந்த சோதனையில் விஞ்ஞானிகளின் கணக்கு சரியாக இருப்பதாகத் தெரிய
வந்தது. இதன் அடிப்படையில் உலகிலுள்ள மொத்த உயிரினங்களின் எண்ணிக்கையை
அறிவித்திருக்கின்றார்கள். இவர்களின் கணக்குப்படி உலகில் 87 இலட்சம் உயிரினங்கள்
உள்ளன. இதில் ஏறத்தாழ 3 லட்சம் தாவர வகை, 6 லட்சத்துக்கும் மேல் பூஞ்சை வகை
உயிரினங்கள் உள்ளன.
இந்த ஆராய்ச்சியில் ஈடுபட்ட விஞ்ஞானிகளில் ஒருவரான டாக்டர் ஸனா அதில் கூறியது;
உலகில் நம்மோடு உயிர் வாழும் உயிரினங்களில் கிட்டத்தட்ட 90 சதவீத உயிர்களைப் பற்றி
நமக்கு ஒன்றுமே தெரியாது. அப்படியிருக்கும் போது, இந்த பூமியைக் கட்டிக் காப்பதில்
நாம் பெரிய வெற்றியைக் காணவில்லை என்பதில் வியப்பில்லை என்றார்.
ஆராய்ச்சியின் முடிவுகள் பப்ளிக் லைப்ரரி ஒஃப் ஸயன்ஸ் பயாலஜி எனும் ஆய்விதழில்
வெளியிடப்பட்டுள்ளன.

இந்தக் கணக்கின் அடிப்படையில் அனைத்து உயிரினங்களையும் நாம் கண்டுபிடித்துப்
பட்டியலிட இன்னும் நூறு ஆண்டுகள் ஆகும் என்று இன்னொரு கணக்கையும் விஞ்ஞானிகள்
கூறியுள்ளனர்