லிபியாவில் கலவரம்- துப்பாக்கி சண்டை: திரிபோலியில் அழுகி கிடக்கும் 200 பிணங்கள்- கடாபி அல்ஜீரியாவுக்க

லிபியாவில் அதிபர் கடாபியின் 42 ஆண்டு கால ஆட்சிக்கு எதிராக மக்கள்
நடத்திய போராட்டம் வெற்றி பெற்றுள்ளது. தலைநகர் திரிபோலி புரட்சிப்படையின்
கட்டுப்பாட்டில் உள்ளது. அங்குள்ள பெரும்பாலான பகுதிகளை புரட்சிப்படை
கைப்பற்றியது.

மீதமுள்ள இடங்களையும் பிடிக்க கடாபி
ராணுவத்துடன் தொடர்ந்து துப்பாக்கி சண்டையும், குண்டுவீச்சு சம்பவங்களும்
நடைபெறுகிறது. இதனால் திரிபோலியில் ஆங்காங்கே பிணங்கள் குவியலாக
கிடக்கின்றன. ஆஸ்பத்திரி சவக்கிடங்களில் 200 அழுகிய உடல்கள் கேட்பாரற்று
உள்ளன. சண்டையின் காரணமாக டாக்டர்கள், ஊழியர்கள் மற்றும் நர்சுகளும்
ஆஸ்பத்திரியை விட்டு வெளியேறிவிட்டனர்.

எனவே,
சிகிச்சை அளிக்க ஆளின்றி ஏராளமானவர்கள் உயிர் இழந்ததாக கூறப்படுகிறது.
அவர்களின் பிணங்கள் படுக்கைகளிலும், வராந்தாக்களிலும்
கிடக்கின்றன. தலைநகரான திரிபோலி வீழ்ந்து விட்டாலும், அதிபர் கடாபி
இன்னும் புரட்சிப் படையிடம் சிக்கவில்லை. அவர் ரகசியமாக அமைத்து வைத்த
பதுங்கு குழிகளிலும் தேடினார்கள். அங்கும் அவர் சிக்கவில்லை. இதற்கிடையே
அவர் பக்கத்து நாடான அல்ஜீரியாவுக்கு தப்பி ஓடிவிட்டதாக எகிப்தின் “மேனா”
என்ற நிறுவனம் செய்தி வெளியிட்டுள்ளது.

அல்ஜீரியா
எல்லைப் பகுதியில் ஆயுதம் தாங்கிய 6 வாகனங்கள் சென்றதாகவும், அதில்
கடாபியும் அவரது மகன்களும் இருந்ததாக அந்த செய்தியில் கூறப்பட்டுள்ளது.
இவர்கள் தவிர கடாபியின் ஆதரவு முக்கிய அதிகாரிகளும் உடன் சென்றதாக
தெரிகிறது. ஆனால், இதை “நேட்டோ” ராணுவம் உறுதிப்படுத்தவும் இல்லை.
மறுக்கவும் இல்லை.

மேலும், கடாபியும் அவரது
மகன்களும் பதுங்கி இருக்கும் இடம் குறித்த நம்ப தகுந்த தகவல் எதுவும் இல்லை
என தேசிய மாற்று கவுன்சில் தலைவர் முஸ்தபா அப்தெல் ஜலீல்
தெரிவித்துள்ளார்.

கடாஃபி தப்பி விட்டாரா பரவாயில்லையே

jasmin wrote:கடாஃபி தப்பி விட்டாரா பரவாயில்லையே

அமெரிக்கா சிரிக்கிறது லிபியா சின்னா பின்னமாகி விட்டது

இது அந்த அயோக்கியர்களின் மாஷ்டர் பிலான் தானே .. நம் சர்வாதிகளும் அமெரிக்க குள்ள நரி தந்திரத்துக்கு துணை போகிறார்களே

jasmin wrote:இது அந்த அயோக்கியர்களின் மாஷ்டர் பிலான் தானே .. நம் சர்வாதிகளும் அமெரிக்க குள்ள நரி தந்திரத்துக்கு துணை போகிறார்களே

@. @.