புதிதாய் எழுந்த இரவி

by **ஆசுகவி அன்புடீன்** Thu 1 Sep 2011 - 15:31

முப்பது நாட்கள் பூத்ததோர் பூவின்
முழுமணம் நுகர்ந்தோர் முகமலர்ந்திருந்தனர்
தப்பிதம் இன்றித் தவறுகள் இன்றித்
தயவுடன் நோன்புப் பூவினை நுகர்ந்தனர்
சிப்பியில் இருந்து சிதறிடும் முத்தாய்
சிரிக்கும் பெருநாள் அருமையில் லயித்தனர்
இப்பொழு தெங்கும் பெருநாள் பூத்தது
இப்புவி எங்கும் இனிமை சுரந்தது!

பெருநாள் என்னும் திருநாள் வந்ததால்
பேறுக ளெல்லாம் பெருக்கெடுத் தோடின
ஒருநாள் இதுபோல் உலகினில் உண்டோ?
ஒவ்வொரு வீட்டிலும் ஒளிமலர் சிரித்தது!
திருநாள் தந்த தித்திக்கும் நினைவில்
தெருவில் வந்தேன்: வளியிலோர் சிறுமி
பெருநாள் உடைகள் பேறுகள் இன்றி
பேந்தப் பேந்த விழித்தங்கு நின்றாள்!

சிறுமியை அழைத்து சிறுகதை கேட்டேன்
சிணுங்கி சிணுங்கி மறுமொழி சொன்னாள்
அருமை நாளில் புத்தாடை இல்லை
அதனை வாங்க வழிவகை இல்லை
பெருமை நிறைந்த பெரியைஇந் நாளில்
பெரிதாய் உணவுகள் படைத்திடவில்லை
சிறுமை இதுபோல் எங்குமோ உண்டோ?
சிந்தை எனக்குள் சீற்றம் எடுத்தது!

அடுத்தவன் பசியை அடுத்தவன் அறிய
ஆக்கிய நோன்பின் அறிவொளி எங்கே?
உடுக்கை இழந்தனும் உதவிடும் கரம்போல்
ஒருவருக் கொருவர் உதவிடத் தூண்டிடும்
அடுக்க டுக்கான சட்டங்கள் நிறைந்த
அருமை இஸ்லாத்தின் சமத்துவம் எங்கே?
இடுக்கன் எனக்குள் இசைந்து அழுதது
இரவி ஒன்று புதிதாய் எழுந்தது!

எல்லோர் எல்லாமும் பெறுவது இஸ்லாம்
இல்லாமை இல்லாத இருப்பிடம் இஸ்லாம்
இல்லானும் இருப்பானும் இல்லாத இஸ்லாத்தில்
இல்லான் ஒருவன் எங்ஙனம் வந்தனன்?
அல்லாஹ் ஹுவே ! அருட்கொடையாளா
அவனையும் படைத்தவன் நீயா ? இல்லைஇப்
பொல்லா உலகின் சமூக அமைப்பின்
புழுதியின் அவனா பிறந்தானா ? சொல் ! சொல் !

1983 இல் நான் எழுதி இலங்கை வானொலியில் நானே படித்தேன்.

by **Atchaya** Thu 1 Sep 2011 - 15:37

இடுக்கன் எனக்குள் இசைந்து அழுதது
இரவி ஒன்று புதிதாய் எழுந்தது!

அல்லாஹ் ஹுவே ! அருட்கொடையாளா
அவனையும் படைத்தவன் நீயா ? இல்லைஇப்
பொல்லா உலகின் சமூக அமைப்பின்
புழுதியின் அவனா பிறந்தானா ? சொல் ! சொல் !

அருமை....மூதரிஞ்சரின் அழகு கவிதை அருமை.... #heart #heart

by **விஜய்** Thu 1 Sep 2011 - 15:38

அருமையான வரிகள் ஆசுகவி அன்புடீன் ஐயா உங்களின் வரிகள் முத்துகள் வாழ்த்துகள்

by **முனாஸ் சுலைமான்** Thu 1 Sep 2011 - 15:43

அடுத்தவன் பசியை அடுத்தவன் அறிய
ஆக்கிய நோன்பின் அறிவொளி எங்கே?
உடுக்கை இழந்தனும் உதவிடும் கரம்போல்
ஒருவருக் கொருவர் உதவிடத் தூண்டிடும்
அடுக்க டுக்கான சட்டங்கள் நிறைந்த
அருமை இஸ்லாத்தின் சமத்துவம் எங்கே?
இடுக்கன் எனக்குள் இசைந்து அழுதது
இரவி ஒன்று புதிதாய் எழுந்தது!

சூப்பரான வரிகள் கவிஞரே வாழ்த்துக்கள்
இங்கிருக்கும் சின்னவர்கள் சிலர் பிறக்குமுன்னரே எழுதியிருந்தாலும் இன்றைய நியதிக்கு ஏற்றாற்போல் உள்ளது வாழ்த்துக்கள் கவிஞருக்கு :flower:

by *சம்ஸ் Thu 1 Sep 2011 - 15:50

ஒவ்ஒரு வரிகளும் ஒன்றேடு ஒன்று முத்தமிட்டு செல்கிறது கவியே.
வாழ்த்த வார்தைகள் இல்லை

by **முனாஸ் சுலைமான்** Thu 1 Sep 2011 - 15:54

*சம்ஸ் wrote:ஒவ்ஒரு வரிகளும் ஒன்றேடு ஒன்று முத்தமிட்டு செல்கிறது கவியே.
வாழ்த்த வார்தைகள் இல்லை

@. @.

by **kalainilaa** Fri 2 Sep 2011 - 2:47

அடுத்தவன் பசியை அடுத்தவன் அறிய
ஆக்கிய நோன்பின் அறிவொளி எங்கே?
உடுக்கை இழந்தனும் உதவிடும் கரம்போல்
ஒருவருக் கொருவர் உதவிடத் தூண்டிடும்
அடுக்க டுக்கான சட்டங்கள் நிறைந்த
அருமை இஸ்லாத்தின் சமத்துவம் எங்கே?
இடுக்கன் எனக்குள் இசைந்து அழுதது
இரவி ஒன்று புதிதாய் எழுந்தது!

எல்லோர் எல்லாமும் பெறுவது இஸ்லாம்
இல்லாமை இல்லாத இருப்பிடம் இஸ்லாம்
இல்லானும் இருப்பானும் இல்லாத இஸ்லாத்தில்
இல்லான் ஒருவன் எங்ஙனம் வந்தனன்?
அல்லாஹ் ஹுவே ! அருட்கொடையாளா
அவனையும் படைத்தவன் நீயா ? இல்லைஇப்
பொல்லா உலகின் சமூக அமைப்பின்
புழுதியின் அவனா பிறந்தானா ? சொல் ! சொல் !

கேள்வியோடு ஒரு கவி.
படைத்தான்,நல்லவனாகவே!
பிறந்தான் நல்லவனாகவே!
வளர்ந்ததில் ,குறை,
வளர்பப்தில் குறை,
விடை சொல்லும் மறை இருந்தும்,
தடைபோடும் மனசுக்கு எடைப்போடும்,
எண்ணமில்லை !
எண்ணியது எல்லாம் நடக்க நாடினால்,
இறைவன் என்பவன் தேவையில்லை.
இந்த நிலை மாறவே உங்கள் ,
கேள்விக்கு பதில் அறியவே,
இவன் செயல அறியவே,
இவன் கைகளும் ,கால்களும்,
கண்களும் பேசும்,மறுத்ததை சொல்லும்,
என்று மறை வழி,காட்டும் .

உங்கள் கவிதைக்கு நான் ரசிகன்.
தினமும் தாருங்கள் தமிழை,
நாங்களும் எழுத,உதவும் ,.நன்றி .

by **கலைவேந்தன்** Fri 2 Sep 2011 - 7:17

அடுத்தவன் பசியை அடுத்தவன் அறிய
ஆக்கிய நோன்பின் அறிவொளி எங்கே?
உடுக்கை இழந்தனும் உதவிடும் கரம்போல்
ஒருவருக் கொருவர் உதவிடத் தூண்டிடும்
அடுக்க டுக்கான சட்டங்கள் நிறைந்த
அருமை இஸ்லாத்தின் சமத்துவம் எங்கே?
இடுக்கன் எனக்குள் இசைந்து அழுதது
இரவி ஒன்று புதிதாய் எழுந்தது!

அனைத்து வரிகளுமெ அசத்தல் எனினும் கோளிட்ட வரிகள் அருமையான சமத்துவ மதக்கொள்கையை கம்பீரமாக முரசறிவிக்கின்றன.

இறைவனின் படைப்பில் ஏற்றத்தாழ்வுகள் கண்ட மனிதத்தின் வீழ்ச்சி கூறி வேதனை வெளிப்படுத்துகின்றன.

உங்கள் வரிகளெனும் மதுவைப் பருகத் தொடங்கியுள்ளேன். வியக்க வைக்கிறீர்கள் ஐயா..

பாராட்டுகள்..!

by **நேசமுடன் ஹாசிம்** Fri 2 Sep 2011 - 7:24

இருவது வருடங்களுக்கு முன் கண்டெடுத்த வைரம் போல் வரிகள் இன்றும் காதுகளுக்கு இனிமையாக ஒலிக்கிறது மகிழ்ச்சி மிக்க மகிழ்ச்சி எங்களோடு பகிர்ந்து கொண்டமைக்காக

by Sponsored content

புதிதாய் எழுந்த இரவி

புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி

Re: புதிதாய் எழுந்த இரவி