கங்கைப்பூவின் பூம்பொழில் வாசம்..!

by **கலைவேந்தன்** Tue 6 Sep 2011 - 21:05

செங்கதி ரோனின் பொன்னிறக் கரங்கள்
எங்கும் தொட்டிடா கங்கைப் பூவே
மங்கையர் பூவினில் மயங்கிடு தல்போல்
எம்கை கண்டதும் சிவந்திடும் பூவே
கொங்கை கண்ட குழவியைப் போல்தான்
உள்ளம் கவர்ந்த குங்குமப் பூவே..
தன்கை நம்பிய தரமிகு உழவன்
செங்கை வளர்த்த செம்மலர்ப் பொழிலே
கங்கைப் பூவே உன்னெழில் கண்டு
மயங்கி மகிழ்ந்தேன் நற்சுவை தாராய்..

உண்டிநல் நிறைந்த உன்மத்தன் போல்
கண்டுனை மகிழ்ந்தேன் கங்கைப் பூவே.
மண்டின நினைவினில் மயங்கியே மகிழ்ந்துனை
மாந்தித் திளைத்திட மயங்கிடும் மனதினை
முண்டி யடித்தே முடக்கி னன்யான்
தண்மையின் அழகில் மடக்கினை பூவே
கொண்டு மகிழ்ந்துன் கோலம் கண்டிட
உண்டு திளைத்துன தெழிலதைப் பருகிட
உன்வடி வழகினில் உருகிக் களித்திட
பண்டைய நாள்முதல் பரிதவித் தனன்யான்...!

சிறுகக் குழைந்தே சிற்றிதழ் சிவந்திட
நறுமணம் கொண்டே நாடியைக் கவர்ந்திட
குறுமுகைச் செவ்விதழ் குவிந்து சிரித்திட
சிறுநகை புரிந்துன் இதழதைச் சுவைத்திட
குறுகுறுத் திடுமென் குவிந்தநல் உதடும்
உன்னெழில் கண்டபின் ஊனினை மறந்தே
முன்னெதிர் வந்துன் சிந்திடும் தேன்மழை
சின்னதோர் தேர்வடம் சிறுவர்கைப் பட்டதும்
மின்னலாய் ஒளிர்ந்திடும் ஓரதிசயம் போல்
கன்னலே உன்மது என்மதி மயக்கிடும்..!

by **நண்பன்** Tue 6 Sep 2011 - 22:04

பூவும் அழகு அதை வர்ணித்த வரிகளும் அழகு
வாழ்த்துக்கள் வேந்தே எந்தப் பூவுக்கு நீங்கள் வரைந்தீரோ அந்தப்பூவும் அழகு வாழ்த்துக்கள் :!+: :!+:

by **அப்துல்லாஹ்** Wed 7 Sep 2011 - 8:50

சும்மா சலசலன்னு அப்படியே நம்ம மனச நனச்சுக்கிட்டு போகுது பாருங்க இந்த பூக்களின் வாசம் பட்ட பாட்டோடை...
படிச்சு முடிச்சதும் திரும்பவும் மேல இருந்து கிழ நோக்கி வாசிக்க வைக்குது...
இது ஒரு வித்தை.... இது உங்க கிட்ட நிறையவே இருக்கு..
வார்த்தைகளின் வடிவில் ஒரு சுகமான வசந்தம் வாசிப்பவர்க்கு கிட்டும் சுகந்தம்....

by **கலைவேந்தன்** Thu 8 Sep 2011 - 18:42

மனம் நிறைந்து பாராட்டிய நண்பன் மற்றும் என் அருமை நண்பன் அப்துல்லாஹ் இருவருக்கும் மிக்க நன்றி..!

வேறு எவரையும் கவர்ந்திடாத இக்கவிதை உங்கள் இருவரையும் மிகக்கவர்ந்தது எனக்கு மகிழ்ச்சியைத் தருகிறது..!

by Sponsored content

கங்கைப்பூவின் பூம்பொழில் வாசம்..!

கங்கைப்பூவின் பூம்பொழில் வாசம்..!

Re: கங்கைப்பூவின் பூம்பொழில் வாசம்..!

Re: கங்கைப்பூவின் பூம்பொழில் வாசம்..!

Re: கங்கைப்பூவின் பூம்பொழில் வாசம்..!

Re: கங்கைப்பூவின் பூம்பொழில் வாசம்..!