மலரொன்று உதிர்ந்தது

by **பாயிஸ்** Fri 9 Sep 2011 - 1:23

அந்த மாலைப்பொழுதில்
மேனியை இதமாக தடவிச்சென்ற
கரிசக்காட்டின் காற்று
கதைகள் நூறு சொல்லின

அதனால்
கரையொதுங்க இருளும் சூழ்ந்து கொண்டது
ஒரு இடுக்கின் ஒடுக்கையில் ஒதுங்களாக
மொட்டொன்று சத்தமாய் மலர்ந்தது

அந்த இருள் போர்வையாய் மாற
இனந்தெரியாத உணர்வோடு
சங்கமித்துக்கொண்டது சில நிமிடங்கள்

இருளைச் சூழ்ந்த போர்வை
மெதுவாக விரிக்கப்பட
மறுநாள் புலர்ந்தது
விதியின் விடியலோடு

வறண்ட புமியில் விதைந்த மலராய்
மொட்டவிழ்ந்து வாடிநிற்கிறது இப்போது

வாடிய மலர் இன்னும்
வதைக்கப்பட்டுக்கொண்டேயிருக்கிறதே
அது இனிமேலும் மலரப்போவதில்லையென்றா

இந்த மலருக்கு இனியேது பங்கம்
வாடியே போய்விட்டது
அவசியமில்லை இனியும் இதற்கு

அன்புடன் பாயிஸ்